San Lucas 15:10 - Li Santil hu

¹⁰ La̱in ninye e̱re nak joꞌcan ajcuiꞌ eb lix ángel li Dios teꞌsahokꞌ saꞌ xchꞌo̱leb nak junak aj ma̱c ta̱yotꞌekꞌ xchꞌo̱l ut tixjal xcꞌaꞌux.—

Q'eqchi Bible

¹⁰ “Ninye eere naq kama'an ajwi' li sahil ch'oolej nawank sa' xyanqeb' li x'ánjel li Yos naq junaq aj maak tixyot' xch'ool tixjal xk'a'uxl”.

San Lucas 15:10 ပူးပေါင်းရင်းမြစ်များ

San Lucas 15:7

La̱in tinye e̱re nak joꞌcan ajcuiꞌ saꞌ choxa. Ta̱cua̱nk nimla sahil chꞌo̱lej nak junak aj ma̱c tixyotꞌ xchꞌo̱l tixjal xcꞌaꞌux chiruheb bele̱laju roꞌcꞌa̱l chi cristian li ac xeꞌpa̱ban ut ti̱queb chic xchꞌo̱leb.

2 Corintios 7:10

Cui junak narahoꞌ xchꞌo̱l xban li incꞌaꞌ us naxba̱nu, li jun aꞌan naxtau lix colbal xban nak nayotꞌeꞌ xchꞌo̱l ut naxjal xcꞌaꞌux joꞌ naraj li Dios. Ut ma̱ ani narahoꞌ xchꞌo̱l xban li colba-ib. Abanan cui junak narahoꞌ xchꞌo̱l xban li incꞌaꞌ us naxba̱nu ut incꞌaꞌ nayotꞌeꞌ xchꞌo̱l, li jun aꞌan incꞌaꞌ naxtau li colba-ib.

Ezequiel 33:11

Ta̱ye reheb nak li Ka̱cuaꞌ xye chi joꞌcaꞌin: Yoꞌyo̱quin la̱in li nimajcual Dios. La̱in incꞌaꞌ nacuaj nak texca̱mk saꞌ le̱ ma̱c. Nacuaj ban nak te̱jal e̱naꞌleb ut te̱canab xba̱nunquil li ma̱usilal ut ta̱cua̱nk e̱yuꞌam. Ex aj Israel, canabomak xba̱nunquil li ma̱usilal. ¿Cꞌaꞌut nak te̱qꞌue e̱rib chi ca̱mc xban le̱ ma̱c?

Ezequiel 18:23

Li nimajcual Dios quixye: —¿Ma nasahoꞌ ta biꞌ inchꞌo̱l nak junak ta̱ca̱mk xban li ma̱usilal li quixba̱nu? Incꞌaꞌ. Nasahoꞌ ban saꞌ inchꞌo̱l nak naxjal xcꞌaꞌux ut naxcanab xba̱nunquil li ma̱usilal ut ta̱cua̱nk xyuꞌam.

San Lucas 13:5

La̱in ninye e̱re nak incꞌaꞌ. Ut cui la̱ex incꞌaꞌ te̱yotꞌ e̱chꞌo̱l ut te̱jal e̱cꞌaꞌux, tex-osokꞌ ajcuiꞌ la̱ex, chan li Jesús.

San Mateo 18:14

Joꞌcan ajcuiꞌ le̱ Yucuaꞌ cuan saꞌ choxa incꞌaꞌ naraj nak ta̱sachk junak reheb li toj kꞌuneb xchꞌo̱l saꞌ lix pa̱ba̱l.

Ezequiel 18:32

La̱in ma̱ jun e̱re nacuaj ta̱ca̱mk. Jalomak ban le̱ cꞌaꞌux ut ta̱cua̱nk le̱ yuꞌam, chan li nimajcual Dios.

Hebreos 1:14

Incꞌaꞌ quixye aꞌan reheb li ángel xban nak li ángel yal musikꞌejeb chi cꞌanjelac chiru li Dios. Li Dios nataklan chak reheb chixtenkꞌanquileb li teꞌe̱chani̱nk re li colba-ib.

Hechos 11:18

Nak queꞌrabi li cꞌaꞌru quixye laj Pedro, eb laj cꞌamol be saꞌ xya̱nkeb laj pa̱banel aj judío, queꞌxcanab cuechꞌi̱nc. Queꞌxlokꞌoni li Dios ut queꞌxye: —Li Ka̱cuaꞌ xqꞌue ajcuiꞌ li junelic yuꞌam reheb li ma̱cuaꞌeb aj judío xban nak xeꞌxyotꞌ xchꞌo̱l ut xeꞌxjal xcꞌaꞌux, chanqueb.

San Lucas 7:47

Joꞌcan nak tinye a̱cue nak li ixk aꞌin kꞌaxal nabal lix ma̱c. Abanan cuybil sachbil chic. Joꞌcan nak kꞌaxal cuiꞌchic xinixra. Ut li ani caꞌchꞌin ajcuiꞌ lix ma̱c nacuyeꞌ, caꞌchꞌin ajcuiꞌ narahoc, chan.

San Mateo 18:10

La̱in ninye e̱re cheqꞌuehak retal me̱tzꞌekta̱na junak reheb li kꞌuneb xchꞌo̱l saꞌ lix pa̱ba̱l xban nak eb aꞌan cꞌacꞌalenbileb xbaneb li ángel, li cuanqueb riqꞌuin lin Yucuaꞌ cuan saꞌ choxa.

Filemón 1:15

Cuan xya̱lal nak qui-el jarubak cutan a̱cuiqꞌuin. Ma̱re lix ya̱lal aꞌan nak quijala lix yuꞌam ut anakcuan ta̱cua̱nk a̱cuiqꞌuin chi junelic.

Hechos 5:19

Abanan chiru li kꞌojyi̱n aꞌan jun lix ángel li Ka̱cuaꞌ quixte lix puertil li tzꞌalam ut quirisiheb saꞌ tzꞌalam ut quixye reheb:

San Mateo 10:32

Li ani naxye chiruheb li tenamit nak niquinixpa̱b, la̱in tinye chiru lin Yucuaꞌ cuan saꞌ choxa nak aꞌan li cualal.

San Lucas 12:8

La̱in tinye e̱re nak li ani naxye chiruheb li tenamit nak niquinixpa̱b, la̱in tinye chiruheb lix ángel li Dios nak aꞌan cualal incꞌajol.

San Lucas 12:9

Ut li ani ta̱tzꞌekta̱na̱nk cue chiruheb li tenamit, la̱in tintzꞌekta̱na ajcuiꞌ aꞌan chiruheb lix ángel li Dios.

San Lucas 15:9

Ut nak tixtau, tixchꞌutubeb li rami̱g ut eb li rech cabal ut tixye reheb: “Chisahokꞌ saꞌ kachꞌo̱l cuochbenex xban nak xintau lin tumin li quisach chicuu,” chaꞌak.

San Lucas 15:11

Ut quixye ajcuiꞌ reheb li jaljo̱quil ru a̱tin aꞌin: Jun li cui̱nk quicuan cuib li ralal.