San Lucas 12:52 - Li Santil hu

⁵² Chalen anakcuan incꞌaꞌ chic sa teꞌcua̱nk li ju̱nk cabal saꞌ rochocheb xban nak cuan li teꞌpa̱ba̱nk cue ut cuan incꞌaꞌ. Ma̱re cuan o̱b chi cristian saꞌ li jun cabal. Oxib xicꞌ teꞌril li cuib chic. Ut li cuib xicꞌ teꞌril li oxib chic.

Q'eqchi Bible

⁵² Xb'aan naq chalen anaqwan oob' wanqeb' sa' jun chi kab'l ut jachjooqeb' chirib'ileb' rib': oxib' wanqeb' sa' raaxiik' rik'ineb' li wiib' ut li wiib' rik'ineb' li oxib';

San Lucas 12:52 ပူးပေါင်းရင်းမြစ်များ

Hechos 28:24

Cuan queꞌpa̱ban re li cꞌaꞌru yo̱ chixyebal. Abanan cuan ajcuiꞌ li incꞌaꞌ queꞌxpa̱b.

San Juan 16:2

Tex-isi̱k saꞌ li cab li nequeꞌxchꞌutub cuiꞌ ribeb laj judío. Ta̱cuulak xkꞌehil nak eb li teꞌcamsi̱nk e̱re teꞌxcꞌoxla nak yo̱queb chi cꞌanjelac chiru li Dios nak teꞌxba̱nu chi joꞌcan.

San Juan 9:16

Cuanqueb laj fariseo queꞌxye: —Li cui̱nk aꞌan, li Jesús xcꞌabaꞌ, moco taklanbil ta chak xban li Dios xban nak incꞌaꞌ naxqꞌue xlokꞌal li hiloba̱l cutan, chanqueb. Ut cuanqueb cuiꞌchic queꞌyehoc re: —¿Chanru nak tixba̱nu li milagro junak cui̱nk aj ma̱c? chanqueb. Xban nak jalan jala̱nk nequeꞌxcꞌoxla chirix li Jesús, incꞌaꞌ chic junajeb xchꞌo̱leb.

Salmos 41:9

Li tzꞌakal cuami̱g xinixtzꞌekta̱na ajcuiꞌ, li tzꞌakal cuami̱g li cꞌojcꞌo raj inchꞌo̱l riqꞌuin. Xinixtzꞌekta̱na li cuami̱g li quicuaꞌac cuochben.

San Lucas 12:51

Ma̱re la̱ex nequecꞌoxla nak junes tuktu̱quil usilal xincꞌam chak saꞌ ruchichꞌochꞌ. Incꞌaꞌ. Ta̱cua̱nk ajcuiꞌ nabal li chꞌaꞌajquilal.

San Lucas 12:53

Li yucuaꞌbej xicꞌ ta̱ril li ralal, ut li alalbej xicꞌ ta̱ril lix yucuaꞌ. Li naꞌbej xicꞌ ta̱ril lix coꞌ ut li coꞌbej xicꞌ ta̱ril lix naꞌ. Ut li naꞌbej xicꞌ ta̱ril li ralib ut li alibej xicꞌ ta̱ril lix naꞌ lix be̱lom.—