San Lucas 16:30 - Li Santil hu

³⁰ Quichakꞌoc li biom ut quixye: “Incꞌaꞌ tzꞌakal aꞌan, Ka̱cuaꞌ Abraham. Abanan cui junak camenak ta̱cuacli̱k cuiꞌchic chi yoꞌyo ut ta̱xic riqꞌuineb, teꞌyotꞌekꞌ raj xchꞌo̱l ut teꞌxjal raj xcꞌaꞌuxeb,” chan.

Q'eqchi Bible

³⁰ “Ut a'an kixye: «Ink'a', at inyuwa' Abrahán. Ab'an wi taaxik junaq reheb' li kamenaq rik'ineb', te'yot'e'q raj xch'ool te'xjal raj xk'a'uxl».

San Lucas 16:30 ပူးပေါင်းရင်းမြစ်များ

San Lucas 16:24

Quixjap re ut quixye: “Ka̱cuaꞌ Abraham, chacuil taxak xtokꞌoba̱l cuu. Chatakla laj Lázaro chintenkꞌanquil. Chixtꞌakresi chak li ruꞌuj rukꞌ saꞌ haꞌ ut tolxquehobresi li ruꞌuj cuakꞌ xban nak cꞌajoꞌ li raylal yo̱quin chixcꞌulbal saꞌ li xam aꞌin,” chan.

San Lucas 13:5

La̱in ninye e̱re nak incꞌaꞌ. Ut cui la̱ex incꞌaꞌ te̱yotꞌ e̱chꞌo̱l ut te̱jal e̱cꞌaꞌux, tex-osokꞌ ajcuiꞌ la̱ex, chan li Jesús.

San Lucas 3:8

Cheba̱nuhak ban li us re nak ta̱cꞌutu̱nk nak xyotꞌeꞌ e̱chꞌo̱l ut xejal e̱cꞌaꞌux. Chanchanakex li cheꞌ cha̱bil li ru naxqꞌue. Me̱cꞌoxla nak incꞌaꞌ te̱cꞌul xjoskꞌil li Dios yal xban nak la̱ex li ralal xcꞌajol laj Abraham. La̱in tinye e̱re nak li Dios ta̱ru̱k tixyoꞌobtesi li pec aꞌin chokꞌ ralal xcꞌajol laj Abraham.

San Lucas 13:3

—Tinye e̱re nak incꞌaꞌ. Cui la̱ex incꞌaꞌ te̱yotꞌ e̱chꞌo̱l ut te̱jal e̱cꞌaꞌux, tex-osokꞌ ajcuiꞌ la̱ex che̱junilex.

San Lucas 16:31

Aꞌut laj Abraham quixye re: “Cui incꞌaꞌ nequeꞌrabi li quixye laj Moisés ut eb li profeta, incꞌaꞌ ajcuiꞌ teꞌpa̱ba̱nk usta ta̱cuacli̱k cuiꞌchic chi yoꞌyo junak saꞌ xya̱nkeb li camenak,” chan laj Abraham.—

San Lucas 19:9

Ut li Jesús quixye: —Li cui̱nk aꞌin ralal xcꞌajol ajcuiꞌ laj Abraham. Anakcuan colbil chic li cui̱nk aꞌin.