San Lucas 17:22 - Li Santil hu

²² Ut li Jesús quixye reheb lix tzolom: —Ta̱cuulak xkꞌehil nak la̱ex te̱ra ru rilbal lin cꞌulunic la̱in li Cꞌajolbej, abanan incꞌaꞌ te̱ril cuu.

Q'eqchi Bible

²² Ut kixye reheb' li xtzolom: —Taawulaq xq'ehil naq teerahi rilb'al yal ta junaq reheb' li xkutankil li K'ajolb'ej, ab'anan ink'a' teeril.

San Lucas 17:22 ပူးပေါင်းရင်းမြစ်များ

San Lucas 5:35

Ut joꞌcan ajcuiꞌ lin tzolom. Ta̱cuulak xkꞌehil nak tin-isi̱k saꞌ xya̱nkeb. Toj saꞌ li cutan aꞌan teꞌxba̱nu x-ayu̱n, chan reheb.

San Mateo 9:15

Ut li Jesús quichakꞌoc ut quixye reheb li tijleb aꞌin: —¿Ma naru ta biꞌ nak rahak saꞌ xchꞌo̱leb li nequeꞌbokeꞌ riqꞌuin sumla̱c nak toj cuan li be̱lomej saꞌ xya̱nkeb? La̱in joꞌ jun li be̱lomej. Ta̱cuulak xkꞌehil nak tin-isi̱k saꞌ xya̱nkeb tojoꞌnak teꞌxba̱nu x-ayu̱n eb lin tzolom, chan.

San Juan 13:33

Ex cualal incꞌajol, incꞌaꞌ chic najt tincua̱nk e̱riqꞌuin. La̱ex tine̱sicꞌ raj chic. Abanan la̱in ma̱ anihakin chic. Ninye e̱re joꞌ quinye reheb laj judío li nequeꞌtaklan saꞌ e̱ya̱nk. Bar tinxic la̱in, la̱ex incꞌaꞌ texru̱k chi xic.

San Marcos 2:20

Ut joꞌcan ajcuiꞌ lin tzolom. Ta̱cuulak xkꞌehil nak tin-isi̱k saꞌ xya̱nkeb. Toj saꞌ li cutan aꞌan teꞌxba̱nu x-ayu̱n, chan reheb.

San Juan 12:35

Quichakꞌoc li Jesús ut quixye reheb: —La̱in li cutan saken. Xinchal chixchꞌolobanquil lix ya̱lal che̱ru. Toj tincua̱nk chic caꞌchꞌinak saꞌ e̱ya̱nk. Joꞌcan nak qꞌuehomak e̱chꞌo̱l chinpa̱banquil nak toj cuanquin saꞌ e̱ya̱nk re nak incꞌaꞌ texcua̱nk saꞌ xkꞌojyi̱nal ru li ma̱c. Li ani nacuan saꞌ xkꞌojyi̱nal ru li ma̱c incꞌaꞌ naxnau bar yo̱ chi xic.

San Lucas 13:35

Ut anakcuan le̱ tenamit ta̱cana̱k chi naqꞌuirnac aj chic ru. Tinye ut e̱re chalen anakcuan incꞌaꞌ chic te̱ril cuu toj nak te̱ye, “Osobtesinbil taxak li xchal saꞌ xcꞌabaꞌ li Ka̱cuaꞌ”, chan li Jesús.