San Lucas 13:19 - Li Santil hu

¹⁹ Lix nimajcual cuanquilal li Dios, aꞌan chanchan riyajil li mostaza, li quixcꞌam jun li cui̱nk ut quirau saꞌ lix chꞌochꞌ. Ut quimok ut quiniman chi us. Nimla cheꞌ quicuulac. Ut laj xicꞌanel xul nequeꞌxyi̱b xsoqueb saꞌ eb li rukꞌ.—

Q'eqchi Bible

¹⁹ Chanchan jun t'orol li mostaas. Jun li winq kixokok re ut kiraw sa' xyanq li rawimq. Kik'iik, kiche'ok, ut eb' li xul li neke'rupupik chiru choxa ke'sukub'k sa'eb' li ruq'”.

San Lucas 13:19 ပူးပေါင်းရင်းမြစ်များ

Daniel 4:12

Cꞌajoꞌ xchꞌinaꞌusal lix xak ut kꞌaxal nabal li ru. Tzꞌakal re teꞌtzaca̱nk chixjunileb li cuanqueb saꞌ ruchichꞌochꞌ. Eb li xul saꞌ qꞌuicheꞌ queꞌhilan saꞌ lix mu ut eb li cocꞌ xul li nequeꞌrupupic queꞌxyi̱b lix soc saꞌ eb li rukꞌ. Ut chixjunileb queꞌxtzaca li ru.

Daniel 4:21

Cꞌajoꞌ xchꞌinaꞌusal lix xak. Ut nabal li ru. Tzꞌakal re teꞌtzaca̱nk chixjunileb li cuanqueb saꞌ ruchichꞌochꞌ. Li xul saꞌ qꞌuicheꞌ nequeꞌhilan rubel li cheꞌ ut eb li xul li nequeꞌrupupic queꞌxyi̱b lix soc saꞌ eb li rukꞌ.

Hechos 4:4

Abanan nabaleb li queꞌpa̱ban re li a̱tin li yo̱queb chixyebal laj Pedro ut laj Juan. Cuanqueb na o̱bak mil li cui̱nk li queꞌpa̱ban.

Hechos 2:41

Ut chixjunileb li queꞌpa̱ban re li ra̱tin queꞌcubsi̱c xhaꞌ. Oxib mil tana li queꞌpa̱ban saꞌ li cutan aꞌan ut queꞌoc chokꞌ xcomoneb.

Zacarías 2:11

Saꞌ eb li cutan aꞌan nabalakeb li tenamit teꞌpa̱ba̱nk re li Ka̱cuaꞌ. Ut aꞌan tixye: —Aꞌanakeb ajcuiꞌ lin tenamit. Ut la̱in tincua̱nk riqꞌuineb, chaꞌak li Ka̱cuaꞌ. Ut la̱ex te̱nau nak li nimajcual Dios, aꞌan li quitaklan chak cue.

Ezequiel 31:6

Qꞌuila pa̱y ru laj xicꞌanel xul queꞌxyi̱b lix soc saꞌ eb li rukꞌ. Saꞌ li xmu li cheꞌ aꞌan queꞌyoꞌla raleb li joskꞌ aj xul. Ut nabaleb li xni̱nkal ru tenamit queꞌhilan saꞌ lix mu.

Isaías 9:7

Ta̱nima̱k lix nimajcual cuanquilal ut li tuktu̱quil usilal ma̱cꞌaꞌak rosoꞌjic. Ta̱cꞌojla̱k saꞌ xcꞌojariba̱l laj David ut tixxakab lix cuanquil saꞌ xya̱lal ut saꞌ ti̱quilal chalen anakcuan ut chi junelic. Li nimajcual Dios tixba̱nu chi joꞌcaꞌin xban nak joꞌcan quiraj.

Hechos 21:20

Nak queꞌrabi aꞌin queꞌxbantioxi chiru li Dios. Ut queꞌxye re laj Pablo: —La̱at nacacuil, at herma̱n, jarub mil eb laj judío ac xeꞌpa̱ban. Ut chixjunileb aꞌan nequeꞌxqꞌue xchꞌo̱l chixba̱nunquil li naxye li chakꞌrab.

San Mateo 17:20

Ut li Jesús quixye reheb: —Incꞌaꞌ xexru xban nak incꞌaꞌ nequexpa̱ban chi tzꞌakal. Relic chi ya̱l tinye e̱re nak cuan taxak caꞌchꞌinak le̱ pa̱ba̱l chanchan xnimal ru jun chꞌina riyajil mostaza, te̱ye raj re li tzu̱l aꞌin, “Elen arin, kꞌaxon leꞌ” ut ta̱kꞌaxo̱nk raj. Ut ma̱cꞌaꞌ raj cꞌaꞌru incꞌaꞌ ta̱ru̱k te̱ba̱nu.

