San Lucas 17:3 - Li Santil hu

³ Cheqꞌuehak retal chanru le̱ naꞌleb. Cui ta̱ma̱cobk cha̱cuu la̱ cuas a̱cui̱tzꞌin, chakꞌusak. Ut cui ta̱yotꞌekꞌ xchꞌo̱l ut tixjal xcꞌaꞌux, chacuyak xma̱c.

Q'eqchi Bible

³ Chek'ehaq reetal! “Wi laawas aawiitz'in taamaakob'q chawu, chaq'usaq; ut wi tixyot' xch'ool tixjal xk'a'uxl, chakuyaq xmaak.

San Lucas 17:3 ပူးပေါင်းရင်းမြစ်များ

Levítico 19:17

Incꞌaꞌ te̱joskꞌi le̱ ras e̱ri̱tzꞌin. Te̱kꞌus saꞌ xya̱lal li ani nama̱cob re nak incꞌaꞌ textzꞌako̱nk riqꞌuin lix ma̱c.

San Mateo 18:21

Ut laj Pedro quia̱tinac ut quixye re li Jesús: —Ka̱cuaꞌ, ¿jarub sut ta̱ru̱k tincuy xma̱c li ta̱ma̱cobk chicuu? ¿Ma tento nak cuukub sut tincuy xma̱c?—

Proverbios 9:8

Ma̱qꞌue xnaꞌleb li ani naxhob ras ri̱tzꞌin xban xkꞌetkꞌetil xban nak aꞌan xicꞌ chic tatril. Abanan cui ta̱qꞌue xnaꞌleb li naxnau cꞌoxlac, aꞌan tatxra.

Santiago 5:19

Ex inherma̱n, ma̱re cuan junak saꞌ e̱ya̱nk tixcanab xpa̱banquil lix ya̱lal, ut ma̱re junak chic aj pa̱banel ta̱sukꞌisi̱nk cuiꞌchic re saꞌ lix pa̱ba̱l.

Proverbios 27:5

Kꞌaxal us nak tatkꞌusuk chi tzꞌakal re ru chiru nak tatrahok chi yal xcab rix a̱chꞌo̱l.

Deuteronomio 4:23

Cheba̱nu cue̱nt re nak incꞌaꞌ ta̱sachk saꞌ e̱chꞌo̱l li contrato li quixba̱nu li Ka̱cuaꞌ le̱ Dios e̱riqꞌuin. Me̱yi̱b e̱pechꞌbil dios joꞌ xjalam u̱ch li cꞌaꞌak re ru li quixye li Dios nak incꞌaꞌ naru te̱lokꞌoni,

Deuteronomio 4:9

Joꞌcan nak junelic taxak cua̱nk saꞌ e̱chꞌo̱l li cꞌaꞌru xeril joꞌ najtil yoꞌyo̱kex ut incꞌaꞌ taxak ta̱sachk saꞌ e̱chꞌo̱l. Ut junelic taxak te̱serakꞌi reheb le̱ ralal e̱cꞌajol li cꞌaꞌru quixba̱nu li Ka̱cuaꞌ.

Éxodo 34:12

Cheba̱nu cue̱nt ut me̱ba̱nu junak contrato riqꞌuineb li tenamit li cuanqueb saꞌ li naꞌajej li xic cuiꞌ e̱re. Naru nequeqꞌue e̱rib chi a̱le̱c xbaneb.

2 Juan 1:8

Cheqꞌuehak retal che̱ribil e̱rib re nak incꞌaꞌ ta̱cana̱k chi ma̱cꞌaꞌ rajbal le̱ cꞌanjel chiru li Dios. Tzꞌakalak ban re ru xkꞌajca̱munquil le̱ cꞌanjel te̱cꞌul riqꞌuin li Dios.

Hebreos 12:15

Chetenkꞌa e̱rib che̱ribil e̱rib saꞌ le̱ pa̱ba̱l re nak ma̱ jun e̱re ta̱tzꞌekta̱na̱nk li rusilal li Dios. Cheba̱nu cue̱nt re nak incꞌaꞌ te̱yoꞌob li cꞌahi̱nc ib saꞌ e̱ya̱nk. Cui joꞌcan te̱ba̱nu naru naniman ru li chꞌaꞌajquilal ut ma̱re nabaleb teꞌxic cuiꞌchic saꞌ li ma̱c xban aꞌan.

Efesios 5:15

Cheqꞌuehak retal chanru le̱ yuꞌam. Me̱ba̱nu joꞌ nequeꞌxba̱nu li incꞌaꞌ useb xnaꞌleb. Cheba̱nuhak ban joꞌ nequeꞌxba̱nu li cuanqueb xnaꞌleb.

San Lucas 21:34

Chenauhak xcolbal e̱rib. Me̱qꞌue e̱rib chi a̱le̱c riqꞌuin li numcuaꞌac ut li cala̱c, chi moco riqꞌuin xcꞌoxlanquil chanru te̱numsi li cutan junju̱nk. Ma̱re anchal ta̱cuulak xkꞌehil li cutan aꞌan chi ma̱cꞌaꞌ saꞌ e̱chꞌo̱l.

Proverbios 17:10

Li ani cuan xnaꞌleb naxqꞌue retal lix kꞌusbal. Aꞌut li ma̱cꞌaꞌ xnaꞌleb usta ta̱qꞌue jun cientak lix lo̱b incꞌaꞌ naxtau xya̱lal.

Salmos 141:5

Kꞌaxal us chokꞌ cue nak junak ti̱c xchꞌo̱l tinixkꞌus. Chanchan tixqꞌue sununquil ban saꞌ injolom. Usta tineꞌxkꞌus, la̱in incꞌaꞌ ra tincuecꞌa. La̱in junelic yo̱kin chi tijoc re nak incꞌaꞌ ta̱cana̱k yal chi joꞌcan li ma̱usilal li yo̱queb chixba̱nunquil li incꞌaꞌ useb xnaꞌleb.

Deuteronomio 4:15

Nak li Dios quia̱tinac e̱riqꞌuin saꞌ li xam saꞌ li tzu̱l Sinaí, incꞌaꞌ queꞌril ru chi tzꞌakal. Caꞌaj cuiꞌ lix ya̱b xcux querabi. Cheba̱nuhak cue̱nt.