San Lucas 14:23 - Li Santil hu

²³ Li patrón quixye re lix mo̱s: —Tatxic chire li tenamit ut saꞌ cꞌaleba̱l ut ta̱cuelaji chak ruheb chi cha̱lc saꞌ li ninkꞌe re nak ta̱nujak li cuochoch, chan.

Q'eqchi Bible

²³ Kixye laj eechal kab'l re li xmoos: «Ayu sa'atqeb' li b'e ut chire eb' li koral, ut mineb' chaq ru li tenamit chi ok re naq taanujaq li wochoch.

San Lucas 14:23 ပူးပေါင်းရင်းမြစ်များ

Colosenses 1:28

Aꞌ li Cristo, aꞌan li nakachꞌolob xya̱lal. Nakaqꞌue xnaꞌlebeb chixjunil ut nakacꞌut xya̱lal chiruheb chi anchal li kachꞌo̱l ut chi anchal li kacꞌaꞌux re nak tzꞌakalak ru lix pa̱ba̱leb saꞌ xcꞌabaꞌ li Jesucristo.

2 Corintios 5:11

Joꞌcan nak nakaxucua ru li Dios ut nakaqꞌue kachꞌo̱l chixchꞌolobanquil lix ya̱lal. Ut li Dios naxnau chi tzꞌakal nak ti̱c li kachꞌo̱l. Ut la̱in nacuaj nak te̱nau ajcuiꞌ la̱ex.

2 Timoteo 4:2

La̱in nintzꞌa̱ma cha̱cuu nak ta̱chꞌolob xya̱lal li ra̱tin li Dios. Chayal a̱kꞌe chixba̱nunquil chi junelic usta naxqꞌue rib cha̱cuu usta incꞌaꞌ. Chatijeb ut chakꞌuseb. Chaqꞌue xcacuilal xchꞌo̱leb ut chicua̱nk a̱cuyum ut incꞌaꞌ ta̱canab xcꞌutbal lix ya̱lal chiruheb.

2 Corintios 5:20

Joꞌcan ut nak la̱o taklanbilo saꞌ xcꞌabaꞌ li Jesucristo. Li Dios naxtoꞌoni lix tzꞌu̱mal ke re nak ta̱a̱tinak e̱riqꞌuin. Saꞌ xcꞌabaꞌ li Jesucristo nakatzꞌa̱ma che̱ru nak checꞌamak e̱rib saꞌ usilal riqꞌuin li Dios.

Colosenses 1:23

Abanan tento nak texpa̱ba̱nk chi tzꞌakal ut cauhak e̱chꞌo̱l riqꞌuin li Dios saꞌ le̱ pa̱ba̱l. Me̱canab xyoꞌoninquil li yechiꞌinbil e̱re saꞌ xcꞌabaꞌ li colba-ib xban nak la̱ex ac nequenau nak saꞌ e̱cꞌabaꞌ quicam li Jesucristo. Ut li resil li ac xerabi la̱ex yo̱queb chirabinquil saꞌ chixjunil li ruchichꞌochꞌ. La̱in laj Pablo, tenebanbil saꞌ inbe̱n xyebal resilal li colba-ib.

Romanos 10:18

Ut la̱in ninye, ¿ma ya̱l ta biꞌ nak eb laj Israel incꞌaꞌ queꞌrabi chak resil junxil? Queꞌrabi. ¿Cꞌaꞌut nak incꞌaꞌ? Xban nak tzꞌi̱banbil chi joꞌcaꞌin saꞌ li Santil Hu: Saꞌ chixjunil li ruchichꞌochꞌ qui-el resil ut jun sut rubel choxa quicuulac li ra̱tineb. (Sal. 19:4)

Hechos 28:28

Joꞌcan nak chenauhak nak li resil li colba-ib li naxqꞌue li Dios quiqꞌueheꞌ reheb li ma̱cuaꞌeb aj judío. Aꞌan eb chic teꞌabi̱nk re, chan laj Pablo.

Hechos 18:6

Abanan eb aꞌan incꞌaꞌ queꞌcuulac chiru li yo̱ chixyebal laj Pablo. Queꞌoc chi majecua̱nc. Joꞌcan nak laj Pablo quixchikꞌchikꞌi li rakꞌ ut quixye reheb: —Cui la̱ex incꞌaꞌ texcolekꞌ, aꞌ yal e̱re. Saꞌ e̱be̱n la̱ex cuan li ma̱c. La̱in ma̱cꞌaꞌ inma̱c xban nak ac xinye e̱re lix ya̱lal. Chalen anakcuan la̱in tinchꞌolob xya̱lal reheb li ma̱cuaꞌeb aj judío, chan.

