San Lucas 18:16 - Li Santil hu

¹⁶ Ut li Jesús quixbokeb lix tzolom riqꞌuin ut quixye reheb: —Canabomakeb li cocꞌal chi cha̱lc cuiqꞌuin. Me̱ram chiruheb xban nak reheb aꞌan lix nimajcual cuanquilal li Dios.

Q'eqchi Bible

¹⁶ A'ut li Jesus kixb'oqeb' ut kixye: —Kanab'omaqeb' li kok'al chi chalk wik'in ut meeram chiruheb', xb'aan naq li kama'eb' a'an, reheb' li xnimajwal awab'ejihom li Yos.

San Lucas 18:16 ပူးပေါင်းရင်းမြစ်များ

1 Corintios 14:20

Ex inherma̱n, chanchanakex li cꞌulaꞌal xban nak eb li cꞌulaꞌal incꞌaꞌ nequeꞌxba̱nu li ma̱usilal. Abanan mexcꞌoxlac joꞌ nequeꞌcꞌoxlac li cocꞌal. Tzꞌakalak ban re ru le̱ cꞌaꞌux xban nak moco cocꞌalex ta chic.

1 Corintios 7:14

Us cui incꞌaꞌ teꞌxjach rib. Li be̱lomej li toj ma̱jiꞌ napa̱ban, aꞌan lokꞌ chiru li Dios saꞌ xcꞌabaꞌ li rixakil. Ut li ixakilbej li toj ma̱jiꞌ napa̱ban, aꞌan lokꞌ chiru li Dios saꞌ xcꞌabaꞌ lix be̱lom li napa̱ban. Cui ta incꞌaꞌ joꞌcan, lix cocꞌal eb aꞌan chanchaneb raj lix cocꞌaleb li ma̱cuaꞌeb ralal xcꞌajol li Dios. Abanan cui incꞌaꞌ teꞌxjach rib, lix cocꞌaleb lokꞌ chiru li Dios saꞌ xcꞌabaꞌ li jun li napa̱ban.

1 Pedro 2:2

Li cꞌulaꞌal nak toj nayoꞌla naraj ru tuꞌuc. Us raj nak joꞌcano taxak la̱o riqꞌuin ra̱tin li Dios. Takaj taxak ru xtzolbal ra̱tin li Dios xban nak aꞌan li tzꞌakal ya̱l. Tocacuu̱k taxak saꞌ li kapa̱ba̱l ut tzꞌakalako taxak chiru li Dios re nak tocolekꞌ.

Deuteronomio 31:12

Ta̱chꞌutub ruheb chixjunileb laj Israel, joꞌ cui̱nk, joꞌ ixk, joꞌ cocꞌal. Ut joꞌcan ajcuiꞌ li jalaneb xtenamit li cuanqueb saꞌ e̱ya̱nk. Ta̱chꞌutubeb chixjunileb re nak teꞌrabi ut teꞌxtzol rib chixba̱nunquil li naxye saꞌ li chakꞌrab aꞌin. Cheꞌxxucua ru li Ka̱cuaꞌ le̱ Dios ut teꞌxqꞌue xchꞌo̱l chixba̱nunquil li naxye li chakꞌrab.

Hechos 2:39

Yechiꞌinbil e̱re la̱ex li ma̱tan aꞌin, ut yechiꞌinbil ajcuiꞌ reheb le̱ ralal e̱cꞌajol ut reheb ajcuiꞌ li ma̱cuaꞌeb aj judío. Yechiꞌinbil reheb chixjunileb li joꞌ qꞌuialeb teꞌbokekꞌ xban li Ka̱cuaꞌ li kaDios, chan.

Génesis 21:4

Nak ac cuan cuakxakib cutan re laj Isaac, laj Abraham quixba̱nu li circuncisión re joꞌ quiyeheꞌ re xban li Dios.

Deuteronomio 29:11

Ut cuanqueb li ixk ut eb li cocꞌal joꞌ eb ajcuiꞌ li jalan xtenamiteb li cuanqueb saꞌ e̱ya̱nk, li nequeꞌyocꞌoc re le̱ siꞌ ut nequeꞌbelan re le̱ haꞌ.

2 Crónicas 20:13

Chixjunileb li cui̱nk aj Judá xakxo̱queb aran chiru li Ka̱cuaꞌ rochbeneb li rixakil ut eb li ralal xcꞌajol, joꞌ ni̱nk, joꞌ cocꞌ.

Jeremías 32:39

La̱in tinqꞌue saꞌ xchꞌo̱leb nak caꞌaj cuiꞌ la̱in tineꞌxlokꞌoni chi junaj xchꞌo̱leb. Ut junelic teꞌxxucua cuu re nak us teꞌe̱lk joꞌ eb ajcuiꞌ li ralal xcꞌajol li teꞌcua̱nk mokon.

San Mateo 19:14

Nak li Jesús quiril li yo̱queb chixba̱nunquil, quixye reheb lix tzolom: —Canabomakeb chi cha̱lc cuiqꞌuin li cocꞌal. Me̱ram chiruheb xban nak lix nimajcual cuanquilal li Dios, aꞌan reheb li kꞌuneb xchꞌo̱l joꞌ li cocꞌal, chan.

San Lucas 18:15

Saꞌ jun li cutan cuanqueb li queꞌxcꞌam chak lix cocꞌaleb riqꞌuin li Jesús re nak tixqꞌue li rukꞌ saꞌ xbe̱neb ut ta̱rosobtesiheb. Ut eb lix tzolom li Jesús queꞌxqꞌue retal nak queꞌcꞌameꞌ chak li cocꞌal riqꞌuin ut queꞌoc chixkꞌusbaleb lix naꞌ xyucuaꞌeb.

San Lucas 18:17

Relic chi ya̱l tinye e̱re li ani incꞌaꞌ kꞌun xchꞌo̱l chinpa̱banquil joꞌqueb li cocꞌal aꞌin, aꞌan incꞌaꞌ ta̱oc rubel lix nimajcual cuanquilal li Dios, chan.