San Lucas 13:33 - Li Santil hu

³³ Abanan tento nak yo̱kin chi xic anakcuan, cuulaj, ut caꞌbej. Tento tincuulak Jerusalén re nak tincamsi̱k aran xban nak incꞌaꞌ naru ta̱camsi̱k junak profeta saꞌ jalan naꞌajej. Tento nak aran Jerusalén tincamsi̱k, chaꞌkex re.

Q'eqchi Bible

³³ Ab'anan tento naq chiru li kutan a'in jo' ajwi' wulaj ut kab'ej yooqin chi xik, xb'aan naq ink'a' naru taakamq junaq propeet chi ink'a' ta Jerusalén.

San Lucas 13:33 ပူးပေါင်းရင်းမြစ်များ

San Lucas 9:53

Abanan li cuanqueb saꞌ li tenamit aꞌan incꞌaꞌ queꞌraj xcꞌulbal li Jesús xban nak queꞌxqꞌue retal nak yo̱ chi xic Jerusalén.

San Mateo 21:11

Ut eb li tenamit li yo̱queb chi xic chirix yo̱queb chixyebal: —Aꞌan aꞌin li Jesús li profeta, aj Nazaret re Galilea, chanqueb.

Hechos 13:27

Li cuanqueb Jerusalén ut eb li nequeꞌtaklan saꞌ xbe̱neb li tenamit incꞌaꞌ queꞌxtau ru li queꞌxye eb li profeta. Incꞌaꞌ queꞌxnau nak li Jesús, aꞌan laj Colonel. Abanan nak queꞌxkꞌaxtesi chi ca̱mc li Jesús, quitzꞌakloc ru li a̱tin li queꞌxye li profeta, li na-ileꞌ chiruheb rajlal saꞌ li hiloba̱l cutan.

San Mateo 20:18

—Qꞌuehomak retal li cꞌaꞌru ta̱cꞌulma̱nk. Anakcuan yo̱co chi xic Jerusalén bar cuiꞌ tinkꞌaxtesi̱k la̱in li Cꞌajolbej saꞌ rukꞌeb li xbe̱nil aj tij joꞌ ajcuiꞌ saꞌ rukꞌeb laj tzꞌi̱b. Eb aꞌan teꞌxteneb ca̱mc saꞌ inbe̱n.

San Juan 11:54

Xban nak queꞌraj xcamsinquil li Jesús, incꞌaꞌ chic quiraj xcꞌutbal rib chiruheb laj judío. Qui-el aran ut co̱ saꞌ li tenamit Efraín li cuan nachꞌ riqꞌuin li chaki chꞌochꞌ. Ut aran quicana rochbeneb lix tzolom.

San Juan 9:4

Tento nak tinse̱ba cuib chixba̱nunquil li cꞌaꞌru naraj li Dios li xtaklan chak cue. Anakcuan xcutanquil xba̱nunquil xban nak ta̱cuulak xkꞌehil nak ma̱ ani chic ta̱ru̱k ta̱cꞌanjelak.

San Juan 4:34

Li Jesús quixye reheb: —La̱in nasahoꞌ inchꞌo̱l nak ninba̱nu li cꞌaꞌru naraj li quitaklan chak cue ut tinchoy xba̱nunquil lix cꞌanjel. Aꞌan ru̱chil li cua chokꞌ cue la̱in, chan.

Hechos 10:38

Ac e̱rabiom resil li Jesucristo aj Nazaret. Li Dios quixqꞌue li Santil Musikꞌej re, ut quixqꞌue xcuanquil. Aꞌan quibe̱c yalak bar chixba̱nunquil li usilal ut chixqꞌuirtesinquileb li tacuasinbileb xban laj tza xban nak li Dios cuan riqꞌuin.

San Juan 12:35

Quichakꞌoc li Jesús ut quixye reheb: —La̱in li cutan saken. Xinchal chixchꞌolobanquil lix ya̱lal che̱ru. Toj tincua̱nk chic caꞌchꞌinak saꞌ e̱ya̱nk. Joꞌcan nak qꞌuehomak e̱chꞌo̱l chinpa̱banquil nak toj cuanquin saꞌ e̱ya̱nk re nak incꞌaꞌ texcua̱nk saꞌ xkꞌojyi̱nal ru li ma̱c. Li ani nacuan saꞌ xkꞌojyi̱nal ru li ma̱c incꞌaꞌ naxnau bar yo̱ chi xic.

San Juan 11:9

Li Jesús quixye reheb: —¿Ma incꞌaꞌ ta biꞌ cablaju o̱r ru li jun cutan? Li ani nabe̱c chi cutan incꞌaꞌ naxtich rib xban nak cutan.