San Lucas 17:18 - Li Santil hu

¹⁸ ¿Ma caꞌaj cuiꞌ li jun aꞌin li ma̱cuaꞌ aj judío xsukꞌi chixlokꞌoninquil li Dios? chan.

Q'eqchi Bible

¹⁸ Ma ka'ajwi' a'in li jalan xtenamit xsutq'iik chaq chi xnimankil ru li Yos?

San Lucas 17:18 ပူးပေါင်းရင်းမြစ်များ

Salmos 50:23

Li bantioxi̱nc chicuu, aꞌan li mayej li naxqꞌue inlokꞌal. Relic chi ya̱l la̱in tincolok reheb li nequeꞌxba̱nu li cꞌaꞌru ninye.—

Salmos 106:13

Abanan saꞌ junpa̱t queꞌsach saꞌ xchꞌo̱l li usilal li quixba̱nu li Dios reheb. Incꞌaꞌ queꞌxtzꞌa̱ma chiru li Dios nak aꞌan tixqꞌue xnaꞌlebeb.

Apocalipsis 14:7

Yo̱ chixyebal chi cau xya̱b xcux: —Chexucua̱k ru li Dios ut cheqꞌue xlokꞌal xban nak xcuulac xkꞌehil nak ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Chelokꞌonihak aꞌan li quiyi̱ban re li choxa, li ruchichꞌochꞌ, ut li palau joꞌqueb ajcuiꞌ li yuꞌam haꞌ, chan.

Isaías 42:12

Cheꞌxqꞌuehak taxak xlokꞌal li Ka̱cuaꞌ ut cheꞌxyehak taxak reheb li cuanqueb saꞌ najtil tenamit nak kꞌaxal nim xcuanquil li Ka̱cuaꞌ.

San Mateo 20:16

Joꞌcan nak nabaleb li cuanqueb xcuanquil anakcuan teꞌcana̱k chi ma̱cꞌaꞌak xcuanquil mokon. Ut li ma̱cꞌaꞌeb xcuanquileb anakcuan, teꞌqꞌuehekꞌ xcuanquileb mokon. Nabaleb li bokbileb, abanan incꞌaꞌ qꞌuiheb li teꞌxtau ru lix ya̱lal.

San Mateo 19:30

Ut nabaleb li nequeꞌxsicꞌ xcuanquil anakcuan, mokon ma̱cꞌaꞌak chic xcuanquileb. Ut li ani incꞌaꞌ nequeꞌxsicꞌ xcuanquil anakcuan, aꞌaneb chic li teꞌcua̱nk xcuanquil mokon, chan li Jesús.

San Mateo 8:12

Aꞌut nabaleb laj judío li teꞌe̱chani̱nk raj re lix nimajcual cuanquilal li Dios, eb aꞌan chic li teꞌisi̱k ut teꞌqꞌuehekꞌ saꞌ li kꞌojyi̱n. Ut aran ta̱cua̱nk li ya̱bac ut li cꞌuxuxi̱nc ruch e, chan li Jesús reheb li tenamit.

San Mateo 8:10

Ut nak li Jesús quirabi li quixye, quisach xchꞌo̱l ut quixye reheb li yo̱queb chi ochbeni̱nc re: —Relic chi ya̱l tinye e̱re nak ma̱ jun intauhom chi moco saꞌ xya̱nkeb laj Israel tzꞌakal re ru xpa̱ba̱l joꞌ li jun aꞌin, usta ma̱cuaꞌ aj judío.

San Mateo 9:8

Nak li qꞌuila tenamit queꞌril li quicꞌulman, queꞌxucuac ut queꞌxqꞌue xlokꞌal li Dios li quiqꞌuehoc chak xcuanquil li Jesús chi qꞌuirtesi̱nc ut chi cuyuc ma̱c.

San Lucas 17:17

Quixye li Jesús: —¿Ma ma̱cuaꞌ ta biꞌ laje̱b chi cui̱nk li xinqꞌuirtesi? ¿Bar cuanqueb li bele̱b chic?