Isaías 58:11

La̱in tinberesi̱nk e̱re ut tintenkꞌa̱nk e̱re. Chanchan nak naxqꞌue li hab saꞌ li tikcual chꞌochꞌ. Tinqꞌue e̱cacuilal. Chanchanakex li acui̱mk saꞌ li cha̱bil chꞌochꞌ li incꞌaꞌ napaltoꞌ cuiꞌ li haꞌ. Chanchanakex li yuꞌam haꞌ li incꞌaꞌ nachakic.

Isaías 53:10

Li Dios ac cuan saꞌ xchꞌo̱l nak ta̱rahobtesi̱k ut quixqꞌue chi cꞌuluc raylal. Quicam re xcuybal xsachbal li kama̱c. Ta̱najtokꞌ rok lix yuꞌam ut ta̱rileb ru li ralal xcꞌajol. Ut saꞌ xcꞌabaꞌ aꞌan ta̱tzꞌaklok ru li cꞌaꞌru quiraj li Dios.

Cantares 6:2

Li cui̱nk li ninra xco̱ saꞌ xnaꞌaj li racui̱mk. Xco̱ saꞌ li naꞌajej li cꞌajoꞌ xsununcal. Co̱ chirilbaleb lix queto̱mk ut chixsicꞌbaleb li utzꞌuꞌuj.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

Romanos 15:19

Xinjultica resil li Jesucristo chiruheb riqꞌuin li milagros ut li sachba chꞌo̱lej ut riqꞌuin xcuanquil li Santil Musikꞌej. Yalak bar quinbeni xyebal resil li colba-ib. Quintiquib Jerusalén, ut quinsuti chixjunileb li naꞌajej toj retal quincuulac Ilírico.

Jeremías 31:12

Japjo̱keb re xban xsahil xchꞌo̱leb nak yo̱keb chi cha̱lc saꞌ li tzu̱l Sión. Teꞌsahokꞌ saꞌ xchꞌo̱leb xban li usilal tinba̱nu reheb. La̱in li Ka̱cuaꞌ. Tinqꞌueheb lix trigo, li acꞌ vino ut li aceite, joꞌ eb ajcuiꞌ lix carner, ut eb lix queto̱mk. Kꞌaxal us cua̱nkeb. Chanchanakeb li acui̱mk li natꞌakresi̱c chi us. Ma̱cꞌaꞌak chic rahil chꞌo̱lej.

Isaías 61:11

Joꞌ nak li Ka̱cuaꞌ naxqꞌue chi mokc ut chi qꞌui̱c li iyaj, joꞌcan ajcuiꞌ nak tixxakab xcuanquil li ti̱quilal ut li lokꞌoni̱c saꞌ chixjunil li ruchichꞌochꞌ.

Isaías 53:1

¿Ani ta biꞌ xpa̱ban re li xkaye resil? Ut, ¿ani ta biꞌ chi aj u quixcꞌutbesi lix cuanquil li Dios?

Cantares 8:13

At xsum li cua̱m, la̱at li cuancat saꞌ xya̱nkeb li utzꞌuꞌuj. China̱cua̱tina. Eb li cuanqueb cuochben teꞌraj rabinquil li xya̱b la̱ cux.

Cantares 4:16

Chicha̱lk ta li ikꞌ saꞌ li norte. Chicha̱lk ta li ikꞌ saꞌ li sur. Ut chinumekꞌ ta saꞌ lix naꞌaj li acui̱mk re nak ta̱e̱lk xbo̱c li sununquil ban saꞌ li naꞌajej. Chicha̱lk ta saꞌ li naꞌajej aꞌin li cui̱nk li ninra. Chixtzaca ta li cha̱bil ru li cheꞌ li kꞌaxal quiꞌ ut sa xloubal.

Cantares 4:12

At cuixakil, at xsum li cua̱m, la̱at tzꞌakal cue injunes. Chanchanat jun lix cha̱bil naꞌaj li acui̱mk li tzꞌaptzꞌo saꞌ tzꞌac. Chanchanat li yuꞌam haꞌ tzꞌaptzꞌo.

San Lucas 17:6

Ut li Ka̱cuaꞌ quixye reheb: —Usta caꞌchꞌin ajcuiꞌ le̱ pa̱ba̱l cuan joꞌ li riyajil li mostaza, ta̱ru̱k raj te̱ye re li cheꞌ aꞌin, “Michꞌ a̱cuib ut au a̱cuib saꞌ li palau” ut li cheꞌ tixba̱nu raj joꞌ te̱ye re, chan.

San Marcos 4:30

—¿Cꞌaꞌru tinjuntakꞌe̱ta cuiꞌ lix nimajcual cuanquil li Dios? chan li Jesús. —Ut ¿cꞌaꞌru chi jaljo̱quil ru a̱tin tinye, re xchꞌolobanquil xya̱lal lix nimajcual cuanquilal li Dios?