San Lucas 15:18 - Li Santil hu

¹⁸ Tinxic cuiꞌchic saꞌ rochoch lin yucuaꞌ ut tinye re, “At inyucuaꞌ, xinma̱cob chiru li Dios joꞌ ajcuiꞌ cha̱cuu la̱at.

Q'eqchi Bible

¹⁸ Tinwakliiq, tinxik rik'in linyuwa' ut toxinye re: Wa', xinmaakob'k chiru li choxa ut chawu laa'at.

San Lucas 15:18 ပူးပေါင်းရင်းမြစ်များ

Lamentaciones 3:40

Chikaqꞌuehak retal chi us cꞌaꞌru takaba̱nu. Chikajal li kacꞌaꞌux ut chosukꞌi̱k riqꞌuin li Ka̱cuaꞌ.

San Lucas 15:21

Ut li ralal quixye re: —At inyucuaꞌ, xinma̱cob chiru li Dios joꞌ ajcuiꞌ cha̱cuu la̱at. Ma̱cuaꞌ chic incꞌulub nak tincꞌabaꞌin a̱cualal, chan re lix yucuaꞌ.

San Lucas 18:13

Abanan laj titzꞌol toj najt quixqꞌue chak rib ut quixxulub lix jolom. Yo̱ chixtenbal li re xchꞌo̱l chi rukꞌ xban xrahil xchꞌo̱l ut quixye: “At inDios, la̱in aj ma̱c. Chacuuxta̱na taxak cuu,” chan.

San Mateo 6:14

Cui nequecuy xma̱queb le̱ ras e̱ri̱tzꞌin, tixcuy ajcuiꞌ e̱ma̱c la̱ex le̱ Yucuaꞌ cuan saꞌ choxa.

Jeremías 3:19

La̱ex aj Israel, la̱in xcuaj nak xexincꞌul chokꞌ cualal incꞌajol. Xinqꞌue e̱re jun li cha̱bil naꞌajej. Aꞌan li kꞌaxal cha̱bil chiru chixjunil li naꞌajej li cuan saꞌ ruchichꞌochꞌ. La̱in xcuaj nak te̱ye “At inyucuaꞌ” cue. Incꞌaꞌ xcuaj nak tine̱tzꞌekta̱na.

Salmos 25:11

Riqꞌuin taxak lix nimal la̱ lokꞌal, at Ka̱cuaꞌ, china̱cuy taxak xban nak nimla ma̱c xinba̱nu cha̱cuu.

San Mateo 6:9

Ut la̱ex joꞌcaꞌin nak textijok: At Ka̱cuaꞌ, cuancat saꞌ li santil choxa, lokꞌoninbilak taxak la̱ santil cꞌabaꞌ.

San Mateo 3:6

Queꞌxxo̱to xma̱queb ut laj Juan naxcubsiheb xhaꞌ saꞌ li nimaꞌ Jordán.

Jeremías 31:20

Li Dios quixye: —¿Ma ma̱cuaꞌeb ta biꞌ cualal incꞌajol li ralal xcꞌajol laj Efraín? Aꞌaneb li kꞌaxal raro̱queb inban. Aꞌaneb li nequeꞌqꞌuehoc xsahil inchꞌo̱l. Usta ninkꞌuseb, abanan junelic cuanqueb saꞌ inchꞌo̱l. Nayotꞌeꞌ inchꞌo̱l xbaneb. Joꞌcan nak nacuuxta̱na ruheb, chan li Dios.

Isaías 63:16

At Ka̱cuaꞌ, la̱at li kayucuaꞌ usta laj Abraham ut laj Israel (Jacob) incꞌaꞌ queꞌxnau ku. La̱at li kayucuaꞌ. Ut la̱at laj Colol ke chalen chak najter.

