San Lucas 15:29 - Li Santil hu

²⁹ Li asbej quichakꞌoc ut quixye re lix yucuaꞌ: —At inyucuaꞌ, la̱at nacanau nak nabal chihab xincꞌanjelac cha̱cuu ut ma̱ jun sut xinkꞌet la̱ cua̱tin. Ut ma̱ jun cua xaqꞌue junak inchꞌina chiba̱t re nak tinninkꞌei̱k cuochbeneb li cuami̱g.

Q'eqchi Bible

²⁹ Ut a'an kixye re li xyuwa': «K'e reetal. Chalen chaq k'iila chihab' yookin chi k'anjelak chawu. Maajun sut xinq'et junaq laachaq'rab', ut laa'at maajun wa aak'ehom junaq inch'ina chib'aat re naq tinninq'ehiq raj wochb'eeneb' li wamiiw.

San Lucas 15:29 ပူးပေါင်းရင်းမြစ်များ

Apocalipsis 3:17

La̱ex nequeye nak biomex ut cuan chixjunil li cꞌaꞌru e̱re. “Ma̱cꞌaꞌ napaltoꞌ ke,” chanquex. Abanan incꞌaꞌ nequeqꞌue retal nak kꞌaxal ra cuanquex. Chanchan nebaꞌex ut mutzꞌex. Chanchan tꞌustꞌu̱quex xban nak incꞌaꞌ niquine̱pa̱b. Kꞌaxal tokꞌoba̱l e̱ru.

Apocalipsis 2:17

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue li choxahil cua li incꞌaꞌ na-ilman ru chixtzaca. Ut tinqꞌue ajcuiꞌ jun li saki pec re ut tzꞌi̱banbilak chiru jun li acꞌ cꞌabaꞌej. Ma̱ ani ta̱naꞌok re li cꞌabaꞌej. Caꞌaj cuiꞌ li ani li ta̱cꞌuluk re, chan li Cꞌajolbej reheb laj Pérgamo.

Romanos 10:3

Ut incꞌaꞌ nequeꞌxnau chanru nak nati̱coꞌ li kachꞌo̱l chiru li Dios. Queꞌxyal xti̱cobresinquil xchꞌo̱leb chiru li Dios yal xjuneseb rib. Ut incꞌaꞌ queꞌraj xba̱nunquil li yebil xban li Dios.

Romanos 7:9

Nak toj ma̱jiꞌ ninnau cꞌaꞌru naxye li chakꞌrab, moco nincꞌoxla ta nak la̱in aj ma̱c ut incꞌaꞌ xinnau nak incꞌulub ta li ca̱mc. Aban nak xinnau li chakꞌrab, xinnau nak la̱in aj ma̱c. Ut cue li ca̱mc.

San Lucas 19:21

Xinxucuac a̱ban xban nak ninnau nak joskꞌat. Nacacꞌul li tumin li incꞌaꞌ nacacꞌanjela ut nacatkꞌoloc bar cuiꞌ incꞌaꞌ nacat-au, chan.

San Lucas 18:9

Ut li Jesús quixye jun chic li jaljo̱quil ru a̱tin reheb li nequeꞌxcꞌoxla nak cha̱bileb ut nequeꞌxtzꞌekta̱naheb li jun chꞌol chic. Quixye reheb:

San Lucas 17:10

Joꞌcan ajcuiꞌ la̱ex. Nak ac xeba̱nu li xextakla̱c cuiꞌ, cheyehak: “La̱o aj cꞌanjel cha̱cuu. Caꞌaj cuiꞌ li joꞌ qꞌuial xoa̱takla cuiꞌ xkaba̱nu. Joꞌcan nak ma̱bantioxi chiku”, chaꞌakex, chan li Jesús reheb.

San Lucas 15:7

La̱in tinye e̱re nak joꞌcan ajcuiꞌ saꞌ choxa. Ta̱cua̱nk nimla sahil chꞌo̱lej nak junak aj ma̱c tixyotꞌ xchꞌo̱l tixjal xcꞌaꞌux chiruheb bele̱laju roꞌcꞌa̱l chi cristian li ac xeꞌpa̱ban ut ti̱queb chic xchꞌo̱leb.

San Mateo 20:12

Ut queꞌxye: —Eb aꞌin li xeꞌoc mokon jun o̱r ajcuiꞌ xeꞌcꞌanjelac. Ut juntakꞌe̱t lix tojbaleb xaqꞌue riqꞌuin li xkacꞌul la̱o. Ut la̱o xocꞌanjelac chiru chixjunil li cutan ut xkacuy xtikcual li sakꞌe ut juntakꞌe̱t xoa̱toj riqꞌuineb li jun chꞌol chic li toj xeꞌoc ecuu.—

Malaquías 3:14

La̱ex xeye, “Ma̱cꞌaꞌ aj e nak yo̱co chi cꞌanjelac chiru li Ka̱cuaꞌ. ¿Cꞌaꞌru takara nak yo̱ko chixpa̱banquil lix chakꞌrab? ¿Cꞌaꞌru takara nak yo̱ko chi cꞌuluc raylal chixta̱kenquil li Ka̱cuaꞌ li nimajcual Dios?” chanquex.

Zacarías 7:3

Ut queꞌxye reheb li profeta ut reheb ajcuiꞌ laj tij li nequeꞌcꞌanjelac saꞌ lix templo li nimajcual Dios: —¿Ma toj yo̱ko chi ya̱bac ut xba̱nunquil ka-ayu̱n joꞌ cꞌaynako xba̱nunquil saꞌ roꞌ li po rajlal chihab? chanqueb.

Isaías 65:5

Nequeꞌxye reheb li ras ri̱tzꞌin, “Cana̱kat aran. Matjiloc chak cuiqꞌuin. Mina̱mux xban nak santin la̱in,” chanqueb. Cꞌajoꞌ nak nequeꞌxtaksi lin joskꞌil. Chanchaneb li xam li naxnumsi li cutan chi lochlo. Chanchaneb li sib li nachꞌiꞌchꞌiꞌin cue.

Romanos 3:27

¿Cꞌaꞌru takanimobresi cuiꞌ kib? Ma̱cꞌaꞌ. Incꞌaꞌ naru takanimobresi kib xban nak ma̱cuaꞌ riqꞌuin xba̱nunquil li naxye li chakꞌrab nati̱coꞌ li kachꞌo̱l. Nati̱coꞌ ban li kachꞌo̱l riqꞌuin xpa̱banquil li Cristo.

Romanos 3:20

Ma̱ jun ti̱c xchꞌo̱l chiru li Dios yal riqꞌuin xba̱nunquil li cꞌaꞌru naxye li chakꞌrab. Li chakꞌrab nacꞌanjelac re xcꞌutbal chiku nak la̱o aj ma̱c.

San Lucas 15:28

Nak li asbej quirabi li cꞌaꞌru quixye li mo̱s, quichal xjoskꞌil, ut incꞌaꞌ quiraj oc saꞌ li rochoch. Ut li yucuaꞌbej qui-el chirix cab ut quixtzꞌa̱ma chiru nak ta̱oc.

San Lucas 15:30

Abanan anakcuan xcꞌulun la̱ cualal aꞌin li quisachoc re la̱ jun cablal riqꞌuineb li ixk li nequeꞌxcꞌayi rib ut la̱at xatakla xcamsinquil chokꞌ re li chꞌina cuacax li chꞌolaninbil chi us, chan li asbej.