San Lucas 12:5 - Li Santil hu

⁵ La̱in tinye e̱re ani li tento te̱xucua ru. Chexucua̱k ru li Dios li naru ta̱risi xyuꞌam li junju̱nk ut cuan xcuanquil chixtaklanquil li a̱mej saꞌ xbalba. Aꞌan li tento te̱xucua ru.

Q'eqchi Bible

⁵ Tink'ut cheru ani tento teexiwa ru: chexiwa ru li ani nakamsink ut wank xwankil chi kutuk sa' xb'alb'a. Yaal, ninye wi' chik eere: chexiwaaq ru a'an.

San Lucas 12:5 ပူးပေါင်းရင်းမြစ်များ

2 Pedro 2:4

Li Dios incꞌaꞌ quixcuy xma̱queb li ángel li queꞌma̱cob chiru. Quixcuteb ban saꞌ xbalba saꞌ chamal jul kꞌojyi̱n xsaꞌ. Bacꞌbo̱queb chi cadena quixcanabeb toj ta̱cuulak xkꞌehil li rakba a̱tin. Joꞌcan ajcuiꞌ tixba̱nu reheb laj balakꞌ. Incꞌaꞌ tixcuy xma̱queb.

San Mateo 10:28

Mexxucuac chiruheb laj camsinel xban nak li a̱mej incꞌaꞌ naru teꞌxcamsi. Aꞌ li te̱xucua ru, aꞌan li Ka̱cuaꞌ li cuan xcuanquil chixcamsinquil li tibelej ut chixtaklanquil li a̱mej saꞌ xbalba.

Apocalipsis 14:7

Yo̱ chixyebal chi cau xya̱b xcux: —Chexucua̱k ru li Dios ut cheqꞌue xlokꞌal xban nak xcuulac xkꞌehil nak ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Chelokꞌonihak aꞌan li quiyi̱ban re li choxa, li ruchichꞌochꞌ, ut li palau joꞌqueb ajcuiꞌ li yuꞌam haꞌ, chan.

Hebreos 10:31

Kꞌaxal xucuajel nak ta̱rakok a̱tin li yoꞌyo̱quil Dios saꞌ xbe̱neb li nequeꞌtzꞌekta̱nan re.

Salmos 9:17

Chixjunileb li incꞌaꞌ useb xnaꞌleb teꞌtakla̱k saꞌ xbalba xban nak nequeꞌxtzꞌekta̱na li Dios.

Proverbios 14:26

Li ani naxxucua ru li Ka̱cuaꞌ Dios cau xchꞌo̱l ut eb li ralal xcꞌajol cuan cꞌaꞌru nequeꞌroybeni.

Apocalipsis 20:14

Ut quisacheꞌ xcuanquil li ca̱mc, ut quisacheꞌ ajcuiꞌ li naꞌajej li nequeꞌxic cuiꞌ li camenak. Queꞌcuteꞌ saꞌ li xam li chanchan palau. Li xam aꞌan, aꞌan li xcab ca̱mc.

1 Ts 4:6

Ma̱ ani tixmux rib riqꞌuin xmakꞌbal rixakil junak cui̱nk ut ma̱ ani tixmux rib riqꞌuin xmakꞌbal xbe̱lom junak ixk. Incꞌaꞌ teꞌxba̱nu chi joꞌcan xban nak li Ka̱cuaꞌ Jesucristo ta̱rakok a̱tin saꞌ xbe̱n chixjunileb li nequeꞌba̱nun re li naꞌleb aꞌan, joꞌ ac yebil e̱re kaban.

San Mateo 25:41

Tojoꞌnak la̱in li Rey tinye reheb li cuanqueb saꞌ lin tzꞌe: “Elenkex chicuu. Tzꞌekta̱nanbilex saꞌ li xam li ma̱ jokꞌe ta̱chupk cꞌu̱banbil chak chokꞌ re laj tza ut reheb ajcuiꞌ lix ángel.

Apocalipsis 15:4

¿Ma cuan ta biꞌ junak incꞌaꞌ tixxucua a̱cuu? Chixjunileb teꞌxnima a̱cuu, at Ka̱cuaꞌ, xban nak caꞌaj cuiꞌ la̱at ti̱c a̱chꞌo̱l. Chixjunileb li cuanqueb saꞌ li xni̱nkal ru tenamit teꞌcha̱lk ut teꞌxcuikꞌib ribeb cha̱cuu ut tateꞌxlokꞌoni xban nak teꞌxqꞌue retal nak la̱at tatrakok a̱tin saꞌ ti̱quilal.

San Mateo 5:22

Aban la̱in tinye e̱re lix ya̱lal aꞌan. Li ani ta̱joskꞌokꞌ riqꞌuin li ras ri̱tzꞌin ta̱rakekꞌ a̱tin saꞌ xbe̱n. Ut li ani tixtzꞌekta̱na li ras ri̱tzꞌin cuan xma̱c chiru laj rakol a̱tin. Ut li ani tixye xyaj tiox re li ras ri̱tzꞌin, ma̱re anchal ta̱xic saꞌ xxamlel li xbalba.

Jeremías 5:22

¿Ma incꞌaꞌ te̱xucua cuu? Ut, ¿ma incꞌaꞌ sicsotkex xban e̱xiu chicuu? La̱in xinqꞌuehoc re li samaib re xrambal li palau chi junelic. Usta nasaqꞌueꞌ xban li rok haꞌ, abanan li haꞌ incꞌaꞌ ta̱numekꞌ jun pacꞌal li samaib li quinqꞌue saꞌ xnaꞌaj.

San Mateo 25:46

Ut eb aꞌan teꞌxic saꞌ li tojba ma̱c chi junelic. Abanan li ti̱queb xchꞌo̱l cua̱nkeb xyuꞌam chi junelic.—

Jeremías 10:7

¿Ma cuan ta biꞌ junak incꞌaꞌ ta̱xucua̱nk a̱cuu? La̱at lix reyeb chixjunileb li tenamit. A̱cꞌulub nak ta̱xucua̱k a̱cuu. Ma̱ jun ta̱ru̱k xjuntakꞌe̱tanquil a̱cuiqꞌuin chi moco saꞌ xya̱nkeb li cuanqueb xnaꞌleb saꞌ ruchichꞌochꞌ, chi moco saꞌ xya̱nkeb li cuanqueb xcuanquil.

San Marcos 13:23

Abanan ac xinye e̱re li cꞌaꞌru ta̱cꞌulma̱nk. Joꞌcan nak me̱qꞌue e̱rib chi balakꞌi̱c.

Jeremías 41:18

Queꞌco̱eb chi najt xban nak queꞌraj e̱lelic chiruheb laj Babilonia. Queꞌxucuac chiruheb xban nak laj Ismael li ralal laj Netanías quixcamsi laj Gedalías li quixakaba̱c xban lix reyeb laj Babilonia chi takla̱nc saꞌ li naꞌajej Judá.