San Lucas 18:12 - Li Santil hu

¹² Caꞌ sut ninba̱nu in-ayu̱n chiru li jun xama̱n. Ut rajlal ninqꞌue li junju̱nk saꞌ xlaje̱tkil re chixjunil li joꞌ qꞌuial li nincꞌul,” chan laj fariseo saꞌ lix tij.

Q'eqchi Bible

¹² Ka' sut nin'ayuunik chiru li xamaan, ninmayeja li xlajeetqil chixjunil li naweechani».

San Lucas 18:12 ပူးပေါင်းရင်းမြစ်များ

San Lucas 11:42

—Ra cha̱lel saꞌ e̱be̱n la̱ex aj fariseo. Nequemayeja li junju̱nk saꞌ xlaje̱tkil li isquiꞌij, li ruda ut li cꞌaꞌak re ru chi ichajil li natiꞌeꞌ. Abanan incꞌaꞌ nequera li Dios ut incꞌaꞌ nequeba̱nu li ti̱quilal. Us xqꞌuebal li junju̱nk saꞌ xlaje̱tkil, abanan kꞌaxal cuiꞌchic tento xra̱bal li Dios ut xba̱nunquil li ti̱quilal.

San Mateo 9:14

Ut queꞌcuulac lix tzolom laj Juan riqꞌuin li Jesús ut queꞌxye re: —La̱o nakaba̱nu ka-ayu̱n rajlal ut eb laj fariseo nequeꞌxba̱nu x-ayu̱n. ¿Cꞌaꞌut nak la̱ tzolom incꞌaꞌ nequeꞌxba̱nu x-ayu̱n? chanqueb.

San Lucas 17:10

Joꞌcan ajcuiꞌ la̱ex. Nak ac xeba̱nu li xextakla̱c cuiꞌ, cheyehak: “La̱o aj cꞌanjel cha̱cuu. Caꞌaj cuiꞌ li joꞌ qꞌuial xoa̱takla cuiꞌ xkaba̱nu. Joꞌcan nak ma̱bantioxi chiku”, chaꞌakex, chan li Jesús reheb.

1 Timoteo 4:8

Nayeman nak us nak takatzol kib chixchꞌolaninquil kib re nak cauhako. Abanan li kꞌaxal cuiꞌchic lokꞌ aꞌan xtzolbal kib re nak cauhak kachꞌo̱l saꞌ li kapa̱ba̱l xban nak riqꞌuin li kapa̱ba̱l cuan li rusilal li Dios kiqꞌuin anakcuan arin saꞌ ruchichꞌochꞌ ut cua̱nk ajcuiꞌ li kayuꞌam chi junelic.

San Mateo 6:1

Cheqꞌuehak retal cꞌaꞌru nequeba̱nu. Cui la̱ex te̱ba̱nu li usilal yal re nak tex-ilekꞌ joꞌ nequeꞌxba̱nu eb laj fariseo, ma̱cꞌaꞌak le̱ kꞌajca̱munquil riqꞌuin le̱ Yucuaꞌ cuan saꞌ choxa.

Malaquías 3:8

La̱in li Ka̱cuaꞌ Dios ninpatzꞌ e̱re: ¿Ma ta̱ru̱k ta biꞌ ta̱relkꞌa li cꞌaꞌru cue junak li cui̱nk? Incꞌaꞌ raj. Abanan la̱ex yo̱quex chi elkꞌac chicuu. Ut nequeye, “¿Cꞌaꞌru xkelkꞌa a̱cue?” chanquex. La̱ex xex-elkꞌac chicuu xban nak incꞌaꞌ nequeqꞌue li junju̱nk saꞌ xlaje̱tkil ut incꞌaꞌ nequeqꞌue le̱ mayej.

Efesios 2:9

Ma̱ ani chixnimobresi rib xban nak ma̱cuaꞌ xban e̱yehom e̱ba̱nuhom nak colbilex.

