San Lucas 13:24 - Li Santil hu

²⁴ Li Jesús quichakꞌoc ut quixye: —Joꞌcan nak qꞌuehomak e̱chꞌo̱l chi oc saꞌ li oqueba̱l li caꞌchꞌin ru. Nabaleb raj li teꞌraj oc, abanan incꞌaꞌ teꞌru̱k chi oc.

Q'eqchi Bible

²⁴ Kixye li Jesus reheb': “Cheyal eeq'e chi ok sa' li okeb'aal kach'in ru, xb'aan naq ninye eere naq naab'aleb' li te'yaloq raj ok ut ink'a' te'ruuq.

San Lucas 13:24 ပူးပေါင်းရင်းမြစ်များ

2 Pedro 1:10

Riqꞌuin ut aꞌin ex herma̱n, cheqꞌue taxak e̱chꞌo̱l chixtaubal ru nak bokbilex ut sicꞌbil e̱ru xban li Dios. Cui nequeqꞌue retal aꞌin incꞌaꞌ chic texma̱cobk.

Hebreos 4:11

Chikaqꞌuehak kachꞌo̱l chixpa̱banquil li Dios re nak to-oc chi hila̱nc riqꞌuin. Ma̱ ani taxak ke incꞌaꞌ ta̱oc xban xkꞌetba a̱tin joꞌ queꞌxba̱nu chak junxil nak incꞌaꞌ queꞌpa̱ban.

San Lucas 21:36

Joꞌcan ut yoꞌon cua̱nkex ut junelic chextijok re nak cauhak e̱chꞌo̱l chixcuybal xnumsinquil li raylal li ta̱cha̱lk saꞌ e̱be̱n, ut re nak ta̱ru̱k texcuulak cuiqꞌuin la̱in li Cꞌajolbej, chan li Jesús.

Ezequiel 33:31

Lin tenamit teꞌcuulak a̱cuiqꞌuin chirabinquil li cꞌaꞌru ta̱ye joꞌ cꞌaynakeb xba̱nunquil. Teꞌrabi li cꞌaꞌru ta̱ye, abanan incꞌaꞌ teꞌxba̱nu. Yal chi xtzꞌu̱mal reheb teꞌxye nak us la̱ cua̱tin, abanan saꞌ xchꞌo̱leb caꞌaj cuiꞌ li reheb aꞌan teꞌxcꞌoxla.

San Juan 6:27

Mixic e̱chꞌo̱l caꞌaj cuiꞌ riqꞌuin xsicꞌbal li tzacae̱mk li na-osoꞌ. Cheqꞌuehak ban e̱chꞌo̱l chixsicꞌbal li tzacae̱mk li incꞌaꞌ nalaj na-osoꞌ. Aꞌan li junelic yuꞌam li ninqꞌue la̱in li Cꞌajolbej. Aꞌan aj e nak quixqꞌue incuanquil ut quinixtakla chak li Yucuaꞌbej, chan li Jesús.

Proverbios 21:25

Li ani incꞌaꞌ nequeꞌcꞌanjelac nequeꞌcam. Xban nak incꞌaꞌ nequeꞌcꞌanjelac, incꞌaꞌ nequeꞌxtzaca li cꞌaꞌru nequeꞌxrahi ru.

Romanos 10:3

Ut incꞌaꞌ nequeꞌxnau chanru nak nati̱coꞌ li kachꞌo̱l chiru li Dios. Queꞌxyal xti̱cobresinquil xchꞌo̱leb chiru li Dios yal xjuneseb rib. Ut incꞌaꞌ queꞌraj xba̱nunquil li yebil xban li Dios.

Colosenses 1:29

Joꞌcan nak ninyal inkꞌe chi cꞌanjelac chi anchal inchꞌo̱l ut li Cristo naqꞌuehoc incacuilal chixba̱nunquil lin cꞌanjel chiru li Dios.

San Juan 7:34

Tine̱sicꞌ ut incꞌaꞌ tine̱tau xban nak bar cua̱nkin la̱in, la̱ex incꞌaꞌ texru̱k chi xic, chan.

Eclesiastés 10:15

Li ani ma̱cꞌaꞌ xnaꞌleb naxcamsi rib chi cꞌanjelac chi ma̱cꞌaꞌ aj e ut incꞌaꞌ naxnau bar ta̱xic mokon.

San Juan 8:21

Ut li Jesús quixye cuiꞌchic reheb: —La̱in tinxic. Tine̱sicꞌ raj chic abanan incꞌaꞌ tine̱tau xban nak incꞌaꞌ ta̱ru̱k texxic bar tinxic cuiꞌ la̱in. Texca̱mk ban saꞌ le̱ ma̱c, chan.

Isaías 1:15

Incꞌaꞌ chic nacuaj rilbal nak te̱taksi le̱ rukꞌ chi tijoc. Usta qꞌuila sut nequextijoc, abanan la̱in incꞌaꞌ chic tincuabi xban nak la̱ex aj camsinel.

San Mateo 11:12

Chalen chak nak quixtiquib xchꞌolobanquil xya̱lal laj Juan laj Cubsihom Haꞌ ut toj anakcuan cuanqueb li nequeꞌxyal xxakabanquil lix nimajcual cuanquilal li Dios, yal xjuneseb, ut queꞌraj xba̱nunquil saꞌ junpa̱t usta riqꞌuin raylal ta̱uxma̱nk.

Proverbios 14:6

Li ani incꞌaꞌ naxtau xya̱lal naxsicꞌ lix naꞌleb, abanan incꞌaꞌ naxtau. Li ani se̱b xchꞌo̱l moco chꞌaꞌaj ta chokꞌ re xtaubal xnaꞌleb.

San Juan 13:33

Ex cualal incꞌajol, incꞌaꞌ chic najt tincua̱nk e̱riqꞌuin. La̱ex tine̱sicꞌ raj chic. Abanan la̱in ma̱ anihakin chic. Ninye e̱re joꞌ quinye reheb laj judío li nequeꞌtaklan saꞌ e̱ya̱nk. Bar tinxic la̱in, la̱ex incꞌaꞌ texru̱k chi xic.

San Lucas 13:23

Jun reheb li cuanqueb aran quixye re: —At Ka̱cuaꞌ, ¿ma ya̱l nak incꞌaꞌ qꞌuiheb li teꞌcolekꞌ? chan re.

Josué 7:3

Ut nak queꞌsukꞌi chak queꞌxye re laj Josué: —Incꞌaꞌ tento nak ta̱taklaheb nabaleb li soldado chi pletic. Incꞌaꞌ naru ta̱lubtesiheb li soldado chi ma̱cꞌaꞌ rajbal. Ma̱re cuib mil malaj oxib mil ajcuiꞌ teꞌxic chi pletic. Tzꞌakal riqꞌuin aꞌan xban nak incꞌaꞌ qꞌuiheb li yo̱queb chi iloc re li tenamit Hai, chanqueb.

San Juan 5:4

Jun x-ángel li Ka̱cuaꞌ nacube chak saꞌ choxa yalak jokꞌe ut narecꞌasi li haꞌ. Li ani xbe̱n cua na-oc chi saꞌ nak ac x-ecꞌasi̱c li haꞌ, li jun aꞌan naqꞌuira aꞌ yal cꞌaꞌru xyajel.