San Lucas 18:9 - Li Santil hu

⁹ Ut li Jesús quixye jun chic li jaljo̱quil ru a̱tin reheb li nequeꞌxcꞌoxla nak cha̱bileb ut nequeꞌxtzꞌekta̱naheb li jun chꞌol chic. Quixye reheb:

Q'eqchi Bible

⁹ Kixye ajwi' li jaljookil ru aatin a'in reheb' li neke'xk'oxla rib' naq tiikeb' xch'ool ut neke'xtz'eqtaanaheb' li junch'ol chik:

San Lucas 18:9 ပူးပေါင်းရင်းမြစ်များ

San Lucas 16:15

Ut li Jesús quixye reheb: —La̱ex nequeti̱cobresi e̱chꞌo̱l e̱junes chiruheb li tenamit. Abanan li Dios naxnau chanru le̱ naꞌleb. Li cꞌaꞌru kꞌaxal lokꞌ chiruheb li cui̱nk saꞌ ruchichꞌochꞌ, aꞌan tzꞌekta̱nanbil xban li Dios.

Proverbios 30:12

Cuanqueb li nequeꞌxcꞌoxla nak tzꞌakal re ru lix yuꞌameb, abanan toj ma̱jiꞌ cuybil sachbil lix ma̱queb.

Isaías 65:5

Nequeꞌxye reheb li ras ri̱tzꞌin, “Cana̱kat aran. Matjiloc chak cuiqꞌuin. Mina̱mux xban nak santin la̱in,” chanqueb. Cꞌajoꞌ nak nequeꞌxtaksi lin joskꞌil. Chanchaneb li xam li naxnumsi li cutan chi lochlo. Chanchaneb li sib li nachꞌiꞌchꞌiꞌin cue.

Romanos 10:3

Ut incꞌaꞌ nequeꞌxnau chanru nak nati̱coꞌ li kachꞌo̱l chiru li Dios. Queꞌxyal xti̱cobresinquil xchꞌo̱leb chiru li Dios yal xjuneseb rib. Ut incꞌaꞌ queꞌraj xba̱nunquil li yebil xban li Dios.

Romanos 14:10

¿Cꞌaꞌut nak nacatrakoc a̱tin saꞌ xbe̱n la̱ cuech aj pa̱banelil? Ut, ¿cꞌaꞌut nak nacatzꞌekta̱naheb aj pa̱banel? Incꞌaꞌ naru ta̱ba̱nu chi joꞌcan xban nak saꞌ jun cutan li Cristo ta̱rakok a̱tin saꞌ kabe̱n chikajunilo.

San Lucas 7:39

Nak quiril aꞌin laj fariseo li quibokoc re li Jesús chi cuaꞌac, quixye saꞌ xchꞌo̱l: Cui ta tzꞌakal profeta li cui̱nk aꞌin tixnau raj chanru lix yuꞌam li ixk aꞌin li yo̱ chi chꞌeꞌoc re li rok. Tixnau raj nak li ixk aꞌin incꞌaꞌ us xnaꞌleb.

Romanos 7:9

Nak toj ma̱jiꞌ ninnau cꞌaꞌru naxye li chakꞌrab, moco nincꞌoxla ta nak la̱in aj ma̱c ut incꞌaꞌ xinnau nak incꞌulub ta li ca̱mc. Aban nak xinnau li chakꞌrab, xinnau nak la̱in aj ma̱c. Ut cue li ca̱mc.

San Lucas 19:7

Nak li qꞌuila tenamit queꞌril nak li Jesús qui-oc saꞌ rochoch laj Zaqueo, queꞌpoꞌ ut queꞌxye: —X-oc chi hila̱nc saꞌ rochoch jun cui̱nk aj ma̱c, chanqueb.

San Lucas 18:11

Laj fariseo quixxakab rib ut quitijoc chi cau xya̱b xcux ut quixye: “At inDios, la̱in ninbantioxi cha̱cuu nak ma̱cuaꞌin joꞌqueb li jun chꞌol chic. Aꞌan eb aj e̱lkꞌeb, aj ba̱nuhom ma̱usilal, ut aj muxuleb caxa̱r. La̱in ma̱cuaꞌin joꞌ laj titzꞌol toj aꞌan.

Hechos 22:21

Ut li Ka̱cuaꞌ quixye cue, “Ayu xban nak la̱in tatintakla chi najt saꞌ xya̱nkeb li ma̱cuaꞌeb aj judío,” chan cue, chan laj Pablo.

San Juan 9:34

Eb aꞌan queꞌchakꞌoc ut queꞌxye re: —La̱at aj ma̱c chalen chak saꞌ a̱yoꞌlajic. ¿Ma nacacꞌoxla nak naru ta̱qꞌue kanaꞌleb la̱o? chanqueb. Ut queꞌrisi li cui̱nk saꞌ xya̱nkeb ut incꞌaꞌ chic queꞌxcꞌul.

San Juan 9:28

Ut queꞌxhob li cui̱nk ut queꞌxye re: —La̱at xtzolom li cui̱nk aꞌan. La̱o incꞌaꞌ. La̱o xtzolom laj Moisés, chanqueb re.

San Juan 8:48

Queꞌchakꞌoc eb laj judío ut queꞌxye re: —Ya̱l ajcuiꞌ nacaye. Samaria la̱ tenamit ut cuan ma̱us aj musikꞌej a̱cuiqꞌuin, chanqueb.

San Lucas 15:2

Eb laj fariseo ut eb laj tzꞌi̱b yo̱queb chi cuechꞌi̱nc ut yo̱queb chixyebal: —Li cui̱nk aꞌin naxcꞌam rib saꞌ usilal riqꞌuineb laj ma̱c ut nacuaꞌac rochbeneb, chanqueb.

San Lucas 10:29

Aꞌan quiraj raj xti̱cobresinquil xchꞌo̱l xjunes rib. Quixye re li Jesús: —¿Ani tzꞌakal li cuas cui̱tzꞌin? chan.

Isaías 66:5

Abihomak li cꞌaꞌru naxye li Ka̱cuaꞌ e̱re la̱ex li nequexxucuac nak nequerabi li ra̱tin li Dios. —Nequextzꞌekta̱na le̱ ras e̱ri̱tzꞌin, li xicꞌ nequeꞌiloc e̱re, inban la̱in ut nequexhob nak nequeꞌxye, “Lokꞌoninbilak taxak li Ka̱cuaꞌ. Chisahokꞌ taxak e̱chꞌo̱l riqꞌuin”. Xuta̱nal teꞌe̱lk eb li nequeꞌyehoc re chi joꞌcaꞌin.

Romanos 14:3

Li ani naxtzaca chixjunil li cꞌaꞌak re ru natzacaman incꞌaꞌ naru tixtzꞌekta̱na li ani incꞌaꞌ naxtzaca chixjunil li cꞌaꞌak re ru. Ut li ani incꞌaꞌ naxtzaca chixjunil li cꞌaꞌak re ru incꞌaꞌ naru naxcuechꞌi rix li jun chic li naxtzaca chixjunil xban nak aꞌan ac xcꞌuleꞌ ajcuiꞌ xban li Dios.

Levítico 13:32

Saꞌ xcuuk li cutan laj tij ta̱ril cuiꞌchic lix ra. Cui lix ra incꞌaꞌ xniman, ut cui incꞌaꞌ kꞌan li rismal chiru lix ra, ut cui incꞌaꞌ cham xsaꞌ,