Gálatas 1:14

La̱in li kꞌaxal cuiꞌchic quinqꞌue inchꞌo̱l chiruheb li cuech sa̱jilal chixba̱nunquil li cꞌaꞌru naxye lix pa̱ba̱leb laj judío. Ut kꞌaxal cuiꞌchic quinba̱nu li naꞌleb canabanbil ke xbaneb li kaxeꞌ kato̱n.

1 Corintios 1:29

Quixba̱nu chi joꞌcaꞌin re nak ma̱ ani tixnimobresi rib chiru li Ka̱cuaꞌ.

Romanos 3:27

¿Cꞌaꞌru takanimobresi cuiꞌ kib? Ma̱cꞌaꞌ. Incꞌaꞌ naru takanimobresi kib xban nak ma̱cuaꞌ riqꞌuin xba̱nunquil li naxye li chakꞌrab nati̱coꞌ li kachꞌo̱l. Nati̱coꞌ ban li kachꞌo̱l riqꞌuin xpa̱banquil li Cristo.

San Mateo 6:16

Ut nak te̱ba̱nu le̱ ayu̱n, me̱ba̱nu joꞌ nequeꞌxba̱nu laj caꞌ pacꞌal u. Eb aꞌan nequeꞌxba̱nu rib nak raheb saꞌ xchꞌo̱l yal re nak ta̱naꞌekꞌ nak yo̱queb xba̱nunquil lix ayu̱n. Relic chi ya̱l tinye e̱re nak eb aꞌan ac xeꞌxcꞌul lix kꞌajca̱munquil.

San Mateo 6:5

Ut nak textijok moco joꞌcakex ta eb laj caꞌ pacꞌal u. Eb aꞌan nequeꞌxxakab chak ribeb chi tijoc saꞌ eb li cab li nequeꞌxchꞌutub cuiꞌ ribeb laj judío ut nequeꞌxxakab rib chi tijoc saꞌ xa̱la be yal re nak teꞌilekꞌ. Relic chi ya̱l tinye e̱re nak eb aꞌan ac xeꞌxcꞌul lix kꞌajca̱munquileb nak queꞌqꞌueheꞌ xlokꞌal xbaneb li cui̱nk.

Isaías 1:15

Incꞌaꞌ chic nacuaj rilbal nak te̱taksi le̱ rukꞌ chi tijoc. Usta qꞌuila sut nequextijoc, abanan la̱in incꞌaꞌ chic tincuabi xban nak la̱ex aj camsinel.

2 Reyes 10:16

Laj Jehú quixye re: —Yoꞌo chicuix ut ta̱cuil chanru nak xicꞌ nacuil nak incꞌaꞌ nequeꞌxqꞌue xlokꞌal li Ka̱cuaꞌ, chan. Ut cuotz queꞌco̱eb Samaria saꞌ li carruaje.

1 Samuel 15:13

Laj Samuel co̱ cuan cuiꞌ laj Saúl ut laj Saúl quixye re: —Osobtesinbilat taxak xban li Ka̱cuaꞌ. La̱in xinba̱nu li cꞌaꞌru quixye cue li Ka̱cuaꞌ, chan.

Números 23:4

Ut li Ka̱cuaꞌ quixcꞌutbesi rib chiru laj Balaam ut laj Balaam quixye re: —La̱in xintakla xyi̱banquil cuukub li artal ut xinmayeja jun li toro ut jun li te̱lom carner saꞌ li junju̱nk chi artal, chan.

Números 18:24

Tinqꞌue ban e̱re la̱ex li junju̱nk saꞌ xlaje̱tkil li teꞌxqꞌue eb laj Israel chokꞌ xmayej chicuu la̱in li Ka̱cuaꞌ. Xban aꞌan nak xinye nak ma̱cꞌaꞌ teꞌre̱chani eb li ralal xcꞌajol laj Leví saꞌ lix naꞌajeb laj Israel.—

San Mateo 5:20

Tinye ajcuiꞌ e̱re nak cui lix ti̱quilal le̱ chꞌo̱l incꞌaꞌ tixkꞌax ru xti̱quilal xchꞌo̱leb laj tzꞌi̱b ut eb laj fariseo, incꞌaꞌ tex-oc rubel lix nimajcual cuanquilal li Dios.