San Lucas 15:13 - Li Santil hu

¹³ Ut ma̱jiꞌ ajcuiꞌ najterak nak li i̱tzꞌinbej quixchꞌutub chixjunil li cꞌaꞌru cuan re, ut co̱ chi najt saꞌ jalanil tenamit. Aran quixsach li cꞌaꞌru re nak yo̱ chixkꞌaxbal li cutan chi joꞌ ma̱joꞌ.

Q'eqchi Bible

¹³ Ink'a'aq k'iila kutan a'an, li iitz'inb'ej kixk'ayi li k'aru wank re ut koho sa' najtil tenamit b'arwi' kixsach chixjunil, yo xq'axb'al li kutan chi jo'maajo'.

San Lucas 15:13 ပူးပေါင်းရင်းမြစ်များ

Jeremías 2:5

Li Ka̱cuaꞌ naxye chi joꞌcaꞌin: —¿Ma cuan ta biꞌ cꞌaꞌak re ru incꞌaꞌ us xinba̱nu nak xineꞌxtzꞌekta̱na le̱ xeꞌto̱nil yucuaꞌ? Eb aꞌan queꞌxlokꞌoniheb li yi̱banbil dios li ma̱cꞌaꞌ nequeꞌoc cuiꞌ. Joꞌcan nak ma̱cꞌaꞌ ajcuiꞌ nequeꞌoc cuiꞌ le̱ xeꞌto̱nil yucuaꞌ.

Proverbios 29:3

Li ani naraj xtaubal xnaꞌleb naxqꞌue xsahil xchꞌo̱l lix yucuaꞌ. Ut li ani nacuan riqꞌuineb li ixk li nequeꞌxcꞌayi ribeb naxsach lix biomal.

Proverbios 21:17

Li ani nequeꞌxcꞌoxla chirix junes li naxqꞌue xsahil xchꞌo̱leb teꞌnebaꞌokꞌ. Joꞌcan ajcuiꞌ eb li nequeꞌcuulac chiru rucꞌbal li vino ut xqꞌuebal li sununquil ban incꞌaꞌ teꞌbiomokꞌ.

Proverbios 28:7

Li alalbej li naxba̱nu li naxye lix chakꞌrab li Dios, aꞌan naxnau cꞌoxlac. Abanan li ani nacuulac chiru cua̱nc saꞌ xya̱nkeb li nequeꞌnumcuaꞌac nequeꞌnum-ucꞌac, aꞌan naxcꞌut xxuta̱n lix yucuaꞌ.

San Lucas 16:19

Quicuan jun li cui̱nk biom. Naxtikib rib riqꞌuin cha̱bil tꞌicr kꞌaxal terto xtzꞌak ut rajlal cutan naninkꞌei̱c.

San Lucas 16:1

Li Jesús quixye reheb lix tzolom li jaljo̱quil ru a̱tin aꞌin: —Quicuan jun li cui̱nk kꞌaxal biom ut quicuan jun xmerto̱m. Cuanqueb li queꞌjitoc chirix li merto̱m chiru li patrón ut queꞌxye re: “La̱ merto̱m yo̱ chixsachbal la̱ biomal,” chanqueb re.

San Lucas 15:30

Abanan anakcuan xcꞌulun la̱ cualal aꞌin li quisachoc re la̱ jun cablal riqꞌuineb li ixk li nequeꞌxcꞌayi rib ut la̱at xatakla xcamsinquil chokꞌ re li chꞌina cuacax li chꞌolaninbil chi us, chan li asbej.

Miqueas 6:3

Quixye li Ka̱cuaꞌ: —Ex intenamit, ¿cꞌaꞌru xinba̱nu e̱re? Ut, ¿cꞌaꞌru xextitzꞌ cuiꞌ inban? ¿Ma yo̱quin ta biꞌ che̱chꞌiꞌchꞌiꞌinquil? Yehomak cue cꞌaꞌru inma̱c che̱ru.

Jeremías 2:31

La̱ex aj Israel, ¿cꞌaꞌut nak incꞌaꞌ nequerabi li cꞌaꞌru ninye e̱re? ¿Ma la̱in ta biꞌ joꞌ jun li naꞌajej chaki che̱ru? ¿Ma la̱in joꞌ jun li kꞌojyi̱n nak nequecꞌoxla? ¿Ma ma̱cꞌaꞌ nin-oc cuiꞌ che̱ru? ¿Cꞌaꞌut nak nequeye nak te̱ba̱nu li cꞌaꞌru nequeraj? ¿Cꞌaꞌut nak nequeye nak incꞌaꞌ chic texsukꞌi̱k cuiqꞌuin?

