San Lucas 16:12 - Li Santil hu

¹² Ut cui incꞌaꞌ nequenau xra̱bal li cꞌaꞌru re jalan, ¿chan ta cuiꞌ ru nak ta̱kꞌaxtesi̱k e̱re la̱ex li cꞌaꞌru tzꞌakal e̱re?

Q'eqchi Bible

¹² Ut wi ink'a' tiik leech'ool rik'in li ab'i e, ani tixk'e eere li tz'aqal eere?

San Lucas 16:12 ပူးပေါင်းရင်းမြစ်များ

Li xHu LAJ JOB 1:21

Ut quixye: —Ma̱cꞌaꞌ cuan cue saꞌ li ruchichꞌochꞌ aꞌin nak quinyoꞌla ut ma̱cꞌaꞌ ajcuiꞌ tincꞌam chicuix nak tinca̱mk. Li Ka̱cuaꞌ xqꞌuehoc cue chixjunil li cꞌaꞌru cuan cue ut aꞌan x-isin re chicuu. Lokꞌoninbil taxak xcꞌabaꞌ li Ka̱cuaꞌ, chan.

San Lucas 10:42

Abanan jun ajcuiꞌ li cꞌaꞌru tento xba̱nunquil ut lix María xsicꞌ ru aꞌan. Li kꞌaxal us xba̱nunquil, aꞌan rabinquil li cꞌaꞌru ninye. Ut ma̱ ani ta̱ramok re chiru xba̱nunquil, chan li Jesús.

Oseas 2:8

Li ixk aꞌan incꞌaꞌ quixqꞌue retal nak la̱in xinqꞌuehoc re lix trigo, ut lix vino ut lix aceite olivo. Ut la̱in xinqꞌuehoc re chi nabal lix oro ut lix plata li quixmayeja chiru laj Baal.

San Lucas 16:11

Cui la̱ex incꞌaꞌ nequenau xra̱bal li biomal saꞌ ruchichꞌochꞌ, ¿chan ta cuiꞌ ru nak tixcꞌojob xchꞌo̱l li Dios chixqꞌuebal e̱re li tzꞌakal biomal?

San Lucas 16:13

Ma̱ ani ta̱ru̱k ta̱cꞌanjelak chiru cuib chi patrón. Ma̱re tixra li jun ut xicꞌ ta̱ril li jun chic, malaj ut xicꞌ ta̱ril li jun ut tixra li jun chic. Incꞌaꞌ naru texcꞌanjelak chiru li Dios cui junes le̱ biomal nequecꞌoxla.—