San Lucas 17:14 - Li Santil hu

¹⁴ Nak quirileb li Jesús quixye reheb: —Ayukex riqꞌuineb laj tij ut cꞌutumak chak e̱rib chiruheb, chan reheb. Ut nak yo̱queb chi xic, queꞌqꞌuira.

Q'eqchi Bible

¹⁴ Naq li Jesus kirileb', kixye reheb': —Ayuqex ut k'utomaq eerib' chiruheb' laj tij. Ut naq yookeb' chi xik, ke'k'irtasiik.

San Lucas 17:14 ပူးပေါင်းရင်းမြစ်များ

San Lucas 5:14

Ut li Jesús quixye re: —Ma̱ ani aj e ta̱serakꞌi chanru nak xatqꞌuira. Ayu ban riqꞌuin laj tij re nak aꞌan ta̱ril nak xatqꞌuira. Ut ta̱qꞌue la̱ mayej joꞌ naxye saꞌ lix chakꞌrab laj Moisés chokꞌ retalil chiruheb chixjunileb nak xatqꞌuira, chan li Jesús.

2 Reyes 5:14

Joꞌcan nak laj Naamán co̱ saꞌ li nimaꞌ Jordán ut quixsub rib cuukub sut saꞌ li nimaꞌ joꞌ quiyeheꞌ re xban lix profeta li Dios. Ut quiqꞌuira. Lix tibel kꞌun kꞌun quicana joꞌ xtibel junak sa̱j al.

San Mateo 3:15

Ut li Jesús quichakꞌoc ut quixye re: —Us takaba̱nu anakcuan xban nak tento ta̱uxma̱nk chixjunil li cꞌaꞌru naxye li Dios, chan. Tojoꞌnak quixcꞌu̱luban xchꞌo̱l laj Juan.

San Juan 11:10

Abanan li ani nabe̱c chiru kꞌojyi̱n, naxtich rib xban nak ma̱cꞌaꞌ li cutan saken riqꞌuin. Li ani naxba̱nu joꞌ naraj li Dios incꞌaꞌ teꞌxcamsi chi toj ma̱jiꞌ nacuulac xkꞌehil.—

San Juan 9:7

Ut quixye re: —Ayu. Chꞌaj chak la̱ cuu saꞌ li haꞌ Siloé, chan. Siloé naraj naxye “taklanbil chak”. Li mutzꞌ co̱ ut quixchꞌaj chak li ru ut na-iloc chic nak quisukꞌi chak.

San Juan 2:5

Lix naꞌ li Jesús quixye reheb li yo̱queb chi cꞌanjelac: —Cheba̱nuhak li cꞌaꞌru tixye e̱re, chan.

Isaías 65:24

Nak toj ma̱jiꞌ nequeꞌtzꞌa̱man chicuu, la̱in tinqꞌue reheb li cꞌaꞌru teꞌraj. Toj yo̱keb ajcuiꞌ chi a̱tinac nak la̱in tinsume lix tijeb.