San Lucas 18:43 - Li Santil hu

⁴³ Ut saꞌ junpa̱t qui-iloc li mutzꞌ ut co̱ chirixeb. Yo̱ chixlokꞌoninquil li Dios. Ut nak queꞌril li cꞌaꞌru quicꞌulman, chixjunileb li tenamit queꞌxqꞌue xlokꞌal li Dios.

Q'eqchi Bible

⁴³ Sa' junpaat ki'ok chi ilok ut kixtaaqe li Jesus, yo chi xnimankil ru li Yos. Ut chixjunil li tenamit, naq ke'ril a'an, ke'xk'e xloq'al li Yos.

San Lucas 18:43 ပူးပေါင်းရင်းမြစ်များ

Salmos 146:8

Li Ka̱cuaꞌ naxqꞌueheb chi iloc li mutzꞌ. Ut naxqꞌue xcacuilal xchꞌo̱leb li yo̱queb chi chꞌina̱nc xchꞌo̱l. Li Ka̱cuaꞌ naxraheb li ti̱queb xchꞌo̱l.

Gálatas 1:24

Ut eb aꞌan queꞌxlokꞌoni ru li Dios nak queꞌrabi resil nak quinpa̱b li Cristo.

Hechos 26:18

Chanchan nak ta̱teo̱nk li xnakꞌ ruheb nak ta̱chꞌolob lix ya̱lal chiruheb. Chanchan nak teꞌe̱lk saꞌ li kꞌojyi̱n ut teꞌoc saꞌ cutan nak teꞌxtau ru lix ya̱lal. Teꞌe̱lk rubel xcuanquil laj tza ut teꞌoc rubel xcuanquil li Dios. Riqꞌuin inpa̱banquil la̱in, ta̱cuyekꞌ ta̱sachekꞌ lix ma̱queb, ut ta̱cua̱nk xnaꞌajeb saꞌ xya̱nkeb li sicꞌbileb ru xban li Dios,” chan cue li Ka̱cuaꞌ.

Hechos 11:18

Nak queꞌrabi li cꞌaꞌru quixye laj Pedro, eb laj cꞌamol be saꞌ xya̱nkeb laj pa̱banel aj judío, queꞌxcanab cuechꞌi̱nc. Queꞌxlokꞌoni li Dios ut queꞌxye: —Li Ka̱cuaꞌ xqꞌue ajcuiꞌ li junelic yuꞌam reheb li ma̱cuaꞌeb aj judío xban nak xeꞌxyotꞌ xchꞌo̱l ut xeꞌxjal xcꞌaꞌux, chanqueb.

Hechos 4:21

Nak ac xeꞌxseꞌbesiheb riqꞌuin cacuil a̱tin, queꞌrachꞌabeb. Ma̱cꞌaꞌ queꞌru xba̱nunquil reheb xban nak chixjunileb li tenamit yo̱queb chixlokꞌoninquil li Dios riqꞌuin li cꞌaꞌru quicꞌulman.

San Lucas 13:17

Ut riqꞌuin li cꞌaꞌru quixye li Jesús, quixcꞌut xxuta̱neb chixjunileb li yo̱queb chixcuechꞌinquil rix. Abanan li qꞌuila tenamit queꞌsahoꞌ xchꞌo̱l xbaneb li milagro li yo̱ chixba̱nunquil li Jesús.

San Lucas 5:26

Ut chixjunileb li cuanqueb aran sachso̱queb xchꞌo̱l queꞌcana chirilbal li quicꞌulman. Queꞌxlokꞌoni li Dios ut yo̱ xcꞌaꞌuxeb nak queꞌxye: —Sachba chꞌo̱lej li xkil anakcuan, chanqueb.

San Lucas 4:39

Li Jesús quijiloc riqꞌuin li yaj ut quixqꞌuirtesi. Ut saꞌ ajcuiꞌ li ho̱nal aꞌan quicuacli li ixk ut qui-oc chi cꞌanjelac chiruheb.

San Mateo 21:14

Ut queꞌcꞌameꞌ riqꞌuin li Jesús saꞌ rochoch li Dios li mutzꞌ ut eb li ye̱k rok ut li Jesús quilajxqꞌuirtesiheb.

San Mateo 11:5

Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix xeꞌqꞌuirtesi̱c; eb li tzꞌap xic nequeꞌabin chic; eb li camenak nequeꞌcuaclesi̱c cuiꞌchic chi yoꞌyo; ut eb li nebaꞌ yo̱queb chirabinquil resil li usilal, chaꞌkex re.

San Mateo 9:8

Nak li qꞌuila tenamit queꞌril li quicꞌulman, queꞌxucuac ut queꞌxqꞌue xlokꞌal li Dios li quiqꞌuehoc chak xcuanquil li Jesús chi qꞌuirtesi̱nc ut chi cuyuc ma̱c.

Isaías 43:21

Li tenamit aꞌin quinsicꞌ ruheb re teꞌxqꞌue inlokꞌal.

Isaías 42:16

Abanan la̱in tinberesiheb li mutzꞌ saꞌ eb li be li ma̱ jun sut xeꞌnumeꞌ cuiꞌ. Saꞌ eb li be li incꞌaꞌ xeꞌxnau la̱in tinberesiheb. Tinsukꞌisi li kꞌojyi̱n chokꞌ cutan chiruheb ut tinti̱cobresi li be chiruheb. Chixjunil li cꞌaꞌak re ru aꞌin tinba̱nu. Incꞌaꞌ tintzꞌekta̱naheb.

Isaías 35:5

Saꞌ eb li cutan aꞌan eb li mutzꞌ teꞌilok chic ut li tzꞌap xic teꞌabi̱nk chic.

Salmos 107:15

Cheꞌxlokꞌonihak taxak li nimajcual Dios xban nak nim li ruxta̱n ut xban li sachba chꞌo̱lej li naxba̱nu re xcolbaleb li ralal xcꞌajol.

Salmos 107:8

Cheꞌxlokꞌonihak taxak li nimajcual Dios xban nak nim li ruxta̱n ut xban li sachba chꞌo̱lej li naxba̱nu re xcolbaleb li ralal xcꞌajol.

Salmos 30:2

At Ka̱cuaꞌ, at inDios, nak xintzꞌa̱ma intenkꞌanquil a̱cue, la̱at xina̱qꞌuirtesi.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

San Lucas 19:37

Cuulaqueb re Jerusalén. Yo̱queb chak chi cubec saꞌ li tzu̱l Olivos ut chixjunileb li yo̱queb chixta̱kenquil li Jesús queꞌoc chixjapbal reheb xban xsahil xchꞌo̱leb. Ut queꞌxlokꞌoni li Dios xbaneb li milagro li quilajeꞌril.

San Lucas 9:43

Ut chixjunileb li cuanqueb aran sachso̱queb xchꞌo̱l chirilbal nak kꞌaxal nim xcuanquil li Dios. Nak toj sachso̱queb xchꞌo̱l li tenamit chi cꞌoxlac chirix li quicꞌulman, li Jesús quixye reheb lix tzolom: