San Lucas 17:1 - Li Santil hu

¹ Li Jesús quixye reheb lix tzolom: —Junelic cuan li poꞌoc chꞌo̱l. Abanan raylal cha̱lel saꞌ xbe̱n li ani tixpoꞌ xchꞌo̱l li ras ri̱tzꞌin.

Q'eqchi Bible

¹ Kixye li Jesus reheb' li xtzolom: “Maachan naq ink'a' taachalq li luktesink ch'oolej, ab'anan ra chaalel sa' xb'een li ani taachalq wi' a'an.

San Lucas 17:1 ပူးပေါင်းရင်းမြစ်များ

San Mateo 18:7

Tokꞌob ruheb li cuanqueb saꞌ ruchichꞌochꞌ xban nak cuan cꞌaꞌ re ru napoꞌoc re lix chꞌo̱leb. Ac chꞌolchꞌo nak cuan li cꞌaꞌru napoꞌoc chꞌo̱lej. Abanan raylal cha̱lel saꞌ xbe̱n li ani ta̱yoꞌoba̱nk re li cꞌaꞌ re ru ta̱poꞌok chꞌo̱lej.

1 Corintios 8:13

Joꞌcan nak cui li nintzaca naxqꞌue chi ma̱cobc li cuech aj pa̱banelil, ma̱ jokꞌe chic tintiu li mayejanbil tib xban nak incꞌaꞌ nacuaj nak teꞌma̱cobk inban la̱in.

Romanos 14:13

Chikacanabak xcuechꞌinquil kib chi kibil kib ut chikaba̱nu li us re nak li kech aj pa̱banelil incꞌaꞌ teꞌchꞌina̱nk xchꞌo̱leb saꞌ lix pa̱ba̱leb chi moco teꞌoc cuiꞌchic chi ma̱cobc kaban.

1 Corintios 11:19

Nak nacuan li cuechꞌi̱nc ib saꞌ e̱ya̱nk, riqꞌuin aꞌan nacꞌutun ani li tzꞌakal aj pa̱banel ut ani incꞌaꞌ.

Romanos 16:17

Ut nintzꞌa̱ma che̱ru, ex herma̱n, nak cheqꞌuehak retal li nequeꞌyoꞌoban jachoc ib saꞌ e̱ya̱nk ut nequeꞌraj xpoꞌbal ru le̱ pa̱ba̱l, li tzolbilex cuiꞌ. Me̱junaji e̱rib riqꞌuineb aꞌan.

San Mateo 16:23

Ut li Jesús quixsukꞌisi rib chirilbal laj Pedro ut quixye re: —Elen arin saꞌ xnakꞌ cuu. La̱at chanchanat laj tza. Michꞌinan inchꞌo̱l a̱ban chixba̱nunquil li cꞌaꞌru tento tinba̱nu. La̱at incꞌaꞌ yo̱cat chixcꞌoxlanquil joꞌ naxcꞌoxla li Dios. Yo̱cat ban chixcꞌoxlanquil joꞌ naxcꞌoxla li cui̱nk, chan.

1 Corintios 10:32

Me̱ba̱nu li cꞌaꞌak re ru napoꞌoc xchꞌo̱leb le̱ ras e̱ri̱tzꞌin usta aj judío, usta ma̱cuaꞌeb aj judío. Chi moco te̱ba̱nu li cꞌaꞌru ta̱poꞌok xchꞌo̱l le̱ rech aj pa̱banelil.

Apocalipsis 2:14

Abanan cuan cꞌaꞌak re ru yo̱quex chixba̱nunquil incꞌaꞌ us xban nak cuanqueb saꞌ e̱ya̱nk li toj yo̱queb chixqꞌuebal xcuanquil lix tijleb laj Balaam li quicꞌutuc chiru laj Balac chanru nak tixqꞌueheb chi ma̱cobc laj Israel. Quixye reheb nak ta̱ru̱k teꞌxtzaca li tzacae̱mk li mayejanbil chiru li jalanil dios. Ut quixtacchiꞌiheb re nak teꞌyumbe̱tak ut teꞌcoꞌbe̱tak.

Apocalipsis 2:20

Abanan incꞌaꞌ nacuulac chicuu nak nequecꞌam e̱rib saꞌ usilal riqꞌuin li ixk li yibru xnaꞌleb li chanchan lix naꞌleb lix Jezabel. Li ixk aꞌan naxqꞌue rib chokꞌ xprofeta li Dios, abanan moco ya̱l ta. Yo̱ ban chixbalakꞌinquileb laj cꞌanjel chicuu. Riqꞌuin li naxba̱nu yo̱ chixcꞌambaleb xbe chi yumbe̱tac ut chi coꞌbe̱tac. Ut yo̱ ajcuiꞌ chixcꞌambaleb xbe chixtzacanquil li tzacae̱mk mayejanbil chiru li jalanil Dios.

San Lucas 16:31

Aꞌut laj Abraham quixye re: “Cui incꞌaꞌ nequeꞌrabi li quixye laj Moisés ut eb li profeta, incꞌaꞌ ajcuiꞌ teꞌpa̱ba̱nk usta ta̱cuacli̱k cuiꞌchic chi yoꞌyo junak saꞌ xya̱nkeb li camenak,” chan laj Abraham.—

1 Timoteo 4:1

Li Santil Musikꞌej naxcꞌut lix ya̱lal chi tzꞌakal nak saꞌ eb li cutan cha̱lel cuan li teꞌxcanab xpa̱banquil li tijleb li tzꞌakal ya̱l. Ut teꞌbalakꞌi̱k xban li tijleb li incꞌaꞌ ya̱l li nequeꞌxqꞌue li ma̱us aj musikꞌej.