San Lucas 13:25 - Li Santil hu

²⁵ Nak acak xtzꞌap li oqueba̱l laj e̱chal re li cab, la̱ex texcana̱k chirix cab ut te̱tochꞌ raj chic li puerta ut te̱ye, “Ka̱cuaꞌ, Ka̱cuaꞌ, te li puerta chiku”, chaꞌkex. Abanan aꞌan ta̱chakꞌok ut tixye e̱re, “Incꞌaꞌ ninnau e̱ru bar xexchal chak”, chaꞌak.

Q'eqchi Bible

²⁵ Naq taaxaqliiq chaq laj eechal kab'l ut toxtz'ap li okeb'aal, laa'ex li wanqex chirix kab'l teetikib' b'oqok sa' li okeb'aal: «Qaawa', te li kab'l chiqu», cha'qex. Ut a'an taachaq'oq chaq ut tixye eere: «Ink'a' ninnaw eeru b'ar chalenaqex».

San Lucas 13:25 ပူးပေါင်းရင်းမြစ်များ

San Lucas 13:27

Ut laj e̱chal cab tixye cuiꞌchic e̱re, “Ninye e̱re nak incꞌaꞌ ninnau bar xexchal chak. Elenkex chicuu, la̱ex aj ba̱nuhom ma̱usilal”, chaꞌak.

San Lucas 6:46

¿Cꞌaꞌut nak nequeye, “Ka̱cuaꞌ, Ka̱cuaꞌ” cue cui incꞌaꞌ nequeba̱nu li cꞌaꞌru ninye?

San Mateo 25:41

Tojoꞌnak la̱in li Rey tinye reheb li cuanqueb saꞌ lin tzꞌe: “Elenkex chicuu. Tzꞌekta̱nanbilex saꞌ li xam li ma̱ jokꞌe ta̱chupk cꞌu̱banbil chak chokꞌ re laj tza ut reheb ajcuiꞌ lix ángel.

Isaías 55:6

Sicꞌomak li Ka̱cuaꞌ nak toj naru xtaubal. Cheya̱ba lix cꞌabaꞌ nak toj naru texrabi.

Hebreos 12:17

La̱ex nequenau nak mokon quixrahi raj cuiꞌchic xcꞌulbal li rosobtesinquil laj Esaú riqꞌuin lix yucuaꞌ. Abanan incꞌaꞌ chic quiru xban nak ac quixtzꞌekta̱na. Ta̱ya̱bak nak quixtzꞌa̱ma cuiꞌchic, aban incꞌaꞌ chic quiru. Ma̱cꞌaꞌ chic xjalenquil.

2 Corintios 6:2

Joꞌcaꞌin tzꞌi̱banbil saꞌ li Santil Hu: Nak xcuulac xkꞌehil, xaya̱ba incꞌabaꞌ ut xatcuabi. Saꞌ xkꞌehil xcꞌulbal li colba-ib, xatintenkꞌa, chan li Dios. (Isa. 49:8) Joꞌcan nak la̱in ninye e̱re nak anakcuan xkꞌehil xcꞌulbal li rusilal li Dios. Anakcuan ajcuiꞌ naru texcolekꞌ.

Salmos 32:6

Li ti̱queb xchꞌo̱l teꞌxtzꞌa̱ma xtenkꞌanquil cha̱cuu nak cuanqueb saꞌ li raylal. Chanchan li butꞌ nak nachal li raylal saꞌ xbe̱neb. Abanan la̱at ta̱tenkꞌaheb re nak incꞌaꞌ teꞌchꞌina̱nk xchꞌo̱leb xban li raylal.

Génesis 7:16

Queꞌoc ju̱nk sumal li xul aꞌ yal cꞌaꞌru chi xulil joꞌ quiyeheꞌ re laj Noé xban li Dios. Ut nak xeꞌoc chixjunileb, li Dios quixtzꞌap li oqueba̱l re li jucub.

San Lucas 3:8

Cheba̱nuhak ban li us re nak ta̱cꞌutu̱nk nak xyotꞌeꞌ e̱chꞌo̱l ut xejal e̱cꞌaꞌux. Chanchanakex li cheꞌ cha̱bil li ru naxqꞌue. Me̱cꞌoxla nak incꞌaꞌ te̱cꞌul xjoskꞌil li Dios yal xban nak la̱ex li ralal xcꞌajol laj Abraham. La̱in tinye e̱re nak li Dios ta̱ru̱k tixyoꞌobtesi li pec aꞌin chokꞌ ralal xcꞌajol laj Abraham.