Jeremías 2:13

Cuib li ma̱c queꞌxba̱nu lin tenamit. Quineꞌxtzꞌekta̱na la̱in li Dios, li chanchanin li yuꞌam haꞌ li incꞌaꞌ na-osoꞌ xban nak ninqꞌue xyuꞌameb. Chanchan nak queꞌxbec xjulel li haꞌ, li incꞌaꞌ natꞌil haꞌ chi saꞌ, nak queꞌxlokꞌoni li jalanil dios.

Isaías 56:12

Nequeꞌxye: —Quimkex. Yoꞌkeb chi ucꞌac. Tocala̱k chi us. Ut joꞌcan ajcuiꞌ cuulaj. Malaj ut kꞌaxal cuiꞌchic ta̱sahokꞌ kachꞌo̱l chiru anakcuan, chanqueb.

Isaías 30:11

Elenkex chiku. Canabomak xba̱nunquil li us li yo̱quex chixba̱nunquil. Incꞌaꞌ chic nakaj rabinquil li cꞌaꞌru nequeye chirix li kaDios santo, la̱o aj Israel, chanqueb.

Isaías 22:13

Abanan la̱ex sa saꞌ e̱chꞌo̱l nak yo̱quex chi ninkꞌei̱c. Xecamsiheb li carner ut li cuacax re te̱tiu. Xexcuaꞌac ut xex-ucꞌac vino. Xeye: —Cuaꞌako, ucꞌako xban nak ma̱re cuulaj caꞌbej nococam, chanquex.

Isaías 1:4

Ex tenamit, la̱ex aj ma̱c. Numtajenak le̱ ma̱usilal. La̱ex ralal xcꞌajolex li incꞌaꞌ useb xnaꞌleb. Kꞌaxal numtajenak le̱ joꞌ ma̱joꞌil naꞌleb. Xecanab inpa̱banquil. Xechikꞌ injoskꞌil la̱in li Dios Santo, le̱ Dios la̱ex aj Israel ut xine̱tzꞌekta̱na.

Proverbios 27:8

Li ani naxcanab li rochoch, aꞌan chanchan li xul li naxcanab xsoc.

Proverbios 21:20

Li ani cuan xnaꞌleb cuan xbiomal saꞌ li rochoch ut cuan ajcuiꞌ li sununquil ban. Abanan, li ma̱cꞌaꞌ xnaꞌleb yal naxsach lix tumin chi ma̱cꞌaꞌ rajbal.

Proverbios 18:9

Li incꞌaꞌ naraj trabajic, aꞌan juntakꞌe̱t riqꞌuin li nasachoc.

Proverbios 6:26

Li cui̱nk li naxic chixsicꞌbaleb li ixk li nequeꞌxcꞌayi rib, naxsach chixjunil lix tumin xban. Ut li cui̱nk li naxchꞌic rib riqꞌuin junak li sumsu̱quil ixk naxsach lix yuꞌam.

Salmos 73:27

Eb li nequeꞌxcanab a̱pa̱banquil teꞌosokꞌ. La̱at ta̱sacheb ru li nequeꞌtzꞌekta̱nan a̱cue.

2 Pedro 2:13

Chi joꞌcan teꞌxcꞌul xkꞌajca̱munquil lix ma̱usilaleb queꞌxba̱nu. Eb laj tzolonel aj balakꞌ junelic saheb saꞌ xchꞌo̱l chixba̱nunquil li incꞌaꞌ us, usta chi cutan. Xuta̱nal chokꞌ e̱re nak cuanqueb saꞌ e̱ya̱nk xban nak nequeꞌcuulac chi cuaꞌac saꞌ le̱ ninkꞌe. Eb aꞌan junes ma̱cobc nequeꞌxcꞌoxla.

Efesios 2:17

Nak quicꞌulun li Cristo saꞌ ruchichꞌochꞌ quixchꞌolob xya̱lal li colba-ib li naqꞌuehoc tuktu̱quil usilal. Quixchꞌolob xya̱lal chiku la̱o aj judío li ac nakanau xya̱lal. Ut quixchꞌolob ajcuiꞌ xya̱lal che̱ru la̱ex li ma̱cuaꞌex aj judío li toj ma̱jiꞌ nequenau xya̱lal.

Efesios 2:13

Junxil li Dios ma̱cꞌaꞌ e̱riqꞌuin. Abanan anakcuan rehex chic xban nak li Cristo quicam chiru li cruz saꞌ e̱cꞌabaꞌ.

San Lucas 15:12

Li i̱tzꞌinbej quixye re lix yucuaꞌ: —At inyucuaꞌ, qꞌue cue anakcuan la̱ jun cablal li joꞌ qꞌuial li tintzꞌak la̱in, chan. Tojoꞌnak li yucuaꞌbej quixjeqꞌui lix jun cablal reheb li ralal cuib.

San Lucas 15:14

Ut nak ac xsach chixjunil li cꞌaꞌru cuan re, quicuan jun nimla cueꞌej saꞌ li tenamit aꞌan. Ut li al yo̱ chixcuybal xtzꞌocajic.