San Lucas 13:17 - Li Santil hu

¹⁷ Ut riqꞌuin li cꞌaꞌru quixye li Jesús, quixcꞌut xxuta̱neb chixjunileb li yo̱queb chixcuechꞌinquil rix. Abanan li qꞌuila tenamit queꞌsahoꞌ xchꞌo̱l xbaneb li milagro li yo̱ chixba̱nunquil li Jesús.

Q'eqchi Bible

¹⁷ Naq yo chi xyeeb'al a'in, ke'chalk xxutaan eb' li xik' neke'ilok re; ab'anan chixjunileb' li tenamit ke'saho'k sa' xch'ool rik'in li sachb'ach'oolej nalajxb'aanu.

San Lucas 13:17 ပူးပေါင်းရင်းမြစ်များ

1 Pedro 3:16

Chexcua̱nk saꞌ xya̱lal ut me̱ba̱nu chic li ma̱usilal re nak ma̱cꞌaꞌ ta̱chꞌiꞌchꞌiꞌi̱nk e̱re saꞌ le̱ cꞌaꞌux. Usta cha̱bil nequeba̱nu xban nak nequepa̱b li Cristo, abanan cuan li nequeꞌa̱tinac che̱rix. Eb aꞌan xuta̱nal teꞌe̱lk xban nak nequeꞌkꞌaban.

Salmos 132:18

Eb li xicꞌ nequeꞌiloc re xuta̱nal teꞌxcꞌul. Abanan aꞌan cua̱nk xcuanquil chi junelic.—

2 Timoteo 3:9

Aban incꞌaꞌ ajcuiꞌ us ta̱e̱lk chiruheb xban nak chꞌolchꞌo̱k chiruheb chixjunileb nak xmajelil xnaꞌlebeb teꞌxba̱nu cuiꞌ, joꞌ queꞌxcꞌul laj Janes ut laj Jambres nak queꞌxcuechꞌi rix laj Moisés.

Hechos 4:21

Nak ac xeꞌxseꞌbesiheb riqꞌuin cacuil a̱tin, queꞌrachꞌabeb. Ma̱cꞌaꞌ queꞌru xba̱nunquil reheb xban nak chixjunileb li tenamit yo̱queb chixlokꞌoninquil li Dios riqꞌuin li cꞌaꞌru quicꞌulman.

San Lucas 20:40

Ut ma̱ ani chic quiraj patzꞌoc riqꞌuin li Jesús.

San Lucas 19:48

Abanan incꞌaꞌ queꞌxtau chanru teꞌxba̱nu xban nak chixjunileb li tenamit yo̱queb chixqꞌuebal xchꞌo̱leb chirabinquil li cꞌaꞌru yo̱ chixyebal li Jesús.

San Lucas 18:43

Ut saꞌ junpa̱t qui-iloc li mutzꞌ ut co̱ chirixeb. Yo̱ chixlokꞌoninquil li Dios. Ut nak queꞌril li cꞌaꞌru quicꞌulman, chixjunileb li tenamit queꞌxqꞌue xlokꞌal li Dios.

San Lucas 14:6

Ut eb aꞌan chi ti̱c incꞌaꞌ queꞌxnau xsumenquil.

Isaías 45:24

Teꞌxye nak relic chi ya̱l caꞌaj cuiꞌ cuiqꞌuin cuan li ti̱quilal ut li cuanquilal. Chixjunileb teꞌcha̱lk cuiqꞌuin ut eb li xicꞌ nequeꞌiloc cue teꞌcꞌutekꞌ xxuta̱n.—

Isaías 4:2

Ta̱cuulak xkꞌehil nak li Dios tixqꞌue chi yoꞌla̱c jun li chꞌina al chanchan xtux jun li cheꞌ. Cꞌajoꞌak xchakꞌal ru ut cꞌajoꞌak xlokꞌal. Ut kꞌaxal nabal li acui̱mk ta̱e̱lk saꞌ lix chꞌochꞌeb laj Israel li incꞌaꞌ teꞌsachekꞌ ru re xqꞌuebal xlokꞌaleb ut xcuanquilaleb.

Salmos 111:3

Kꞌaxal lokꞌ ut kꞌaxal cha̱bil chixjunil li nalajxba̱nu li Ka̱cuaꞌ ut lix ti̱quilal ma̱cꞌaꞌ rosoꞌjic. Cuan ban chi junelic.

Salmos 109:29

Sachso̱queb ta xchꞌo̱l cheꞌcana̱k. Xuta̱nal taxak teꞌcana̱k chi junaj cua.

Salmos 40:14

Chacꞌut taxak xxuta̱neb ut chasach taxak ruheb li nequeꞌajoc incamsinquil. Cheꞌe̱lelik taxak chicuu chi sachso̱queb xnaꞌleb li nequeꞌraj xba̱nunquil ma̱usilal cue.

Éxodo 15:11

Ma̱cꞌaꞌ chic junak dios joꞌ la̱at, at Ka̱cuaꞌ. Ma̱ ani chic junak cuan xti̱quilal joꞌ la̱ ti̱quilal la̱at. Ma̱ ani chic junak nim xcuanquil joꞌ la̱ nimajcual cuanquilal la̱at. Ma̱ ani chic junak naru ta̱ba̱nu̱nk re li sachba chꞌo̱lej xaba̱nu la̱at.

Isaías 66:5

Abihomak li cꞌaꞌru naxye li Ka̱cuaꞌ e̱re la̱ex li nequexxucuac nak nequerabi li ra̱tin li Dios. —Nequextzꞌekta̱na le̱ ras e̱ri̱tzꞌin, li xicꞌ nequeꞌiloc e̱re, inban la̱in ut nequexhob nak nequeꞌxye, “Lokꞌoninbilak taxak li Ka̱cuaꞌ. Chisahokꞌ taxak e̱chꞌo̱l riqꞌuin”. Xuta̱nal teꞌe̱lk eb li nequeꞌyehoc re chi joꞌcaꞌin.

Tito 2:8

Ut nak tat-a̱tinak, tzꞌakal re ru li cꞌaꞌru ta̱ye re nak ma̱ ani ta̱cuechꞌi̱nk rix li cꞌaꞌru ta̱ye. Chi joꞌcan teꞌxuta̱na̱k li xicꞌ nequeꞌiloc ke ut ma̱cꞌaꞌ cꞌaꞌ re ru naru teꞌxye chikix la̱o aj pa̱banel.