San Lucas 13:6 - Li Santil hu

⁶ Quixye ajcuiꞌ li jaljo̱quil ru a̱tin aꞌin reheb: —Jun li cui̱nk cuan jun to̱n xhigo aubil saꞌ lix chꞌochꞌ. Ut quichal chixsicꞌbal li ru, abanan ma̱cꞌaꞌ quixtau.

Q'eqchi Bible

⁶ Ut kixye li jaljookil ru aatin a'in: “Jun li winq wank jun toon x'iig awb'il sa' li xch'och'. Kichalk chi xsik'b'al li ru, ab'anan maak'a' kixtaw.

San Lucas 13:6 ပူးပေါင်းရင်းမြစ်များ

San Juan 15:16

Ma̱cuaꞌ la̱ex xexsicꞌoc cuu la̱in. La̱in ban xinsicꞌoc e̱ru la̱ex ut xexinxakab chixba̱nunquil li ti̱quilal. Le̱ ti̱quilal incꞌaꞌ ta̱osokꞌ. Ta̱cua̱nk ban chi junelic. Ut lin Yucuaꞌ tixqꞌue e̱re chixjunil li te̱tzꞌa̱ma saꞌ incꞌabaꞌ la̱in.

Gálatas 5:22

Abanan li cꞌaꞌru naxqꞌue li Santil Musikꞌej saꞌ li kayuꞌam, aꞌan li rahoc, sahil chꞌo̱lejil, tuktu̱quil usilal, cuyuc, cha̱bilal, usilal, ti̱quil chꞌo̱lej,

Jeremías 2:21

La̱in xinsicꞌ e̱ru ut xexinqꞌue chi cua̱nc saꞌ le̱ naꞌaj. Chanchan nak nasiqꞌueꞌ ru li cha̱bil iyaj ut na-aueꞌ. ¿Chanru nak xejal e̱naꞌleb? Chanchanex chic li acui̱mk li ma̱cꞌaꞌ na-oc cuiꞌ.

Filipenses 4:17

Incꞌaꞌ yo̱quin xtzꞌa̱manquil intenkꞌanquil e̱re. Li nacuaj la̱in, aꞌan aꞌin: nak te̱cꞌul le̱ kꞌajca̱munquil li tixqꞌue e̱re li Dios xban nak nequextenkꞌan.

Jeremías 8:13

La̱in tinsach ruheb lin tenamit chi junaj cua. Chanchanakeb chic li xto̱nal li uvas ut li higos li incꞌaꞌ nau̱chin, li chaki lix xak. Ut li cꞌaꞌru quinqꞌue reheb ta̱isi̱k chiruheb.

San Lucas 3:9

Qꞌuehomak retal xban nak cha̱lc re li rakba a̱tin saꞌ e̱be̱n joꞌ nak ac cauresinbil li ma̱l re xyocꞌbal lix xeꞌ li cheꞌ. Ut chixjunil li cheꞌ incꞌaꞌ cha̱bil li ru naxqꞌue, nayocꞌman ut naqꞌueman saꞌ xam, chan laj Juan.

San Lucas 13:5

La̱in ninye e̱re nak incꞌaꞌ. Ut cui la̱ex incꞌaꞌ te̱yotꞌ e̱chꞌo̱l ut te̱jal e̱cꞌaꞌux, tex-osokꞌ ajcuiꞌ la̱ex, chan li Jesús.

Jueces 9:11

Ut li cheꞌ higo quixye reheb: —La̱in incꞌaꞌ naru nincanab ru̱chininquil li quiꞌil kꞌe̱n kꞌaxal cha̱bil yal re nak tincꞌanjelak chokꞌ e̱rey la̱ex, chan.