San Lucas 12:58 - Li Santil hu

⁵⁸ Nak yo̱quex chi xic riqꞌuin laj rakol a̱tin, yi̱bomak ru le̱ chꞌaꞌajquil saꞌ junpa̱t riqꞌuin li xicꞌ na-iloc a̱cue nak toj ma̱jiꞌ nequexcuulac. Cui incꞌaꞌ nacacꞌam a̱cuib saꞌ usilal chi junpa̱t, laj rakol a̱tin tatxtakla sa tzꞌalam.

Q'eqchi Bible

⁵⁸ Naq yooqat chi xik rik'in laj raqol aatin aawochb'een li xik' na'ilok aawe, k'e aach'ool chi xk'amb'al aawib' sa' usilal rik'in, sa' b'e. Mare anchal tatxkelo chiru laj raqol aatin, ut laj raqol aatin tatxq'axtesi sa' ruq' li xtaql li chaq'rab', ut li xtaql li chaq'rab' tatxk'e sa' tz'alam.

San Lucas 12:58 ပူးပေါင်းရင်းမြစ်များ

San Mateo 18:30

Abanan li jun incꞌaꞌ quiraj xcuybal xma̱c. Co̱ ban ut coxqꞌue chak saꞌ tzꞌalam toj retal quixtoj rix lix cꞌas.

Isaías 55:6

Sicꞌomak li Ka̱cuaꞌ nak toj naru xtaubal. Cheya̱ba lix cꞌabaꞌ nak toj naru texrabi.

2 Corintios 6:2

Joꞌcaꞌin tzꞌi̱banbil saꞌ li Santil Hu: Nak xcuulac xkꞌehil, xaya̱ba incꞌabaꞌ ut xatcuabi. Saꞌ xkꞌehil xcꞌulbal li colba-ib, xatintenkꞌa, chan li Dios. (Isa. 49:8) Joꞌcan nak la̱in ninye e̱re nak anakcuan xkꞌehil xcꞌulbal li rusilal li Dios. Anakcuan ajcuiꞌ naru texcolekꞌ.

Salmos 50:22

Cheqꞌuehak retal aꞌin la̱ex li nequextzꞌekta̱nan cue. Cheba̱nuhak cue̱nt. Ma̱re anchal texinsach chi junaj cua ut ma̱ ani chic naru ta̱colok e̱re.

Salmos 32:6

Li ti̱queb xchꞌo̱l teꞌxtzꞌa̱ma xtenkꞌanquil cha̱cuu nak cuanqueb saꞌ li raylal. Chanchan li butꞌ nak nachal li raylal saꞌ xbe̱neb. Abanan la̱at ta̱tenkꞌaheb re nak incꞌaꞌ teꞌchꞌina̱nk xchꞌo̱leb xban li raylal.

Li xHu LAJ JOB 23:7

Nak tina̱tinak riqꞌuin tixqꞌue retal nak ma̱cꞌaꞌ inma̱c ut tinrisi raj libre chi junaj cua.

Li xHu LAJ JOB 22:21

Cꞌam cuiꞌchic a̱cuib saꞌ usilal riqꞌuin li nimajcual Dios. Cui ta̱ba̱nu chi joꞌcan tatrosobtesi cuiꞌchic ut tatcua̱nk cuiꞌchic saꞌ sahil chꞌo̱lejil.

Apocalipsis 20:7

Nak acak xnumeꞌ li jun mil chihab, ta̱achꞌaba̱k laj tza ut ta̱e̱lk saꞌ li nimla chamal jul li tzꞌaptzꞌo cuiꞌ.

1 Pedro 3:19

Co̱ ban chi a̱tinac riqꞌuineb li musikꞌej li cuanqueb chi tzꞌaptzꞌo.

2 Pedro 1:15

La̱in tinqꞌue inchꞌo̱l chixchꞌolobanquil lix ya̱lal che̱ru re nak chirix lin camic lix ya̱lal aꞌin ta̱cana̱k saꞌ e̱chꞌo̱l.

San Judas 1:3

Ex inherma̱n, anchal inchꞌo̱l nak yo̱quin chixcꞌoxlanquil tzꞌi̱bac e̱riqꞌuin chirix li kacolbal saꞌ comonil. Aban xinqꞌue retal nak ta̱ajma̱nk ru nak tintzꞌi̱bak e̱riqꞌuin re xtzꞌa̱manquil che̱ru nak te̱yal e̱kꞌe chixcolbal rix le̱ pa̱ba̱l. Aꞌan li junaj chi pa̱ba̱l kꞌaxtesinbil chak ke xban li Dios.