San Lucas 14:13 - Li Santil hu

¹³ Nak ta̱ba̱nu junak li ninkꞌe, ta̱bok ajcuiꞌ eb li nebaꞌ ut eb li tokol rok rukꞌ, ut eb li ye̱k rok ut eb li mutzꞌ,

Q'eqchi Bible

¹³ Naq laa'at taab'aanu junaq xnimal wa'ak, b'oqeb' chaq li neb'a', li toqol, li yeq, li mutz',

San Lucas 14:13 ပူးပေါင်းရင်းမြစ်များ

San Lucas 14:21

Li mo̱s quisukꞌi riqꞌuin lix patrón ut quixye re li cꞌaꞌru queꞌxye li bokbileb. Quichal xjoskꞌil li patrón ut quixye re lix mo̱s: —Ayu saꞌ cꞌayil ut saꞌ eb li be ut ta̱bokeb li nebaꞌ, eb li tokol rok rukꞌeb, eb li ye̱k rokeb ut eb li mutzꞌ ut ta̱cꞌameb chak arin, chan.

Isaías 58:10

Cui la̱ex te̱qꞌue xcua rucꞌaheb li nebaꞌ ut te̱tenkꞌaheb li tenkꞌa̱c teꞌraj, li raylal ta̱sukꞌi̱k chokꞌ usilal chokꞌ e̱re. Chanchan nak li kꞌojyi̱n ta̱sukꞌisi̱k chokꞌ cutan.

Proverbios 14:31

Li ani naxba̱nu raylal re li nebaꞌ, xicꞌ naril li Dios li quiyi̱ban re. Abanan li ani natokꞌoban ru li nebaꞌ, aꞌan naxqꞌue xlokꞌal li Dios.

Isaías 58:7

Qꞌuehomakeb chi cuaꞌac li teꞌtzꞌoca̱k ut cꞌulumakeb saꞌ le̱ rochoch li ma̱cꞌaꞌ rochocheb. Qꞌuehomak rakꞌeb li ma̱cꞌaꞌ rakꞌeb ut tenkꞌahomakeb le̱ rechꞌalal.

Hebreos 13:2

Me̱kꞌetkꞌeti e̱rib chixcꞌulbal le̱ rulaꞌ. Checꞌuleb ban saꞌ usilal. Cuanqueb li queꞌxcꞌul li rulaꞌeb, abanan incꞌaꞌ nequeꞌxnau nak ángel li queꞌcuulac chi ulaꞌani̱nc reheb.

Nehemías 8:10

Ut queꞌxye ajcuiꞌ reheb: —Chenima ru li cutan aꞌin xban nak li cutan aꞌin kꞌaxal lokꞌ chiru li Ka̱cuaꞌ. Mirahoꞌ e̱chꞌo̱l. Tzacahomak li cha̱bil tzacae̱mk ut ucꞌumak li cha̱bil vino li quiꞌ ut qꞌuehomak xtzacae̱mk li ma̱cꞌaꞌ cuan reheb yi̱banbil. Ut chisahokꞌ taxak saꞌ e̱chꞌo̱l xban nak li sahil chꞌo̱lej li naxqꞌue li Ka̱cuaꞌ, aꞌan naxqꞌue xcacuil kachꞌo̱l.—

San Mateo 22:10

Ut co̱eb lix mo̱s saꞌ eb li be ut queꞌxcꞌameb saꞌ li ninkꞌe li joꞌ qꞌuial queꞌxtau, jun chaliqueb li cha̱bil xnaꞌleb joꞌ ajcuiꞌ li incꞌaꞌ useb xnaꞌleb. Ut quinujac li cab xbaneb li ulaꞌ.

Deuteronomio 16:14

Ta̱sahokꞌ saꞌ e̱chꞌo̱l la̱ex e̱rochben le̱ ralal e̱cꞌajol, eb le̱ mo̱s ixk ut eb le̱ mo̱s cui̱nk. Ut ta̱sahokꞌ ajcuiꞌ saꞌ xchꞌo̱leb laj levita, eb li jalaneb xtenamit li cuanqueb saꞌ le̱ naꞌaj, ut eb li ma̱cꞌaꞌ xnaꞌ xyucuaꞌ joꞌ eb ajcuiꞌ li xma̱lcaꞌan li cuanqueb saꞌ le̱ tenamit.

