San Lucas 15:16 - Li Santil hu

¹⁶ Quiraj raj xcuaꞌbal xcuaheb li a̱k xban nak ta̱tzꞌoca̱k. Abanan incꞌaꞌ queꞌxqꞌue caꞌchꞌinak re.

Q'eqchi Bible

¹⁶ Naratawi xnujob'resinkil li xsa' rik'in li ru li che' neke'xk'ux li aaq, ab'anan maa'ani nak'ehok b'ayaq re.

San Lucas 15:16 ပူးပေါင်းရင်းမြစ်များ

Oseas 12:1

Chanchan yal ikꞌ nataklan reheb laj Efraín xban nak ma̱cꞌaꞌ na-oc cuiꞌ li nequeꞌxba̱nu. Chanchan li ikꞌ nachal saꞌ releb sakꞌe bar cuanqueb cuiꞌ laj Asiria. Nanumta li ticꞌtiꞌ ut li ma̱usilal li nequeꞌxba̱nu. Nequeꞌxba̱nu li contrato riqꞌuineb laj Asiria ut nequeꞌxtakla lix aceite aran Egipto.

Lamentaciones 4:5

Eb li queꞌtzacan chak chi cha̱bil junxil, anakcuan yo̱queb chi ca̱mc xban xtzꞌocajiqueb saꞌ eb li be. Queꞌyoꞌla saꞌ biomal. Abanan anakcuan nequeꞌxyocꞌob ribeb saꞌ li mul.

Isaías 44:20

Chanchan nak naxcuaꞌ li cha. Naxqꞌue rib chi balakꞌi̱c. Incꞌaꞌ naru tixcol rib chiru li ticꞌtiꞌ. Incꞌaꞌ naru tixye, “moco dios ta li cuan saꞌ lin nim ukꞌ.”

Salmos 142:4

Chaqꞌue taxak retal. Ma̱ ani cuan arin re tinixcol. Ma̱ ani natenkꞌan cue. Ma̱ ani nacꞌoxlan cue.

Isaías 57:3

Quimkex la̱ex li nequeba̱nu li ma̱usilal, la̱ex li chanchanex li ralal xcꞌajol laj tu̱l. Chanchanex li ralal xcꞌajol li nequeꞌxmux xsumlajic malaj ut eb li ixk li nequeꞌxcꞌayi ribeb.

Isaías 55:2

¿Cꞌaꞌut nak te̱sach e̱tumin riqꞌuin li moco cua ta? ¿Cꞌaꞌut nak te̱sach le̱ tojbal riqꞌuin li cꞌaꞌru moco nacꞌojla ta e̱chꞌo̱l xban? Te̱rabi ut te̱ba̱nu taxak li cꞌaꞌru ninye e̱re ut te̱tzaca li cha̱bil tzacae̱mk. Ta̱cꞌojla̱k e̱chꞌo̱l.

Salmos 73:22

Kꞌaxal cau inchꞌo̱l. Joꞌcan nak incꞌaꞌ xintau xya̱lal. Chanchanin li xul cha̱cuu.

San Mateo 7:6

Me̱qꞌue reheb li tzꞌiꞌ li cꞌaꞌru kꞌaxal lokꞌ xban nak naru nequeꞌchal saꞌ e̱be̱n ut textiu. Chi moco te̱qꞌue li pec li kꞌaxal terto xtzꞌak chiruheb li a̱k re teꞌxyekꞌi.

San Lucas 15:15

Joꞌcan nak co̱ riqꞌuin jun li cui̱nk cuan saꞌ li tenamit aꞌan chixpatzꞌbal xtrabaj. Ut li cui̱nk aꞌan quixtakla saꞌ cꞌaleba̱l chi iloc a̱k.

San Lucas 15:17

Quijulticoꞌ re chanru nak quicuan saꞌ rochoch lix yucuaꞌ ut quixye saꞌ xchꞌo̱l: —Nabaleb aj cꞌanjel cuanqueb saꞌ rochoch lin yucuaꞌ ut numtajenak xcuaheb. Ut la̱in arin osocꞌ cue xban tzꞌoca̱c.

Li xHu LAJ JOB 30:4

Nequeꞌxsicꞌ chak li cꞌahil pim saꞌ li chaki chꞌochꞌ ut nequeꞌxsicꞌ ajcuiꞌ lix xeꞌ li palma re teꞌxtzaca.