Proverbios 23:13

Li xcablaju li naꞌleb, aꞌan aꞌin: Junelic te̱kꞌus li sa̱j al. Cui te̱qꞌue cuib oxibak lix tzꞌu̱m, aꞌan incꞌaꞌ ta̱ca̱mk xban.

San Mateo 7:11

Cui la̱ex li moco cha̱bilex ta nequenau xqꞌuebal li cꞌaꞌru cha̱bil re le̱ ralal e̱cꞌajol, ¿ma tojaꞌ ta chic le̱ Yucuaꞌ li cuan saꞌ choxa incꞌaꞌ tixqꞌue li kꞌaxal cha̱bil re li ani tixtzꞌa̱ma chiru?

2 Crónicas 33:19

Ut tzꞌi̱banbil retalil lix tij li rey Manasés ut chanru nak li Dios quixsume. Tzꞌi̱banbil ajcuiꞌ retalil li ma̱usilal li quixba̱nu nak toj ma̱jiꞌ nayotꞌeꞌ xchꞌo̱l ut najal xcꞌaꞌux. Tzꞌi̱banbil retalil li incꞌaꞌ us quixba̱nu ut tzꞌi̱banbil retalil li naꞌajej li najt xteram li quilajxyi̱b re xlokꞌoninquil li jalanil dios, joꞌ ajcuiꞌ lix jalam u̱ch li yi̱banbil dios xAsera. Chixjunil li cꞌaꞌak re ru aꞌin tzꞌi̱banbil retalil saꞌ li hu li queꞌxtzꞌi̱ba eb li profeta.

San Lucas 11:2

Ut li Ka̱cuaꞌ quixye reheb: —Nak textijok, te̱ye chi joꞌcaꞌin: Ka̱cuaꞌ, cuancat saꞌ li santil choxa, lokꞌoninbil taxak la̱ santil cꞌabaꞌ. Chicha̱lk ta la̱ nimajcual cuanquilal. Chi-uxk ta li nacacuaj joꞌ saꞌ choxa, joꞌ ta ajcuiꞌ saꞌ ruchichꞌochꞌ.

Jonás 3:9

Cui takaba̱nu aꞌin, ma̱re anchal tixjal xcꞌaꞌux li Dios saꞌ kabe̱n. Ma̱re ta̱numekꞌ xjoskꞌil ut incꞌaꞌ chic tixsach ku, chanqueb.

Jonás 2:4

La̱in xincꞌoxla nak xina̱tzꞌekta̱na. Ut xinye: —Usta xina̱tzꞌekta̱na, abanan junelic ta̱julticokꞌ cue la̱ santil templo ut tintzꞌa̱ma intenkꞌanquil cha̱cuu.

Daniel 4:26

Li ángel xye nak lix to̱nal li cheꞌ ta̱cana̱k saꞌ chꞌochꞌ. Aꞌan retalil nak la̱ cuanquilal incꞌaꞌ ta̱sachk chi junaj cua. Tat-oc cuiꞌchic chokꞌ rey toj ta̱qꞌue retal nak li Ka̱cuaꞌ, aꞌan li kꞌaxal nim xcuanquil saꞌ xbe̱n chixjunil.

Lamentaciones 3:29

Chixcubsihak ban rib rubel xcuanquil li Ka̱cuaꞌ, xban nak toj cuan cꞌaꞌru naroybeni.

San Lucas 15:17

Quijulticoꞌ re chanru nak quicuan saꞌ rochoch lix yucuaꞌ ut quixye saꞌ xchꞌo̱l: —Nabaleb aj cꞌanjel cuanqueb saꞌ rochoch lin yucuaꞌ ut numtajenak xcuaheb. Ut la̱in arin osocꞌ cue xban tzꞌoca̱c.

San Lucas 15:19

Ma̱cuaꞌ chic incꞌulub nak tincꞌabaꞌin a̱cualal. China̱cꞌul ban joꞌ junak a̱mo̱s,” chaꞌakin re, chan saꞌ xchꞌo̱l.