San Lucas 13:32 - Li Santil hu

³² Li Jesús quixye reheb: —Ayukex ut yehomak re laj Herodes li chanchan yac nak anakcuan ut cuulaj la̱in yo̱kin chi isi̱nc ma̱us aj musikꞌej ut yo̱kin chi qꞌuirtesi̱nc. Ut saꞌ rox li cutan tinchoy lin cꞌanjel.

Q'eqchi Bible

³² Ut a'an kixye reheb': —Ayuqex chi xyeeb'al re li xk'aji winq a'an: «Laa'in nin'isink maa'usej musiq'ej ut nink'irtasink chiru li kutan a'in ut wulaj; ut sa' rox li kutan tz'aqlojenaqaq ru link'anjel».

San Lucas 13:32 ပူးပေါင်းရင်းမြစ်များ

Hebreos 2:10

Riqꞌuin xcꞌulbal li raylal, li Jesucristo quitzꞌakobresi̱c ru chiru li Dios. Li Ka̱cuaꞌ Dios quiyi̱ban re chixjunil li cꞌaꞌak re ru. Xban aꞌan nak aꞌ li Dios yal re saꞌ xbe̱n. Joꞌcan nak quixtakla chak li Jesucristo chi xcꞌulbal li raylal ut quicam re xtojbal rix li kama̱c. Ut aꞌan ajcuiꞌ laj cꞌamol be chiruheb li ralal xcꞌajol li teꞌtzꞌako̱nk saꞌ lix lokꞌal.

Hebreos 5:9

Riqꞌuin li raylal li quixcꞌul li Jesucristo quitzꞌakobresi̱c ru chi cꞌanjelac chokꞌ xyucuaꞌil aj tij. Ut saꞌ xcꞌabaꞌ aꞌan cuan li colba-ib chi junelic reheb li teꞌpa̱ba̱nk re.

Hebreos 7:28

Joꞌ tzꞌi̱banbil saꞌ li chakꞌrab najter, eb li xakabanbil chokꞌ xyucuaꞌil aj tij, aꞌan yal cui̱nkeb. Abanan mokon, nak quisacheꞌ xcuanquil li chakꞌrab, li Dios quixxakab riqꞌuin juramento li Ralal chokꞌ xyucuaꞌil aj tij. Riqꞌuin ut aꞌan li Jesucristo tzꞌakal re ru chi cꞌanjelac chi junelic.

San Juan 10:32

Li Jesús quixye reheb: —Nabal li cha̱bilal xinba̱nu che̱ru joꞌ quicꞌutbesi̱c chicuu xban lin Yucuaꞌ. ¿Bar cuan reheb li cha̱bil cꞌanjel aꞌin li xinba̱nu tine̱cuti cuiꞌ chi pec? chan.

San Marcos 6:14

Li tenamit yo̱queb chixserakꞌinquil li milagro yo̱ chixba̱nunquil li Jesús. Nak quirabi aꞌan, li rey Herodes quixye: —Aꞌan laj Juan laj Cubsihom Haꞌ. Xcuacli cuiꞌchic chi yoꞌyo saꞌ xya̱nkeb li camenak. Joꞌcan nak cuan xcuanquil chixba̱nunquil li milagro, chan.

Sofonías 3:3

Eb laj cꞌamol be saꞌ li tenamit chanchaneb li joskꞌ aj cakcoj li teꞌtzꞌoca̱k. Ut eb li nequeꞌrakoc a̱tin saꞌ xbe̱neb li tenamit, chanchaneb laj xoj li nequeꞌbe̱c chi kꞌek chixsicꞌbal li cꞌaꞌru teꞌxtiu ut nak nequeꞌxtau, nequeꞌxchoy chi junaj cua. Chi moco li bak nequeꞌxcanab bayak re cuulaj.

Ezequiel 13:4

Ex aj Israel, eb le̱ profeta chanchaneb li yac li nequeꞌcuan saꞌ li chaki chꞌochꞌ. Ma̱cꞌaꞌ nequeꞌoc cuiꞌ.

San Juan 19:30

Li Jesús quirucꞌ li vinagre ut quixye: —Anakcuan xtzꞌakloc ru chixjunil.— Quixxulub lix jolom ut quicam.

Cantares 2:15

Me̱qꞌueheb xlese̱ns li nequeꞌajoc xpoꞌbal ru li karahom. Eb aꞌan chanchaneb li cocꞌ yac li nequeꞌxpoꞌ li acui̱mk uvas li yo̱queb chi u̱chi̱nc.