1 Timoteo 5:10

Tento ajcuiꞌ nak li xma̱lcaꞌan naꞌno̱k ru riqꞌuin li cha̱bilal ac xba̱nu. Ac xqꞌuiresiheb lix cocꞌal saꞌ xya̱lal. Quixcꞌul li rulaꞌ saꞌ xya̱lal nak queꞌcuulac saꞌ rochoch. Quixchꞌaj li rokeb li rech aj pa̱banelil. Quixtenkꞌaheb li yo̱queb chixcꞌulbal li raylal. Cui cha̱bil li cꞌanjel quixba̱nu, naru tixcꞌul lix tenkꞌanquil.

Deuteronomio 16:11

Ut ta̱sahokꞌ saꞌ e̱chꞌo̱l chiru li Ka̱cuaꞌ le̱ Dios saꞌ li naꞌajej li quixsicꞌ ru re te̱lokꞌoni cuiꞌ. Ta̱sahokꞌ saꞌ e̱chꞌo̱l la̱ex e̱rochben le̱ ralal e̱cꞌajol joꞌ eb ajcuiꞌ le̱ mo̱s ixk ut le̱ mo̱s cui̱nk. Ut ta̱sahokꞌ ajcuiꞌ saꞌ xchꞌo̱leb laj levita ut eb li jalaneb xtenamit li cuanqueb saꞌ e̱ya̱nk ut eb li ma̱cꞌaꞌ xnaꞌ xyucuaꞌ joꞌ eb ajcuiꞌ li xma̱lcaꞌan li cuanqueb saꞌ e̱ya̱nk.

Deuteronomio 14:29

Li tzacae̱mk aꞌin reheb laj levita xban nak incꞌaꞌ xeꞌxcꞌul lix chꞌochꞌeb. Ut reheb ajcuiꞌ li jalaneb xtenamit, li ma̱cꞌaꞌ xnaꞌ xyucuaꞌ ut reheb ajcuiꞌ li xma̱lcaꞌan li cuanqueb saꞌ le̱ tenamit. Eb aꞌan ta̱ru̱k teꞌtzaca̱nk toj ta̱cꞌojla̱k xchꞌo̱leb. Ut li Ka̱cuaꞌ le̱ Dios texrosobtesi re nak us tex-e̱lk riqꞌuin chixjunil li cꞌaꞌru te̱ba̱nu.

1 Timoteo 3:2

Abanan li ani naxcꞌoxla oc chokꞌ aj cꞌamol be, tento nak cua̱nk saꞌ xya̱lal re nak ma̱ ani ta̱a̱tinak chirix. Junak ajcuiꞌ li rixakil. Ma̱cuaꞌak aj calajenak. Tento nak se̱bak xchꞌo̱l ut cha̱bilak xnaꞌleb re nak qꞌuebilak xlokꞌal. Aꞌanak aj qꞌuehol ochochna̱l ut chixqꞌuehak xchꞌo̱l chixcꞌutbal lix ya̱lal chi tzꞌakal re ru.

Li xHu LAJ JOB 29:13

La̱in xintenkꞌaheb li cuanqueb saꞌ raylal, ut eb aꞌan nequeꞌxtzꞌa̱ma usilal saꞌ inbe̱n. Ut ninqꞌueheb ajcuiꞌ xsahil xchꞌo̱leb li xma̱lcaꞌan xban nak nintenkꞌaheb.

Nehemías 8:12

Ut chixjunileb li tenamit queꞌxninkꞌei ru li cutan. Queꞌco̱eb chi cuaꞌac ut chi ucꞌac ut queꞌxqꞌue ajcuiꞌ xcuaheb li ma̱cꞌaꞌ cuan reheb. Ut cꞌajoꞌ nak queꞌsahoꞌ saꞌ xchꞌo̱leb xban nak queꞌxtau ru li a̱tin li quiyeheꞌ saꞌ xxiqueb.

