San Lucas 15:28 - Li Santil hu

²⁸ Nak li asbej quirabi li cꞌaꞌru quixye li mo̱s, quichal xjoskꞌil, ut incꞌaꞌ quiraj oc saꞌ li rochoch. Ut li yucuaꞌbej qui-el chirix cab ut quixtzꞌa̱ma chiru nak ta̱oc.

Q'eqchi Bible

²⁸ “Kichalk ut xjosq'il li asb'ej ut ink'a' kiraj ok. Ki'elk chaq li xyuwa' ut kixtikib' relajinkil ru.

San Lucas 15:28 ပူးပေါင်းရင်းမြစ်များ

Jonás 4:9

Ut li Ka̱cuaꞌ Dios quixye re: —¿Ma nacacꞌoxla nak us nacaba̱nu nak nacatpoꞌ xban nak xchakic li cꞌum? chan li Dios re. Ut laj Jonás quichakꞌoc ut quixye: —Ya̱l. Us ninba̱nu nak ninjoskꞌoꞌ. Cuan xya̱lal nak ninpoꞌ toj retal nacuaj raj ca̱mc, chan.

1 Samuel 18:8

Cꞌajoꞌ nak quijoskꞌoꞌ laj Saúl nak quirabi li yo̱queb chixyebal. Quixye: —Yo̱queb chixyebal nak laj David quixcamsi laje̱b mil ut la̱in jun mil ajcuiꞌ. Caꞌchꞌin chic ma̱ nequeꞌxxakab chokꞌ rey, chan.

San Lucas 15:2

Eb laj fariseo ut eb laj tzꞌi̱b yo̱queb chi cuechꞌi̱nc ut yo̱queb chixyebal: —Li cui̱nk aꞌin naxcꞌam rib saꞌ usilal riqꞌuineb laj ma̱c ut nacuaꞌac rochbeneb, chanqueb.

San Lucas 7:39

Nak quiril aꞌin laj fariseo li quibokoc re li Jesús chi cuaꞌac, quixye saꞌ xchꞌo̱l: Cui ta tzꞌakal profeta li cui̱nk aꞌin tixnau raj chanru lix yuꞌam li ixk aꞌin li yo̱ chi chꞌeꞌoc re li rok. Tixnau raj nak li ixk aꞌin incꞌaꞌ us xnaꞌleb.

Isaías 66:5

Abihomak li cꞌaꞌru naxye li Ka̱cuaꞌ e̱re la̱ex li nequexxucuac nak nequerabi li ra̱tin li Dios. —Nequextzꞌekta̱na le̱ ras e̱ri̱tzꞌin, li xicꞌ nequeꞌiloc e̱re, inban la̱in ut nequexhob nak nequeꞌxye, “Lokꞌoninbilak taxak li Ka̱cuaꞌ. Chisahokꞌ taxak e̱chꞌo̱l riqꞌuin”. Xuta̱nal teꞌe̱lk eb li nequeꞌyehoc re chi joꞌcaꞌin.

Isaías 65:5

Nequeꞌxye reheb li ras ri̱tzꞌin, “Cana̱kat aran. Matjiloc chak cuiqꞌuin. Mina̱mux xban nak santin la̱in,” chanqueb. Cꞌajoꞌ nak nequeꞌxtaksi lin joskꞌil. Chanchaneb li xam li naxnumsi li cutan chi lochlo. Chanchaneb li sib li nachꞌiꞌchꞌiꞌin cue.

Hechos 14:2

Ut eb laj judío li incꞌaꞌ queꞌpa̱ban, queꞌxtacchiꞌiheb li ma̱cuaꞌeb aj judío re nak teꞌxpoꞌ xchꞌo̱leb saꞌ xbe̱neb laj pa̱banel.

Hechos 13:45

Ut nak queꞌril li qꞌuila tenamit eb li nequeꞌcꞌamoc be saꞌ xya̱nkeb laj judío, cꞌajoꞌ nak queꞌcakoꞌ xchꞌo̱leb. Queꞌoc chixcuechꞌinquil laj Pablo. Queꞌxhob ut queꞌxmajecua.

San Lucas 24:47

Tzꞌi̱banbil ajcuiꞌ retalil nak ta̱julticama̱nk chiruheb chixjunileb li tenamit nak tento teꞌxyotꞌ xchꞌo̱leb ut teꞌxjal xcꞌaꞌuxeb re ta̱cuyma̱nk ta̱sachma̱nk lix ma̱queb saꞌ xcꞌabaꞌ aꞌan. Ta̱ticla̱k xchꞌolobanquil arin Jerusalén.

San Lucas 13:34

Ex aj Jerusalén, la̱ex nequecamsiheb li profeta ut nequecuti chi pec eb li nequeꞌtakla̱c e̱riqꞌuin xban li Dios. Nabal sut raj xcuaj e̱colbal joꞌ nak naxchꞌutubeb li ral li caxlan rubel lix xicꞌ. Abanan la̱ex incꞌaꞌ xeraj.

