San Lucas 19:10 - Li Santil hu

¹⁰ La̱in li Cꞌajolbej xincꞌulun chixsicꞌbal ut chixcolbal li sachenakeb, chan li Jesús.

Q'eqchi Bible

¹⁰ Xb'aan naq li K'ajolb'ej xk'ulunk chi xsik'b'al ut chi xkolb'al li b'arwan sachenaq.

San Lucas 19:10 ပူးပေါင်းရင်းမြစ်များ

Ezequiel 34:16

La̱in tinsiqꞌueb chak li sachenakeb li queꞌco̱eb saꞌ jalan be ut tinqꞌueheb chi sukꞌi̱c saꞌ xya̱nkeb li queto̱mk. La̱in tinban lix yocꞌolal ut tinlan. Tinqꞌue xcacuilaleb li yajeb. Ut la̱in tinsach ruheb li ni̱nkeb xtibel ut li cauheb rib. La̱in tin-ilok reheb lin carner saꞌ ti̱quilal.

San Mateo 1:21

Ta̱cua̱nk jun lix cꞌulaꞌal chꞌina te̱lom. Ut Jesús ta̱qꞌue chokꞌ xcꞌabaꞌ xban nak aꞌan ta̱colok re lix tenamit saꞌ lix ma̱queb, chan.

Romanos 5:6

La̱o incꞌaꞌ naru nakacol kib yal kajunes. Abanan quicuulac xkꞌehil nak quicam li Ka̱cuaꞌ Jesucristo re kacolbal la̱o aj ma̱c.

San Mateo 15:24

Li Jesús quichakꞌoc ut quixye: —Ma̱ bar chic taklanbilin chak, caꞌaj cuiꞌ riqꞌuineb laj Israel. Chanchaneb li carner sachenak, chan.

San Lucas 15:32

Abanan tento nak toninkꞌei̱k anakcuan ut ta̱sahokꞌ saꞌ kachꞌo̱l xban nak la̱ cui̱tzꞌin chanchan camenak nak xcuan; abanan xsukꞌi cuiꞌchic chi yoꞌyo. Quisach ut xtauman cuiꞌchic, chan li yucuaꞌbej.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

San Mateo 10:6

Texxic ban riqꞌuineb laj judío. Aꞌaneb li ralal xcꞌajol laj Israel. Chanchaneb li carner li sachenakeb.

San Mateo 18:10

La̱in ninye e̱re cheqꞌuehak retal me̱tzꞌekta̱na junak reheb li kꞌuneb xchꞌo̱l saꞌ lix pa̱ba̱l xban nak eb aꞌan cꞌacꞌalenbileb xbaneb li ángel, li cuanqueb riqꞌuin lin Yucuaꞌ cuan saꞌ choxa.

Ezequiel 34:12

Joꞌ nak laj ilol xul naxnau ru lix carner li jeqꞌuinbileb ru, joꞌcan ajcuiꞌ nak tebinnau ru lin carner la̱in ut tebincol saꞌ eb li naꞌajej li cuanqueb cuiꞌ chak li queꞌjeqꞌui̱c cuiꞌ ruheb saꞌ li cutan li kꞌojyi̱n ru xban li raylal.

San Mateo 18:11

La̱in li Cꞌajolbej quincꞌulun arin saꞌ ruchichꞌochꞌ chixcolbaleb li sachenakeb saꞌ li ma̱c.

San Juan 3:17

Li Dios incꞌaꞌ quixtakla chak li Ralal saꞌ ruchichꞌochꞌ chixtenebanquil li tojba ma̱c saꞌ xbe̱neb li cuanqueb saꞌ ruchichꞌochꞌ. Quixtakla ban chak re nak saꞌ xcꞌabaꞌ aꞌan teꞌcolekꞌ.

San Lucas 15:8

Ut quixye ajcuiꞌ reheb: —Kayehak nak junak ixk cuan laje̱bak xtumin. Cui ta̱sachk junak lix tumin, ¿ma incꞌaꞌ raj tixloch li xam ut ta̱oc chixmesunquil li cab ut tixsiqꞌui toj retal tixtau?