2 Crónicas 30:24

Li rey Ezequías quixsi reheb li tenamit jun mil li bo̱yx ut cuukub mil li carner re teꞌxmayeja. Ut eb li cuanqueb xcuanquil queꞌxsi jun mil li bo̱yx ut laje̱b mil li carner. Ut nabaleb laj tij queꞌxsantobresi ribeb.

2 Samuel 6:19

Ut laj David quixjeqꞌui li tzacae̱mk reheb li tenamit. Quixqꞌue li caxlan cua, li pombil tib ut li chaki uvas reheb li junju̱nk chi aj Israel, joꞌ ixk, joꞌ cui̱nk. Ut chixjunileb queꞌco̱eb saꞌ rochocheb.

Tito 1:8

Junak aj cꞌanjel chiru li Dios naxcꞌuleb li rulaꞌ chi sa saꞌ xchꞌo̱l ut nasahoꞌ ajcuiꞌ saꞌ xchꞌo̱l riqꞌuineb li nequeꞌba̱nun re li us. Laj cꞌanjel chiru li Dios toj naxcꞌoxla chi us li cꞌaꞌru naxba̱nu ut junelic cua̱nk saꞌ usilal riqꞌuineb li ras ri̱tzꞌin. Ti̱c xchꞌo̱l ut naxcuy xnumsinquil li raylal ut li a̱le̱c.

Filemón 1:7

At inherma̱n, cꞌajoꞌ nak nasahoꞌ ut nacꞌojla inchꞌo̱l nak xcuabi resil chanru nak nacaraheb laj pa̱banel ut nacaqꞌue xcacuilal xchꞌo̱leb.

Hechos 9:39

Laj Pedro co̱ rochbeneb. Nak quicuulac, queꞌxcꞌam saꞌ li naꞌajej li cuan cuiꞌ li camenak. Aran quisuteꞌ xbaneb li xma̱lcaꞌan. Yo̱queb chi ya̱bac ut queꞌxcꞌut chiru li tꞌicr li quixyi̱b lix Dorcas nak toj cuan saꞌ xya̱nkeb.

San Lucas 11:41

Me̱rahi ru li cꞌaꞌru re jalan. Chesihak ban li cꞌaꞌru cuan e̱re reheb li nebaꞌ. Cui te̱ba̱nu chi joꞌcan cha̱bilakex chic chiru li Dios, chan.

Proverbios 22:9

Li ani natokꞌoban u ta̱osobtesi̱k xban nak tixqꞌueheb xtzacae̱mk li ma̱cꞌaꞌ cuan reheb.

San Mateo 15:30

Ut queꞌcuulac li qꞌuila tenamit riqꞌuin. Cuanqueb nabal li yaj li queꞌcꞌameꞌ riqꞌuin. Cuanqueb li ye̱k rok, cuanqueb li mutzꞌ, cuanqueb li mem ut li tokol rukꞌeb, ut cuanqueb ajcuiꞌ nabaleb li yaj rochbeneb. Ut coleꞌqꞌuehekꞌ chiru li Jesús ut aꞌ yal cꞌaꞌru lix yajel li junju̱nk, li Jesús quixqꞌuirtesiheb.

San Lucas 14:12

Ut quixye ajcuiꞌ li Jesús re laj e̱chal cab: —Nak tatqꞌuehok chi tzaca̱nc, malaj ut ta̱ba̱nu junak ninkꞌe, moco caꞌaj cuiꞌ ta la̱ cuami̱g ta̱bokeb, chi moco caꞌaj cuiꞌ eb la̱ cuas ut eb la̱ cui̱tzꞌin, chi moco caꞌaj cuiꞌ la̱ cuechꞌalal, chi moco caꞌaj cuiꞌ la̱ cuech cabal li biomeb, xban nak eb aꞌan naru teꞌxba̱nu ajcuiꞌ jun ninkꞌe ut tateꞌxbok ut teꞌxqꞌue re̱kaj cha̱cuu.

San Lucas 14:14

xban nak eb aꞌan incꞌaꞌ ta̱ru̱k teꞌxqꞌue re̱kaj a̱cue. Abanan li Dios tatrosobtesi ut tixqꞌue re̱kaj a̱cue nak teꞌcuacli̱k cuiꞌchic chi yoꞌyo li ti̱queb xchꞌo̱l, chan li Jesús re.