San Lucas 12:42 - Li Santil hu

⁴² Ut li Ka̱cuaꞌ quixye re: —Li mo̱s li cuan xnaꞌleb ut cha̱bil, aꞌan li ta̱qꞌuehekꞌ xcuanquil xban lix patrón saꞌ xbe̱neb li rech mo̱sil. Aꞌan chic ta̱qꞌuehok re xtzacae̱mkeb saꞌ x-o̱ril.

Q'eqchi Bible

⁴² Kichaq'ok li Qaawa' ut kixye: “Ani li moosej tiik xch'ool ut wank xna'leb' li taak'ehe'q xwankil xb'aan laj eechal re sa' xb'eeneb' li rech moosil re xk'eeb'al xwaheb' sa' xq'ehil?

San Lucas 12:42 ပူးပေါင်းရင်းမြစ်များ

Hebreos 13:17

Chex-abi̱nk chiruheb laj cꞌamol be che̱ru, ut cheba̱nuhak li cꞌaꞌru nequeꞌxye e̱re xban nak eb aꞌan nequeꞌtenkꞌan e̱re saꞌ le̱ pa̱ba̱l. Aꞌaneb li teꞌxkꞌaxtesi xcue̱nt che̱rix chiru li Dios. Chetenkꞌaheb re nak sahakeb saꞌ xchꞌo̱l saꞌ lix cꞌanjeleb xban nak cui rahakeb saꞌ xchꞌo̱l, rahak ajcuiꞌ chokꞌ e̱re la̱ex.

Hebreos 13:7

Chijulticokꞌ e̱re eb li queꞌcꞌamoc be che̱ru. Aꞌan queꞌxchꞌolob xya̱lal li ra̱tin li Dios. Cheqꞌuehak retal lix pa̱ba̱l ut lix yuꞌameb nak queꞌcuan saꞌ ruchichꞌochꞌ. Joꞌcan ajcuiꞌ cheba̱nuhak la̱ex.

2 Timoteo 4:2

La̱in nintzꞌa̱ma cha̱cuu nak ta̱chꞌolob xya̱lal li ra̱tin li Dios. Chayal a̱kꞌe chixba̱nunquil chi junelic usta naxqꞌue rib cha̱cuu usta incꞌaꞌ. Chatijeb ut chakꞌuseb. Chaqꞌue xcacuilal xchꞌo̱leb ut chicua̱nk a̱cuyum ut incꞌaꞌ ta̱canab xcꞌutbal lix ya̱lal chiruheb.

1 Timoteo 5:17

Oxlokꞌinbilakeb li nequeꞌcꞌamoc be chi cha̱bil saꞌ xya̱nkeb laj pa̱banel. Ut xcꞌulub ajcuiꞌ nak teꞌxcꞌul xkꞌajca̱munquil xban nak nequeꞌxqꞌue xchꞌo̱l chixchꞌolobanquil xya̱lal li ra̱tin li Dios ut chixtzolbaleb laj pa̱banel.

1 Pedro 4:10

Chikajunilo jalan jala̱nk li cꞌaꞌru ta̱ru̱k takaba̱nu. Ac kama̱tan kama̱tan qꞌuebil ke chikaju̱nkal xban li Dios. Tento nak takatenkꞌa li kas ki̱tzꞌin riqꞌuin li cꞌaꞌru nocoru chixba̱nunquil re nak incꞌaꞌ ta̱cana̱k chi ma̱cꞌaꞌ rajbal li ma̱tan qꞌuebil ke xban li Dios.

Tito 1:7

Li ani nacꞌamoc be chiruheb laj pa̱banel, li jun aꞌan aj cꞌanjel chiru li Dios. Joꞌcan nak tento nak ti̱cak xchꞌo̱l re nak ma̱ ani ta̱a̱tinak chirix. Moco kꞌetkꞌetak ta ut moco chꞌinpoꞌak ta, chi moco ta̱cala̱k, chi moco ta̱pletik. Ut ma̱cuaꞌak aj rahol ru biomal, chi moco tixsicꞌ xtumin riqꞌuin balakꞌic.

Hechos 20:28

Joꞌcan nak ilomak e̱rib chi us la̱ex ut ilomakeb laj pa̱banel li xeꞌqꞌueheꞌ cheril xban li Santil Musikꞌej, li quixlokꞌeb riqꞌuin lix lokꞌlaj quiqꞌuel. Cherilak laj pa̱banel joꞌ nak naril chi us lix carner li pastor.

San Mateo 20:8

Ut nak qui-ecuu, li patrón quixye re lix merto̱m: —Bokeb laj cꞌanjel ut ta̱tojeb. Li ta̱tojeb xbe̱n cua, aꞌaneb li tojeꞌ xeꞌoc, ut nak ac xatrakeꞌ xtojbaleb aꞌan, tojoꞌnak ta̱tojeb li xeꞌoc ekꞌela.—

Ezequiel 34:3

Nequerucꞌ li leche ut nequerocsi li akꞌej yi̱banbil riqꞌuin rix li carner. Nequecamsi ut nequetiu xtibel li cha̱bil carner. Abanan incꞌaꞌ nequerileb chi us le̱ carner.

Isaías 50:4

Li Ka̱cuaꞌ Dios naqꞌuehoc innaꞌleb ut naxqꞌue cua̱tin re nak tinnau xcꞌojobanquil xchꞌo̱leb li tacuajenakeb. Rajlal cutan nak nasake̱u ninxqꞌue chirabinquil li ra̱tin li naxcꞌut chicuu.

Proverbios 15:23

Li ani naxnau xsumenquil junak li patzꞌoc nasahoꞌ saꞌ xchꞌo̱l. Ut kꞌaxal cuiꞌchic us nak teꞌxye junak a̱tin nak ta̱ajekꞌ ru.

Hebreos 3:5

Relic chi ya̱l nak laj Moisés quipa̱ban chiru li Dios ut quicꞌamoc be chiruheb laj Israel. Quixchꞌolob xya̱lal li cꞌaꞌru ta̱cꞌulma̱nk mokon. Laj Moisés yal aj cꞌanjel chiru li Dios.

1 Timoteo 3:15

Abanan ma̱re tinba̱yk chi cuulac. Joꞌcan nak yo̱quin chi tzꞌi̱bac a̱cuiqꞌuin re nak ta̱nau chanru teꞌcꞌanjelak li teꞌxakaba̱k chi cꞌanjelac saꞌ xya̱nkeb li nequeꞌpa̱ban re li yoꞌyo̱quil Dios. Ut la̱o aj pa̱banel, la̱o li nakaqꞌue xcuanquil ut nakacol rix li katijbal li tzꞌakal ya̱l.

San Lucas 7:13

Nak li Ka̱cuaꞌ Jesús quiril li xnaꞌ li camenak, quiril xtokꞌoba̱l ru ut quixye re: —Matya̱bac, chan.

San Mateo 13:52

Li Jesús quixye reheb: —Joꞌcan nak chixjunileb li nequeꞌxnau cꞌaꞌru naxye saꞌ li chakꞌrab ut nequeꞌxtzol rib cuiqꞌuin, eb aꞌan chanchaneb laj e̱chal cab li narisi saꞌ lix cꞌu̱leba̱l li cꞌaꞌru acꞌ joꞌ ajcuiꞌ li cꞌaꞌru kꞌel, chan li Jesús. (Quixye chi joꞌcan xban nak cuan xlokꞌal li naꞌleb qꞌuebil najter xban li Dios ut cuan ajcuiꞌ xlokꞌal li acꞌ naꞌleb qꞌuebil xban li Jesús.)

Jeremías 23:4

Ut la̱in tinxakabeb cuiꞌchic laj ilol reheb. Ut incꞌaꞌ chic teꞌxucuak chi moco teꞌsachekꞌ ruheb, chan.

Proverbios 27:18

Li ani naxchꞌolani lix to̱nal lix higo tixtzaca li ru. Ut li ani naril chi us li cꞌaꞌru re lix patrón, aꞌan ta̱qꞌuehekꞌ xlokꞌal.

Proverbios 31:15

Toj ma̱jiꞌ nasake̱u nak nacuacli. Naxqꞌueheb chi cuaꞌac li ralal xcꞌajol ut naxqꞌueheb ajcuiꞌ chi tzaca̱nc lix mo̱s ixk.

San Lucas 7:19

—¿Ma la̱at laj Colonel li yechiꞌinbil li yo̱co chiroybeninquil? ¿Malaj toj takoybeni junak chic?—

San Lucas 12:43

Us xak re li mo̱s li yo̱k chixba̱nunquil lix cꞌanjel saꞌ xya̱lal nak ta̱cꞌulu̱nk lix patrón.

Éxodo 36:4

Ut eb li yo̱queb chi cꞌamoc be saꞌ li cꞌanjel queꞌxcanab lix cꞌanjel ut queꞌco̱eb riqꞌuin laj Moisés.

Proverbios 12:8

Li ani cuan xnaꞌleb naqꞌueheꞌ xlokꞌal. Abanan li incꞌaꞌ useb xnaꞌleb nequeꞌtzꞌekta̱na̱c.