San Lucas 15:8 - Li Santil hu

⁸ Ut quixye ajcuiꞌ reheb: —Kayehak nak junak ixk cuan laje̱bak xtumin. Cui ta̱sachk junak lix tumin, ¿ma incꞌaꞌ raj tixloch li xam ut ta̱oc chixmesunquil li cab ut tixsiqꞌui toj retal tixtau?

Q'eqchi Bible

⁸ “Ut wi junaq ixq wanq ta lajeeb'aq xtumin ut taasachq junaq chiru, ma ink'a' tab'i' tixloch junaq xsaqenk ut tixmesu sa' li kab'l re xsik'inkil toj reetal tixtaw?

San Lucas 15:8 ပူးပေါင်းရင်းမြစ်များ

Ezequiel 34:12

Joꞌ nak laj ilol xul naxnau ru lix carner li jeqꞌuinbileb ru, joꞌcan ajcuiꞌ nak tebinnau ru lin carner la̱in ut tebincol saꞌ eb li naꞌajej li cuanqueb cuiꞌ chak li queꞌjeqꞌui̱c cuiꞌ ruheb saꞌ li cutan li kꞌojyi̱n ru xban li raylal.

San Lucas 19:10

La̱in li Cꞌajolbej xincꞌulun chixsicꞌbal ut chixcolbal li sachenakeb, chan li Jesús.

San Juan 10:16

Cuanqueb ajcuiꞌ cualal incꞌajol jalaneb xtenamiteb. Tento nak la̱in tincꞌameb chak. Eb aꞌan teꞌrabi ajcuiꞌ xya̱b lin cux. Ut junajakeb chic ru nak teꞌcua̱nk ut junak ajcuiꞌ laj ilol reheb.

San Juan 11:52

Ut ma̱cuaꞌ caꞌaj cuiꞌ saꞌ xcꞌabaꞌeb aꞌan nak ta̱ca̱mk li Jesús. Re aj ban cuiꞌ nak junajakeb chic ru chixjunileb li ralal xcꞌajol li cuanqueb saꞌ chixjunil li ruchichꞌochꞌ.

Efesios 2:17

Nak quicꞌulun li Cristo saꞌ ruchichꞌochꞌ quixchꞌolob xya̱lal li colba-ib li naqꞌuehoc tuktu̱quil usilal. Quixchꞌolob xya̱lal chiku la̱o aj judío li ac nakanau xya̱lal. Ut quixchꞌolob ajcuiꞌ xya̱lal che̱ru la̱ex li ma̱cuaꞌex aj judío li toj ma̱jiꞌ nequenau xya̱lal.

San Mateo 5:15

Chi moco nalochman junak candil re xqꞌuebal rubel junak chacach. Naqꞌueman ban saꞌ xbe̱n xnaꞌaj candil re nak tixcutanobresi saꞌ li cab li cuanqueb cuiꞌ chixjunileb.

San Lucas 15:7

La̱in tinye e̱re nak joꞌcan ajcuiꞌ saꞌ choxa. Ta̱cua̱nk nimla sahil chꞌo̱lej nak junak aj ma̱c tixyotꞌ xchꞌo̱l tixjal xcꞌaꞌux chiruheb bele̱laju roꞌcꞌa̱l chi cristian li ac xeꞌpa̱ban ut ti̱queb chic xchꞌo̱leb.

San Lucas 15:9

Ut nak tixtau, tixchꞌutubeb li rami̱g ut eb li rech cabal ut tixye reheb: “Chisahokꞌ saꞌ kachꞌo̱l cuochbenex xban nak xintau lin tumin li quisach chicuu,” chaꞌak.

Hechos 19:19

Nabaleb laj tu̱l queꞌchal ut queꞌxcꞌam chak lix huheb li nacꞌanjelac chiruheb re tu̱lac ut queꞌxcꞌat chiruheb chixjunileb li tenamit. Nak queꞌxbir rix lix tzꞌak chixjunil li queꞌxcꞌat, qui-el laje̱b roxcꞌa̱l mil (50,000) chi tumin plata.