San Lucas 19:13 - Li Santil hu

¹³ Nak ac xic re li cui̱nk quixbokeb laje̱b lix mo̱s. Quixqꞌue laje̱b chi tumin re li junju̱nk ut quixye reheb: —Yaconkex chiru li tumin aꞌin tojaꞌ yal jokꞌe tana tinsukꞌi̱k chak la̱in, chan.

Q'eqchi Bible

¹³ Jo'kan naq kixb'oqeb' chaq lajeeb' li xmoos, kixk'e lajeeb' chi tumin re li junjunq ut kixye reheb': «Yakonqex chiru toj reetal tinsutq'iiq chaq».

San Lucas 19:13 ပူးပေါင်းရင်းမြစ်များ

San Juan 12:26

Li ani ta̱raj cꞌanjelac chicuu, tento tinixta̱ke ut tixba̱nu li cꞌaꞌru ninye. Bar cua̱nkin la̱in, aran ajcuiꞌ ta̱cua̱nk aꞌan. Ut lin Yucuaꞌ ta̱qꞌuehok xlokꞌal li ani ta̱cꞌanjelak chicuu, chan li Jesús reheb.

2 Pedro 1:1

La̱in laj Simón Pedro. La̱in x-apóstol li Jesucristo ut nincꞌanjelac chiru. Nintzꞌi̱ba li hu aꞌin e̱riqꞌuin, la̱ex aj pa̱banel. Ac xetau lix chakꞌal ru li pa̱ba̱l joꞌ li kapa̱ba̱l la̱o. Li pa̱ba̱l aꞌin natauman riqꞌuin li Ka̱cuaꞌ Jesucristo laj Colol ke, li ti̱c xchꞌo̱l.

Santiago 1:1

La̱in laj Santiago, laj cꞌanjel chiru li Dios ut chiru li Ka̱cuaꞌ Jesucristo. Yo̱quin chi tzꞌi̱bac e̱riqꞌuin la̱ex, li cablaju chi xte̱paleb laj Israel. Nintakla xsahil e̱chꞌo̱l la̱ex li xejeqꞌui e̱rib yalak bar saꞌ li junju̱nk chi naꞌajej.

Gálatas 1:10

¿Ma yal re ta biꞌ nak teꞌsahokꞌ xchꞌo̱l li cui̱nk cuiqꞌuin nak yo̱quin chixyebal chi joꞌcaꞌin? ¿Ma incꞌaꞌ ta biꞌ yo̱quin chixyebal chi joꞌcaꞌin re nak sahak xchꞌo̱l li Dios cuiqꞌuin? ¿Ma tincuaj ta biꞌ tincꞌojob xchꞌo̱leb li cui̱nk? Ma̱ jokꞌe xban nak cui ta toj nacuaj xcꞌojobanquil xchꞌo̱leb li cui̱nk ma̱cuaꞌin raj aj cꞌanjel chiru li Jesucristo.

San Mateo 25:16

Ut li mo̱s li quicꞌuluc re li o̱b mil pe̱s, qui-oc chi yacoc chiru ut quire̱chani o̱b mil pe̱s chic saꞌ xbe̱n li quixcꞌul.

San Mateo 25:20

Ut quicuulac li mo̱s li quicꞌuluc re li o̱b mil pe̱s. Ut quixcꞌam chak li o̱b mil li quixcꞌul ut quixcꞌam chak ajcuiꞌ li o̱b mil chic li xbe̱n li quire̱chani, ut quixye: “Ka̱cuaꞌ, o̱b mil pe̱s caqꞌue cue. Cuayeꞌ la̱ tumin ut o̱b mil chic xcue̱chani chak saꞌ xbe̱n li caqꞌue cue,” chan.

San Mateo 25:22

Ut li mo̱s li quicꞌuluc re li cuib mil pe̱s quicuulac ut quixye: “Ka̱cuaꞌ, caqꞌue cue cuib mil pe̱s ut cuib mil pe̱s chic xcue̱chani chak saꞌ xbe̱n,” chan.

San Mateo 25:24

Ut quicuulac ajcuiꞌ li jun chic li quicꞌuluc re li jun mil pe̱s ut quixye re lix patrón: “Ka̱cuaꞌ, ninnau nak joskꞌat la̱at. Nacatkꞌoloc bar incꞌaꞌ nacat-au cuiꞌ, ut nacatxococ bar cuiꞌ incꞌaꞌ nacatpajin iyaj.

San Lucas 19:12

Li Jesús quixye reheb: Quicuan jun xnimal ru cui̱nk. Li cui̱nk aꞌan quibokeꞌ saꞌ jun najtil tenamit re nak ta̱xakaba̱k chokꞌ rey ut ta̱sukꞌi̱k cuiꞌchic.

San Lucas 19:14

Aban xicꞌ na-ileꞌ xbaneb lix tenamit ut nak ac xco̱ li cui̱nk, queꞌxtakla xtakl riqꞌuin li ta̱xakaba̱nk re chokꞌ rey chixyebal re: —La̱o incꞌaꞌ nakaj nak ta̱oc chokꞌ karey li cui̱nk aꞌin, chanqueb.