Salmos 98:3

Xban nak li Dios naxba̱nu li cꞌaꞌru naxye, quijulticoꞌ re lix rahom saꞌ xbe̱neb laj Israel. Chixjunileb li tenamit li cuanqueb jun sut rubel choxa queꞌril nak li Dios quixcoleb laj Israel chiruheb li xicꞌ nequeꞌiloc reheb.

2 Corintios 6:1

La̱o aj cꞌanjelo chiru li Dios ut aꞌan natenkꞌan ke chixchꞌolobanquil lix ya̱lal che̱ru. La̱ex li ac xecꞌul li rusilal li Dios. Nintzꞌa̱ma che̱ru nak incꞌaꞌ te̱canab chi ma̱cꞌaꞌ rajbal. Cheqꞌuehak ban xcuanquil.

Isaías 11:10

Ta̱cuulak xkꞌehil nak saꞌ xya̱nkeb li ralal xcꞌajol laj Isaí ta̱cꞌulu̱nk jun li ta̱takla̱nk. Ut aꞌanak jun etalil chiruheb li tenamit. Chixjunileb teꞌsicꞌok re. Ut li tenamit li ta̱cua̱nk cuiꞌ kꞌaxal lokꞌak.

Hechos 9:15

Ut li Ka̱cuaꞌ quixye re: —Ayu xban nak li cui̱nk aꞌan sicꞌbil ru inban re xyebal resil li colba-ib saꞌ incꞌabaꞌ la̱in reheb li cuanqueb saꞌ xcuanquil ut reheb ajcuiꞌ li ma̱cuaꞌeb aj judío joꞌqueb ajcuiꞌ li ralal xcꞌajol laj Israel.

San Mateo 21:43

Joꞌcan nak ninye e̱re nak lix nimajcual cuanquilal li Dios ta̱makꞌekꞌ che̱ru ut ta̱qꞌuehekꞌ re jalanil tenamit ut eb aꞌan chic li teꞌpa̱ba̱nk ut teꞌcua̱nk saꞌ ti̱quilal.

Isaías 27:13

Saꞌ eb li cutan aꞌan ta̱ya̱basi̱k chi cau li trompeta. Eb laj Israel li queꞌchapeꞌ ut queꞌcꞌameꞌ saꞌ eb li tenamit Asiria ut Egipto teꞌxchꞌutub ribeb ut teꞌxic Jerusalén ut teꞌxlokꞌoni li Ka̱cuaꞌ saꞌ lix santil tzu̱l.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Salmos 110:3

Nak la̱at cua̱nkat saꞌ la̱ cuanquil, eb la̱ tenamit teꞌxic saꞌ la̱ santil naꞌaj ut teꞌxyechiꞌi ribeb chi cꞌanjelac cha̱cuu. Li Dios tixqꞌue a̱metzꞌe̱u rajlal joꞌ nak natꞌaneꞌ li xchuꞌque rajlal ekꞌela. Ut chanchanakat jun li sa̱j cui̱nk.

Hechos 16:15

Quixcꞌul li cubi haꞌ rochbeneb chixjunileb li cuanqueb saꞌ rochoch, ut quixye ke: —Cui nequepa̱b nak la̱in xinpa̱b li Ka̱cuaꞌ chi anchal inchꞌo̱l, naru nequexcana chi hila̱nc saꞌ li cuochoch, chan ke. Ut quirelaji ku chi cana̱c.

San Lucas 24:29

Abanan eb aꞌan queꞌrelaji ru re ta̱cana̱k riqꞌuineb. Queꞌxye re: —Cana̱kat kiqꞌuin xban nak yo̱ chi ecuu̱c. Oc re li kꞌojyi̱n, chanqueb re. Ut li Jesús qui-oc saꞌ cab ut quicana riqꞌuineb.

San Mateo 5:41

Cui ani ta̱minok a̱cuu chixcꞌambal li ri̱k jun kilómetro, cꞌam cuibak kilómetro la̱at.

San Lucas 14:22

Co̱ li mo̱s ut quixba̱nu joꞌ quiyeheꞌ re. Nak quisukꞌi chak quixye re lix patrón: —Ka̱cuaꞌ, xinba̱nu joꞌ xaye cue ut toj cuan nabal li naꞌajej, chan.

San Lucas 14:24

La̱in ninye e̱re nak ma̱ jun reheb li bokbileb xbe̱n cua teꞌtzꞌako̱nk riqꞌuin li ninkꞌe li xinba̱nu, chan li patrón.