San Lucas 18:30 - Li Santil hu

³⁰ Kꞌaxal nabal cuiꞌchic li re̱kaj tixcꞌul saꞌ li ruchichꞌochꞌ aꞌin, joꞌ ajcuiꞌ saꞌ li choxa tixcꞌul li junelic yuꞌam, chan li Jesús.

Q'eqchi Bible

³⁰ taakanaaq chi ink'a' ta tixk'ul q'axal naab'al chik sa'eb' li kutan a'in, ut tixk'ul li junelik yu'am sa' li ruuchich'och' chaalel.

San Lucas 18:30 ပူးပေါင်းရင်းမြစ်များ

Li xHu LAJ JOB 42:10

Nak ac xrakeꞌ chi tijoc laj Job chirixeb li rami̱g, li Ka̱cuaꞌ quirisi li raylal saꞌ xbe̱n. Quixqꞌue cuiꞌchic li cꞌaꞌru re. Caꞌ sut chic xqꞌuial li cꞌaꞌru re quixqꞌue chiru li quicuan junxil.

Apocalipsis 2:17

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue li choxahil cua li incꞌaꞌ na-ilman ru chixtzaca. Ut tinqꞌue ajcuiꞌ jun li saki pec re ut tzꞌi̱banbilak chiru jun li acꞌ cꞌabaꞌej. Ma̱ ani ta̱naꞌok re li cꞌabaꞌej. Caꞌaj cuiꞌ li ani li ta̱cꞌuluk re, chan li Cꞌajolbej reheb laj Pérgamo.

San Mateo 12:32

Li ani ta̱hobok cue la̱in, li Cꞌajolbej, ta̱cuyekꞌ xma̱c; abanan li ani ta̱hobok re li Santil Musikꞌej incꞌaꞌ ta̱cuyekꞌ xma̱c chi moco saꞌ eb li cutan aꞌin, chi moco saꞌ eb li cutan cha̱lel. Cua̱nk ban saꞌ xbe̱n chi junelic lix tojbal rix li nimla ma̱c aꞌan.

1 Timoteo 6:6

Ya̱l nak kꞌaxal lokꞌ li pa̱ba̱l chokꞌ reheb li nequeꞌxcꞌojob xchꞌo̱l riqꞌuin li joꞌ nimal joꞌ chꞌinal cuan reheb.

1 Timoteo 4:8

Nayeman nak us nak takatzol kib chixchꞌolaninquil kib re nak cauhako. Abanan li kꞌaxal cuiꞌchic lokꞌ aꞌan xtzolbal kib re nak cauhak kachꞌo̱l saꞌ li kapa̱ba̱l xban nak riqꞌuin li kapa̱ba̱l cuan li rusilal li Dios kiqꞌuin anakcuan arin saꞌ ruchichꞌochꞌ ut cua̱nk ajcuiꞌ li kayuꞌam chi junelic.

Salmos 119:162

La̱ cua̱tin naxqꞌue xsahil inchꞌo̱l joꞌ nak nasahoꞌ xchꞌo̱l li jun li naxcꞌul junak xma̱tan kꞌaxal lokꞌ.

Salmos 119:127

La̱in ninra la̱ chakꞌrab xban nak kꞌaxal lokꞌ chiru li tzꞌakal oro.

Salmos 119:111

La̱in xincꞌul la̱ chakꞌrab chi junaj cua xban nak aꞌan naxqꞌue xsahil inchꞌo̱l. Xincꞌul joꞌ jun li herencia.

Salmos 119:103

Cꞌajoꞌ xsahil naxye la̱ cua̱tin. Chanchan xsahil li xyaꞌal cab.

Salmos 119:72

Chokꞌ cue la̱in kꞌaxal lokꞌ li chakꞌrab li xaqꞌue ke chiru nabal li oro ut nabal li plata.

Salmos 37:16

Usta caꞌchꞌin ajcuiꞌ li cꞌaꞌru cuan reheb li ti̱queb xchꞌo̱l, aꞌan kꞌaxal cuiꞌchic us chiru lix biomaleb li incꞌaꞌ useb xchꞌo̱leb.

Apocalipsis 3:21

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l, la̱in tinqꞌue chi cꞌojla̱c chincꞌatk saꞌ lin cꞌojariba̱l joꞌ nak cꞌojcꞌo̱quin chixcꞌatk lin Yucuaꞌ saꞌ lix cꞌojariba̱l xban nak xincuy xnumsinquil li raylal.

Apocalipsis 2:10

Mexxucuac xban li raylal li ta̱cha̱lk saꞌ e̱be̱n. Cuanqueb saꞌ e̱ya̱nk li teꞌqꞌuehekꞌ saꞌ tzꞌalam xbaneb laj cꞌanjel chiru laj tza re xyalbal rix le̱ pa̱ba̱l. Te̱cꞌul raylal, abanan incꞌaꞌ najt te̱cꞌul. Michꞌinan e̱chꞌo̱l. Cauhak ban e̱chꞌo̱l toj chirix le̱ camic ut la̱in tinqꞌue e̱re le̱ kꞌajca̱munquil. Chanchan nak tinqꞌue le̱ corona nak tinqꞌue le̱ yuꞌam chi junelic.

San Mateo 4:24

Quicuulac resil saꞌ chixjunil li naꞌajej Siria li cꞌaꞌru yo̱ chixba̱nunquil li Jesús aran Galilea. Ut queꞌxcꞌam riqꞌuin chixjunileb li yaj. Qꞌuila pa̱y ru lix yajeleb ut lix raylaleb. Cuan li toj nakꞌehin xyajeleb. Ut cuan li cuanqueb ma̱us aj musikꞌej riqꞌuineb ut cuanqueb ajcuiꞌ li sic. Ut li Jesús naxqꞌuirtesiheb.