San Lucas 14:22 - Li Santil hu

²² Co̱ li mo̱s ut quixba̱nu joꞌ quiyeheꞌ re. Nak quisukꞌi chak quixye re lix patrón: —Ka̱cuaꞌ, xinba̱nu joꞌ xaye cue ut toj cuan nabal li naꞌajej, chan.

Q'eqchi Bible

²² Kixye li moosej: «Wa', ak x'uxmank li xataqla xb'aanunkil, ut toj wank na'ajej».

San Lucas 14:22 ပူးပေါင်းရင်းမြစ်များ

San Juan 14:2

Saꞌ rochoch lin Yucuaꞌ nabal li naꞌajej cuan. Cui ta ma̱cꞌaꞌ li naꞌajej, ac xinye raj e̱re. La̱in xic cue chixcauresinquil e̱naꞌaj.

1 Juan 2:2

Li Jesucristo quicam re xtojbal rix li kama̱c. Moco caꞌaj ta cuiꞌ xban li kama̱c la̱o. Quicam aj ban cuiꞌ re xtojbal rix xma̱queb chixjunileb li cuanqueb saꞌ ruchichꞌochꞌ.

Colosenses 2:9

Me̱qꞌue e̱rib chi balakꞌi̱c xbaneb aꞌan. Nakanau nak chixjunil lix lokꞌal li Dios ut lix cuanquil cuan riqꞌuin li Cristo. Lix lokꞌal ut lix cuanquilal quixcꞌutbesi nak quicꞌulun saꞌ ruchichꞌochꞌ.

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

Salmos 130:7

Ex aj Israel, chex-oybeni̱nk riqꞌuin li nimajcual Dios xban nak aꞌan na-uxta̱nan u ut aꞌan nacoloc chi tzꞌakal.

Salmos 103:6

Li Ka̱cuaꞌ aꞌan narakoc a̱tin saꞌ ti̱quilal ut naxcoleb li nequeꞌrahobtesi̱c.

San Lucas 14:21

Li mo̱s quisukꞌi riqꞌuin lix patrón ut quixye re li cꞌaꞌru queꞌxye li bokbileb. Quichal xjoskꞌil li patrón ut quixye re lix mo̱s: —Ayu saꞌ cꞌayil ut saꞌ eb li be ut ta̱bokeb li nebaꞌ, eb li tokol rok rukꞌeb, eb li ye̱k rokeb ut eb li mutzꞌ ut ta̱cꞌameb chak arin, chan.

San Lucas 14:23

Li patrón quixye re lix mo̱s: —Tatxic chire li tenamit ut saꞌ cꞌaleba̱l ut ta̱cuelaji chak ruheb chi cha̱lc saꞌ li ninkꞌe re nak ta̱nujak li cuochoch, chan.