San Lucas 15:4 - Li Santil hu

⁴ —¿Ma cuan junak cui̱nk saꞌ e̱ya̱nk cua̱nk ta oꞌcꞌa̱lak (100) xcarner, cui ta̱sachk junak saꞌ xya̱nkeb aꞌan, ma incꞌaꞌ raj tixcanab li bele̱laju roꞌcꞌa̱l (99) saꞌ cꞌaleba̱l ut ta̱xic chixsicꞌbal li quisach toj retal tixtau chak? chan.

Q'eqchi Bible

⁴ “Ani eere laa'ex, wanq ta o'k'aalaq xkarneer ut taasachq junaq chiru, ma ink'a' raj tixkanab' li b'eleelaju ro'k'aal sa' li chaqich'och' ut taaxik chi xsik'b'al li sachenaq toj reetal toxtaw chaq?

San Lucas 15:4 ပူးပေါင်းရင်းမြစ်များ

Ezequiel 34:16

La̱in tinsiqꞌueb chak li sachenakeb li queꞌco̱eb saꞌ jalan be ut tinqꞌueheb chi sukꞌi̱c saꞌ xya̱nkeb li queto̱mk. La̱in tinban lix yocꞌolal ut tinlan. Tinqꞌue xcacuilaleb li yajeb. Ut la̱in tinsach ruheb li ni̱nkeb xtibel ut li cauheb rib. La̱in tin-ilok reheb lin carner saꞌ ti̱quilal.

San Lucas 19:10

La̱in li Cꞌajolbej xincꞌulun chixsicꞌbal ut chixcolbal li sachenakeb, chan li Jesús.

1 Pedro 2:25

La̱ex sachso̱quex saꞌ le̱ ma̱c nak quexcuan chak. Chanchanex li carner sachenak li nachaꞌchaꞌi rib yalak bar chi ma̱cꞌaꞌ aj ilol re. Abanan anakcuan xexchal cuiꞌchic riqꞌuin li Cristo ut aꞌan chic ta̱ilok e̱re.

San Mateo 12:11

Ut li Jesús quichakꞌoc ut quixye reheb: —Cui junak saꞌ e̱ya̱nk cuan junak lix carner ta̱tꞌanekꞌ saꞌ junak jul saꞌ li hiloba̱l cutan, ¿ma incꞌaꞌ raj toxchap ut toxrisi chak saꞌ li jul?

Ezequiel 34:31

La̱ex aj Israel, la̱ex lin carner. La̱in ninchꞌolanin e̱re. La̱ex lin tenamit ut la̱in le̱ Dios, chan li nimajcual Dios.

Salmos 119:176

Ya̱l nak la̱in xinpaltoꞌ cha̱cuu. Chanchanin jun li carner sachenak. Joꞌcan nak nintzꞌa̱ma cha̱cuu nak tina̱tenkꞌa re nak tincua̱nk chi sum a̱tin a̱cuiqꞌuin. La̱in incꞌaꞌ xintzꞌekta̱na chi junaj cua la̱ chakꞌrab.

Isaías 53:6

La̱o xkasach kib kajunes saꞌ li ma̱c. Chanchano li carner li nequeꞌxchaꞌchaꞌi ribeb. Ac kabe kabe xkachap chikaju̱nkal. Abanan li xtojbal rix li kama̱usilal li Ka̱cuaꞌ Dios quixqꞌue saꞌ xbe̱n aꞌan.

Jeremías 50:6

Eb lin tenamit chanchaneb li carner li queꞌbalakꞌi̱c xbaneb laj ilol reheb ut queꞌxchaꞌchaꞌi ribeb yalak bar saꞌ xya̱nkeb li cocꞌ bol ut eb li tzu̱l. Quisach chiruheb lix naꞌajeb li teꞌhila̱nk raj cuiꞌ.

San Lucas 13:15

Ut li Ka̱cuaꞌ quichakꞌoc ut quixye re: —¡Ex aj caꞌ pacꞌal u! ¿Ma incꞌaꞌ ta biꞌ te̱hit e̱bo̱yx malaj ut e̱bu̱r saꞌ li hiloba̱l cutan re nak te̱cꞌameb chi ucꞌac?

Ezequiel 34:8

La̱in li yoꞌyo̱quil Dios. Relic chi ya̱l tinye e̱re nak ma̱cꞌaꞌ eb aj ilol reheb lin carner. Xecanab chi elkꞌa̱c lin carner ut xecanab chi camsi̱c xbaneb li joskꞌ aj xul li cuanqueb saꞌ qꞌuicheꞌ. La̱ex incꞌaꞌ nequesicꞌ lin queto̱mk chi moco nequechꞌolaniheb. Junes la̱ex nequechꞌolani e̱rib.

Romanos 2:1

¿Anihat la̱at nak tatrakok a̱tin saꞌ xbe̱neb la̱ cuas a̱cui̱tzꞌin? Cui nacarak a̱tin saꞌ xbe̱neb la̱ cuas a̱cui̱tzꞌin ut toj yo̱cat ajcuiꞌ chixba̱nunquil li incꞌaꞌ us la̱at joꞌ yo̱queb aꞌan, raylal ajcuiꞌ yo̱cat chixbokbal saꞌ a̱be̱n ut ta̱rakekꞌ a̱tin saꞌ a̱be̱n.

Jeremías 33:13

Eb laj ilol xul teꞌrajla cuiꞌchic lix queto̱mkeb saꞌ eb li tenamit li tzu̱l ru, ut saꞌ eb li tenamit li cuanqueb Sefela, ut saꞌ eb li tenamit li cuanqueb Neguev, joꞌ ajcuiꞌ saꞌ lix naꞌajeb li ralal xcꞌajol laj Benjamín ut saꞌ lix naꞌajeb li cuanqueb chi xjun sutam Jerusalén, ut saꞌ eb li tenamit li cuanqueb Judá.

Ezequiel 34:4

Incꞌaꞌ quetenkꞌaheb li incꞌaꞌ cauheb rib, chi moco quebaneb li yaj, chi moco quelan ru lix tochꞌolaleb. Ut incꞌaꞌ quesukꞌisiheb li queꞌel saꞌ lix naꞌajeb chi moco quesicꞌ li queꞌsacheꞌ. Cau quextaklan saꞌ xbe̱neb ut saꞌ joskꞌil.

San Lucas 15:3

Li Jesús quixye reheb li jaljo̱quil ru a̱tin aꞌin: