San Lucas 12:45 - Li Santil hu

⁴⁵ Abanan cui li mo̱s aꞌan incꞌaꞌ us lix naꞌleb, tixye saꞌ xchꞌo̱l, “Lin patrón ta̱ba̱yk chi cꞌulu̱nc”. Ut ta̱oc chixsacꞌbaleb li rech mo̱sil joꞌ cui̱nk joꞌ ixk ut ta̱oc chi cuaꞌac, chi ucꞌac ut chi cala̱c.

Q'eqchi Bible

⁴⁵ Ab'anan, wi li moosej a'an tixye sa' xch'ool: «Laj eechal we xb'ay chaq», ut taa'ok chi xsak'b'aleb' li rech moosil winq ut ixq, taa'ok chi wa'ak, chi uk'ak ut chi kalaak,

San Lucas 12:45 ပူးပေါင်းရင်းမြစ်များ

Apocalipsis 18:24

Saꞌ ajcuiꞌ li tenamit aꞌan queꞌcamsi̱c li ralal xcꞌajol li Dios ut eb li profeta. Li tenamit aꞌan quicꞌamoc be chiruheb li tenamit saꞌ ruchichꞌochꞌ chixcamsinquileb laj pa̱banel yalak bar.

Apocalipsis 16:6

Xban nak aꞌan eb queꞌcamsin reheb la̱ cualal a̱cꞌajol ut eb la̱ profeta, joꞌcan nak xasukꞌisi li haꞌ chokꞌ quicꞌ ut xaqꞌueheb chirucꞌ. Xcꞌulubeb nak teꞌxcꞌul chi joꞌcan xban nak incꞌaꞌ us lix naꞌlebeb, chan.

2 Pedro 2:19

Eb laj balakꞌ nequeꞌxye: Libre chic texcua̱nk, chanqueb. La̱ex chic yal e̱re cꞌaꞌru te̱ba̱nu, chanqueb. Ut incꞌaꞌ nequeꞌxqꞌue retal nak aꞌan eb li cꞌayinbileb chi cꞌanjelac chiru li ma̱c xban nak li ani toj nanumta li ma̱usilal saꞌ xbe̱n, toj cuan rubel xcuanquil li ma̱c.

2 Pedro 2:13

Chi joꞌcan teꞌxcꞌul xkꞌajca̱munquil lix ma̱usilaleb queꞌxba̱nu. Eb laj tzolonel aj balakꞌ junelic saheb saꞌ xchꞌo̱l chixba̱nunquil li incꞌaꞌ us, usta chi cutan. Xuta̱nal chokꞌ e̱re nak cuanqueb saꞌ e̱ya̱nk xban nak nequeꞌcuulac chi cuaꞌac saꞌ le̱ ninkꞌe. Eb aꞌan junes ma̱cobc nequeꞌxcꞌoxla.

1 Ts 5:7

Eb li nequeꞌcuar, chi kꞌek nequeꞌcuar ut eb li nequeꞌcala, chi kꞌek nequeꞌcala.

2 Corintios 11:20

Cui nequexrahobtesi̱c yal nequecuy. Cui namakꞌeꞌ li cꞌaꞌru e̱re che̱ru, ma̱cꞌaꞌ nequeye. Cui nequexbalakꞌi̱c, yal nequecanab chi joꞌcan. Ut cui nequeꞌxkꞌetkꞌeti rib che̱ru, aꞌan chic li nacuulac che̱ru. Ut cui nasaqꞌueꞌ saꞌ xnakꞌ e̱ru, yal nequecuy.

Romanos 16:18

Eb aꞌan incꞌaꞌ nequeꞌxba̱nu li cꞌaꞌru naraj li Ka̱cuaꞌ Jesucristo. Caꞌaj cuiꞌ li cꞌaꞌru nequeꞌxrahi ru lix chꞌo̱leb, aꞌan li nequeꞌxba̱nu. Ut riqꞌuin kꞌunil a̱tin nequeꞌkꞌunbesin ut nequeꞌxbalakꞌi li incꞌaꞌ cauheb xchꞌo̱l saꞌ xpa̱ba̱leb.

San Mateo 22:6

Ut eb li jun chꞌol chic queꞌxchapeb lix mo̱s li rey, queꞌxrahobtesiheb ut queꞌxcamsiheb.

Ezequiel 34:8

La̱in li yoꞌyo̱quil Dios. Relic chi ya̱l tinye e̱re nak ma̱cꞌaꞌ eb aj ilol reheb lin carner. Xecanab chi elkꞌa̱c lin carner ut xecanab chi camsi̱c xbaneb li joskꞌ aj xul li cuanqueb saꞌ qꞌuicheꞌ. La̱ex incꞌaꞌ nequesicꞌ lin queto̱mk chi moco nequechꞌolaniheb. Junes la̱ex nequechꞌolani e̱rib.

Ezequiel 12:22

—At ralal cui̱nk, ¿cꞌaꞌut nak eb laj Israel nequeꞌxye nak eb li cutan nequeꞌnumeꞌ ut incꞌaꞌ nacꞌulman li cꞌaꞌru nequeꞌxye li profetas li quicꞌuteꞌ chiruheb saꞌ visión? chanqueb.

Jeremías 20:2

quixtakla xsacꞌbal ut quixtakla xnatꞌbal li rok saꞌ cheꞌ cuan cuiꞌ li oqueba̱l re laj Benjamín li cuan chixcꞌatk li templo.

Isaías 65:6

Abanan chixjunil tzꞌi̱banbil retalil inban. Incꞌaꞌ tincanab yal chi joꞌcan li cꞌaꞌru nequeꞌxba̱nu. Tinqꞌueheb ban lix kꞌajca̱munquileb.

Deuteronomio 12:12

Ut nak cua̱nkex saꞌ li naꞌajej aꞌan ta̱sahokꞌ saꞌ e̱chꞌo̱l la̱ex chiru li Ka̱cuaꞌ le̱ Dios. Ta̱sahokꞌ saꞌ e̱chꞌo̱l la̱ex e̱rochben le̱ ralal e̱cꞌajol, ut eb le̱ mo̱s cui̱nk ut eb le̱ mo̱s ixk ut e̱rochben ajcuiꞌ eb laj levita li cuanqueb saꞌ e̱ya̱nk. Eb aꞌan incꞌaꞌ queꞌxcꞌul lix naꞌajeb.

San Lucas 12:44

Relic chi ya̱l tinye e̱re nak li patrón aꞌan, tixkꞌaxtesi sa rukꞌ chixjunil lix jun cablal.

San Lucas 12:46

Ma̱cꞌaꞌak saꞌ xchꞌo̱l nak ta̱cꞌulu̱nk lix patrón. Ut lix patrón tixqꞌue chixtojbal rix lix ma̱c ut tixtakla saꞌ xya̱nkeb li incꞌaꞌ useb xnaꞌleb.

San Lucas 21:34

Chenauhak xcolbal e̱rib. Me̱qꞌue e̱rib chi a̱le̱c riqꞌuin li numcuaꞌac ut li cala̱c, chi moco riqꞌuin xcꞌoxlanquil chanru te̱numsi li cutan junju̱nk. Ma̱re anchal ta̱cuulak xkꞌehil li cutan aꞌan chi ma̱cꞌaꞌ saꞌ e̱chꞌo̱l.

San Juan 2:10

—Chixjunileb li nequeꞌninkꞌei̱c xbe̱n cua nequeꞌxjecꞌ li cha̱bil vino. Ut nak ac xeꞌucꞌac chi nabal li ulaꞌ, nequeꞌxjecꞌ li incꞌaꞌ mas cha̱bil. Abanan la̱at xacꞌu̱la li cha̱bil vino ut toj anakcuan xacuisi chak, chan re.

Hechos 2:18

Ut tinqꞌue ajcuiꞌ lin musikꞌ chi cua̱nc riqꞌuineb lin mo̱s cui̱nk ut lin mo̱s ixk, ut talajeꞌxye resil li cꞌaꞌru ta̱cꞌulma̱nk mokon.

Li xHu LAJ JOB 24:23

Li Dios naxcanabeb chi cua̱nc chi ma̱cꞌaꞌeb xcꞌaꞌux. Abanan yo̱ chixqꞌuebal retal li cꞌaꞌru nequeꞌxba̱nu.