San Lucas 5:30

Eb laj fariseo ut eb laj tzolol chakꞌrab queꞌoc chixcuechꞌinquil rixeb lix tzolom li Jesús ut queꞌxye reheb: —¿Cꞌaꞌut nak nequexcuaꞌac ut nequex-ucꞌac rochbeneb laj titzꞌol toj ut rochbeneb laj ma̱c? chanqueb.

San Mateo 20:11

Ut nak ac xeꞌxcꞌul li tumin, queꞌoc chixcuechꞌbal li patrón.

1 Samuel 17:28

Laj Eliab li asbej quirabi li yo̱ chixyebal laj David ut quijoskꞌoꞌ riqꞌuin. Quixye re: —¿Cꞌaꞌut nak xatchal arin? ¿Ani yo̱ chi iloc reheb li cuib oxibeb li carner li nacacꞌacꞌale saꞌ li chaki chꞌochꞌ? Ninnau nak la̱at kꞌetkꞌetat ut incꞌaꞌ us nacacꞌoxla. ¿Ma caꞌaj cuiꞌ rilbal li pletic xatchal? chan.

1 Ts 2:16

Xicꞌ nequeꞌrecꞌa nak nakachꞌolob xya̱lal chiruheb li ma̱cuaꞌeb aj judío re nak teꞌcolekꞌ. Ut riqꞌuin li ma̱usilal nequeꞌxba̱nu rajlal, kꞌaxal cuiꞌchic nanumta lix ma̱queb. Abanan yal jun nak quichal xjoskꞌil li Dios saꞌ xbe̱neb.

2 Corintios 5:20

Joꞌcan ut nak la̱o taklanbilo saꞌ xcꞌabaꞌ li Jesucristo. Li Dios naxtoꞌoni lix tzꞌu̱mal ke re nak ta̱a̱tinak e̱riqꞌuin. Saꞌ xcꞌabaꞌ li Jesucristo nakatzꞌa̱ma che̱ru nak checꞌamak e̱rib saꞌ usilal riqꞌuin li Dios.

Romanos 10:19

Ut ninye ajcuiꞌ, ¿ma incꞌaꞌ ta biꞌ queꞌxtau xya̱lal aꞌin eb laj Israel? Queꞌxtau raj aban incꞌaꞌ queꞌraj. Laj Moisés quixye reheb li cꞌaꞌru quixye li Dios. Quixye chi joꞌcaꞌin: Saꞌ incꞌabaꞌ la̱in te̱cakali jun li tenamit ma̱cuaꞌeb intenamit. Ut tinchikꞌ e̱joskꞌil saꞌ xbe̱neb aꞌan, li incꞌaꞌ nequeꞌxnau xya̱lal, xban nak eb aꞌan li teꞌcuuxta̱na ru. (Deut. 32:21)

Hechos 14:19

Queꞌcuulac eb laj judío li queꞌchal Antioquía ut Iconio. Queꞌxtacchiꞌiheb nabaleb li tenamit. Queꞌxcuti chi pec laj Pablo ut queꞌrisi chire li tenamit. Saꞌ xchꞌo̱leb aꞌan nak camenak chic laj Pablo queꞌxcanab.

Hechos 13:50

Eb laj judío queꞌxtacchiꞌi chak eb li ixk li nequeꞌxqꞌue xcuanquil lix pa̱ba̱leb, li nequeꞌqꞌueheꞌ xlokꞌal joꞌqueb ajcuiꞌ li cui̱nk li cuanqueb xcuanquil saꞌ li tenamit. Queꞌxyoꞌob jun ra xi̱cꞌ saꞌ xbe̱neb laj Pablo ut laj Bernabé. Ut queꞌrisiheb saꞌ lix tenamiteb.

San Marcos 1:40

Saꞌ jun li cutan jun li cui̱nk saklep rix quicuulac riqꞌuin li Jesús. Quixcuikꞌib rib chiru ut quixtzꞌa̱ma xtenkꞌanquil. Quixye re: —La̱in ninnau nak la̱at naru tina̱qꞌuirtesi, chan.

San Lucas 15:27

Li mo̱s quixye re: —Xsukꞌi chak la̱ cui̱tzꞌin ut la̱ yucuaꞌ xtakla xcamsinquil li ral li cuacax li chꞌolaninbil chi us, xban nak la̱ cui̱tzꞌin xsukꞌi cuiꞌchic chi cau ut chi sa saꞌ xchꞌo̱l, chan.

San Lucas 15:29

Li asbej quichakꞌoc ut quixye re lix yucuaꞌ: —At inyucuaꞌ, la̱at nacanau nak nabal chihab xincꞌanjelac cha̱cuu ut ma̱ jun sut xinkꞌet la̱ cua̱tin. Ut ma̱ jun cua xaqꞌue junak inchꞌina chiba̱t re nak tinninkꞌei̱k cuochbeneb li cuami̱g.

Jeremías 35:16

Relic chi ya̱l nak eb li ralal xcꞌajol laj Recab queꞌxba̱nu joꞌ queꞌyeheꞌ reheb xbaneb lix xeꞌto̱nil yucuaꞌ. Abanan eb li tenamit aꞌin incꞌaꞌ nequeꞌabin chicuu.