San Lucas 13:11 - Li Santil hu

¹¹ Ut aran cuan jun li ixk cuan ma̱us aj musikꞌej riqꞌuin. Cuakxaklaju chihab roquic lix yajel. Cꞌutzcꞌu rix li ixk nak nabe̱c ut incꞌaꞌ naru naxakli chi ti̱c.

Q'eqchi Bible

¹¹ ut wank aran jun li ixq, ak waqxaqlaju chihab' rokik xyajel xb'aan jun li musiq'ej: k'utzk'u, tik ink'a' naru chi xtutz'ub'ankil rib'.

San Lucas 13:11 ပူးပေါင်းရင်းမြစ်များ

San Lucas 8:2

Cuanqueb ajcuiꞌ ixk yo̱queb chi ochbeni̱nc reheb. Eb li ixk aꞌin, aꞌan eb li queꞌqꞌuirtesi̱c xyajeleb ut eb li queꞌisi̱c ma̱us aj musikꞌej riqꞌuineb xban li Jesús. Saꞌ xya̱nkeb aꞌan cuan lix María. Lix Magdalena nequeꞌxye ajcuiꞌ re. Aꞌan li ixk li qui-isi̱c cuukub li ma̱us aj musikꞌej riqꞌuin.

San Lucas 13:16

Li ixk aꞌin, aꞌan xcomoneb li ralal xcꞌajol laj Abraham. Ac cuan cuakxaklaju chihab roquic laj tza xchꞌiꞌchꞌiꞌinquil. Cui la̱ex nequehit le̱ bo̱yx saꞌ li hiloba̱l cutan, ¿ma incꞌaꞌ ta biꞌ ta̱ru̱k tinqꞌuirtesi li ixk aꞌin saꞌ li hiloba̱l cutan? chan.

San Lucas 8:27

Tojeꞌ ajcuiꞌ teꞌcuulak li Jesús nak quichal jun li cui̱nk li cuan saꞌ li tenamit aꞌan chi cꞌuluc re. Li cui̱nk aꞌan ac junxil cuan ma̱us aj musikꞌej riqꞌuin. Incꞌaꞌ chic nacuan saꞌ rochoch chi moco naxqꞌue chic rakꞌ. Junes saꞌ li naꞌajej li nequeꞌmukeꞌ cuiꞌ li camenak nacuan.

Salmos 6:2

Chacuuxta̱na taxak cuu, at Ka̱cuaꞌ, xban nak yajin. China̱qꞌuirtesi, at Ka̱cuaꞌ, xban nak tacuajenakin xban li yajel.

Hechos 4:22

Ac numenak caꞌcꞌa̱l chihab cuan re li cui̱nk li quiqꞌuirtesi̱c riqꞌuin milagro.

San Lucas 8:43

Saꞌ xya̱nkeb cuan jun li ixk cablaju chihab xticlajic xyajel. Junelic yo̱ lix yajel li ixk aꞌan ut incꞌaꞌ chic natzꞌap lix quiqꞌuel. Quixqꞌue rib chi banecꞌ riqꞌuin nabaleb aj banonel ut nabal li tumin quixsach. Abanan ma̱ jun quiru chi banoc re.

San Marcos 9:21

Ut li Jesús quixpatzꞌ re lix yucuaꞌ: —¿Jokꞌe xticla lix yajel li al aꞌin? chan. —Toj caꞌchꞌin nak quixtiquib xcꞌulbal chi joꞌcaꞌin, chan lix yucuaꞌ.

Salmos 146:8

Li Ka̱cuaꞌ naxqꞌueheb chi iloc li mutzꞌ. Ut naxqꞌue xcacuilal xchꞌo̱leb li yo̱queb chi chꞌina̱nc xchꞌo̱l. Li Ka̱cuaꞌ naxraheb li ti̱queb xchꞌo̱l.

Hechos 3:2

Rajlal cutan nacꞌameꞌ jun li cui̱nk incꞌaꞌ nabe̱c chalen saꞌ xyoꞌlajic ut naqꞌueheꞌ chire li oqueba̱l re li templo. Lix cꞌabaꞌ li oqueba̱l aꞌan “Chꞌinaꞌus”. Naqꞌueheꞌ li yaj aran re tixtzꞌa̱ma cꞌaꞌru re riqꞌuineb li nequeꞌoc saꞌ li templo.

Salmos 42:5

¿Cꞌaꞌut nak ta̱rahokꞌ saꞌ inchꞌo̱l? Ut, ¿cꞌaꞌut nak yo̱k incꞌaꞌux? ¿Ma incꞌaꞌ ta biꞌ a̱cuiqꞌuin ninyoꞌonin? ¿Ma incꞌaꞌ ta biꞌ ta̱ru̱k tatinlokꞌoni cuiꞌchic, at Ka̱cuaꞌ? Naru tatinlokꞌoni cuiꞌchic xban nak la̱at lin Dios, ut la̱at aj Colol cue.

Salmos 38:6

Cꞌutzcꞌu aj chic nak ninbe̱c. Kꞌaxal ra cuanquin. Ma̱ jun cutan nincuan chi sa saꞌ inchꞌo̱l.

Li xHu LAJ JOB 2:7

Ut laj tza qui-el riqꞌuin li Ka̱cuaꞌ. Ut quixtakla jun li yajel yibru saꞌ xbe̱n laj Job ut quixoxoꞌ chixjunil li rix.

Salmos 145:14

At nimajcual Dios, la̱at nacaqꞌue xcacuil xchꞌo̱leb li yo̱queb chi chꞌina̱nc xchꞌo̱l. Ut la̱at nacattenkꞌan reheb li cuanqueb saꞌ raylal.

San Mateo 4:23

Ut li Jesús quixbeni chixjunil li naꞌajej Galilea. Yo̱ chixcꞌutbal lix ya̱lal saꞌ eb li cab li nequeꞌxchꞌutub cuiꞌ ribeb laj judío. Quixchꞌolob xya̱lal li cha̱bil esilal chirix lix cuanquilal li Dios. Ut yo̱ chixqꞌuirtesinquil chixjunil li qꞌuila pa̱y ru chi yajel ut li raylal.

San Lucas 13:12

Nak quiril li ixk li Jesús quixbok riqꞌuin ut quixye re: —At ixk, anakcuan qꞌuirtesinbilat chic.—

San Lucas 21:28

Nak acak xticla xcꞌulbal chixjunil li cꞌaꞌak re ru aꞌin, cacuubresihomak e̱chꞌo̱l ut yoꞌon cua̱nkex. Chisahokꞌ saꞌ e̱chꞌo̱l xban nak cuulac re xkꞌehil nak texcolekꞌ, chan li Jesús.