San Lucas 16:2 - Li Santil hu

² Joꞌcan nak quixbok lix merto̱m ut quixye re: “¿Cꞌaꞌru xya̱lal li yo̱quin chirabinquil cha̱cuix? Ta̱kꞌaxtesi la̱ cue̱nt nak xatcuan chi cꞌanjelac xban nak incꞌaꞌ chic tatcana̱k chokꞌ inmerto̱m,” chan re.

Q'eqchi Bible

² Kixb'oq chaq ut kixye re: «K'aru li nawab'i xyeeb'al chawix? Q'axtesi laawilom xb'aan naq ink'a' chik tatruuq chi wank chi mertoomil».

San Lucas 16:2 ပူးပေါင်းရင်းမြစ်များ

Apocalipsis 20:12

Ut queꞌcuil chixjunileb li camenak, joꞌ ni̱nk joꞌ cocꞌ, xakxo̱queb chiru li chunchu saꞌ li cꞌojariba̱l. Ut queꞌteli li hu li tzꞌi̱banbil cuiꞌ lix yehom xba̱nuhomeb. Ut quiteheꞌ ajcuiꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic. Ut quirakeꞌ a̱tin saꞌ xbe̱neb li camenak aꞌ yal chanru lix yehom xba̱nuhomeb joꞌ tzꞌi̱banbil retalil saꞌ li hu.

1 Pedro 4:10

Chikajunilo jalan jala̱nk li cꞌaꞌru ta̱ru̱k takaba̱nu. Ac kama̱tan kama̱tan qꞌuebil ke chikaju̱nkal xban li Dios. Tento nak takatenkꞌa li kas ki̱tzꞌin riqꞌuin li cꞌaꞌru nocoru chixba̱nunquil re nak incꞌaꞌ ta̱cana̱k chi ma̱cꞌaꞌ rajbal li ma̱tan qꞌuebil ke xban li Dios.

1 Pedro 4:5

Aban mokon eb laj hobonel tento nak teꞌxkꞌaxtesi xcue̱nt chiru li Dios riqꞌuin li cꞌaꞌru quilajeꞌxba̱nu chak. Li Dios, aꞌan li ta̱rakok a̱tin saꞌ xbe̱neb li yoꞌyo̱queb joꞌ eb ajcuiꞌ li camenakeb.

1 Timoteo 5:24

Ma̱xakab junak aj cꞌamol be chi junpa̱t chi cꞌanjelac xban nak cuanqueb li cui̱nk nacꞌutun cꞌaꞌru lix ma̱queb ut cuan li rakba a̱tin saꞌ xbe̱neb. Ut cuanqueb cuiꞌchic toj mokon nacꞌutun cꞌaꞌru lix ma̱queb.

Eclesiastés 12:14

Li Dios ta̱rakok a̱tin saꞌ kabe̱n riqꞌuin chixjunil li cꞌaꞌru nakaba̱nu, usta chi mukmu nakaba̱nu. Ta̱rakok a̱tin saꞌ kabe̱n riqꞌuin chixjunil li nakaba̱nu, usta us, usta incꞌaꞌ us.

1 Timoteo 4:14

Chaqꞌue taxak a̱chꞌo̱l chi cꞌanjelac joꞌ quiqꞌueheꞌ a̱cue xban li Dios. Li cꞌanjel aꞌin qꞌuebil a̱cue nak eb li profeta queꞌa̱tinac cha̱cuix ut nak eb laj cꞌamol be saꞌ xya̱nkeb laj pa̱banel queꞌxqꞌue li rukꞌeb saꞌ a̱be̱n.

2 Corintios 5:10

Nakanau nak chikajunilo toxkacꞌut kib chiru li Cristo re nak aꞌan ta̱rakok a̱tin saꞌ kabe̱n. Ut li junju̱nk tixcꞌul lix kꞌajca̱munquil aꞌ yal chanru lix yehom xba̱nuhom nak xcuan saꞌ ruchichꞌochꞌ, ma us malaj incꞌaꞌ us quixba̱nu.

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

1 Corintios 4:2

Li ani sicꞌbil ru chixchꞌolobanquil lix ya̱lal tento nak ti̱cak xchꞌo̱l.

1 Corintios 1:11

Ninye e̱re chi joꞌcaꞌin xban nak lix comoneb lix Cloé xeꞌyehoc resil cue nak cuan cuechꞌi̱nc ib saꞌ e̱ya̱nk.

Romanos 14:12

Joꞌcan nak chikajunilo toxkakꞌaxtesi li kayehom kaba̱nuhom chiru li Dios.

San Lucas 12:42

Ut li Ka̱cuaꞌ quixye re: —Li mo̱s li cuan xnaꞌleb ut cha̱bil, aꞌan li ta̱qꞌuehekꞌ xcuanquil xban lix patrón saꞌ xbe̱neb li rech mo̱sil. Aꞌan chic ta̱qꞌuehok re xtzacae̱mkeb saꞌ x-o̱ril.

San Lucas 12:20

Abanan li Dios quixye re, “Abi, at jip aj cui̱nk. Chiru a kꞌojyi̱n aꞌin tatca̱mk. Ut chixjunil li xocxo a̱ban, ¿ani aj e ta̱cana̱k cuiꞌ?”

San Mateo 12:36

La̱in tinye e̱re nak saꞌ xkꞌehil li rakba a̱tin li junju̱nk tixkꞌaxtesi xcue̱nt chirix chixjunil li joꞌ ma̱joꞌil aj a̱tin quixye.

San Mateo 20:8

Ut nak qui-ecuu, li patrón quixye re lix merto̱m: —Bokeb laj cꞌanjel ut ta̱tojeb. Li ta̱tojeb xbe̱n cua, aꞌaneb li tojeꞌ xeꞌoc, ut nak ac xatrakeꞌ xtojbaleb aꞌan, tojoꞌnak ta̱tojeb li xeꞌoc ekꞌela.—

San Lucas 16:1

Li Jesús quixye reheb lix tzolom li jaljo̱quil ru a̱tin aꞌin: —Quicuan jun li cui̱nk kꞌaxal biom ut quicuan jun xmerto̱m. Cuanqueb li queꞌjitoc chirix li merto̱m chiru li patrón ut queꞌxye re: “La̱ merto̱m yo̱ chixsachbal la̱ biomal,” chanqueb re.

San Lucas 16:3

Ut li merto̱m quixye saꞌ xchꞌo̱l: “¿Cꞌaꞌru tinba̱nu anakcuan xban nak lin patrón tinrisi saꞌ lin cꞌanjel? Incꞌaꞌ tincuy li cacuil cꞌanjel ut tinxuta̱na̱k chi xic chixtzꞌa̱manquil cꞌaꞌru cue chire cablal.