San Lucas 12:4 - Li Santil hu

⁴ Ex cuami̱g, la̱in ninye e̱re nak mexxucuac chiruheb li ani teꞌraj camsi̱nc e̱re xban nak ma̱cꞌaꞌ naru teꞌxba̱nu riqꞌuin le̱ ra̱m.

Q'eqchi Bible

⁴ “Ninye eere laa'ex wamiiw: Meexiwaheb' ru li neke'kamsink re li tz'ejwalej, ab'an moqon maak'a' chik te'ruuq xb'aanunkil.

San Lucas 12:4 ပူးပေါင်းရင်းမြစ်များ

San Mateo 10:28

Mexxucuac chiruheb laj camsinel xban nak li a̱mej incꞌaꞌ naru teꞌxcamsi. Aꞌ li te̱xucua ru, aꞌan li Ka̱cuaꞌ li cuan xcuanquil chixcamsinquil li tibelej ut chixtaklanquil li a̱mej saꞌ xbalba.

Jeremías 1:8

Matxucuac chiruheb li tenamit. La̱in cua̱nkin a̱cuiqꞌuin cha̱colbal, chan li Ka̱cuaꞌ Dios.

Apocalipsis 2:10

Mexxucuac xban li raylal li ta̱cha̱lk saꞌ e̱be̱n. Cuanqueb saꞌ e̱ya̱nk li teꞌqꞌuehekꞌ saꞌ tzꞌalam xbaneb laj cꞌanjel chiru laj tza re xyalbal rix le̱ pa̱ba̱l. Te̱cꞌul raylal, abanan incꞌaꞌ najt te̱cꞌul. Michꞌinan e̱chꞌo̱l. Cauhak ban e̱chꞌo̱l toj chirix le̱ camic ut la̱in tinqꞌue e̱re le̱ kꞌajca̱munquil. Chanchan nak tinqꞌue le̱ corona nak tinqꞌue le̱ yuꞌam chi junelic.

Filipenses 1:28

Incꞌaꞌ texxucuak chiruheb li xicꞌ nequeꞌiloc e̱re. Cui la̱ex incꞌaꞌ texxucuak, eb aꞌan teꞌxqꞌue retal nak la̱ex texcolekꞌ ut eb aꞌan teꞌsachekꞌ. Ut li Ka̱cuaꞌ Dios, aꞌan li ta̱cꞌutuk re li naꞌleb aꞌin chiruheb.

1 Pedro 3:14

Abanan cui cuan junak ta̱rahobtesi̱nk e̱re xban nak yo̱quex chixba̱nunquil li usilal, osobtesinbilex xban li Dios. Me̱xucuaheb ru li teꞌrahobtesi̱nk e̱re ut mi-oc e̱cꞌaꞌux xbaneb.

Santiago 2:23

Ut quicꞌulman joꞌ naxye saꞌ li Santil Hu: Laj Abraham quixpa̱b li Dios ut riqꞌuin aꞌan li Dios quixye nak ti̱c xchꞌo̱l. Ut xban aꞌan nayeman nak laj Abraham raro xban li Dios.

Hechos 20:24

Abanan la̱in ma̱cꞌaꞌ ninxucua, chi moco ninra lin yuꞌam chokꞌ cue injunes. Abanan nacuaj nak tinchoy lin cꞌanjel chi sa saꞌ inchꞌo̱l. Ut ninnau nak taklanbilin xban li Ka̱cuaꞌ Jesús chixyebal resil li evangelio li quixqꞌue li Dios xban li rusilal.

Ezequiel 2:6

Ut la̱at, ralal cui̱nk, matxucuac chiruheb chi moco tatxucuak xban li cꞌaꞌru teꞌxye a̱cue. Kꞌaxal ra ta̱nak cuiꞌ li cꞌaꞌru teꞌxye a̱cue. Chanchan li qꞌuix ut chanchan nak cuancat saꞌ xya̱nkeb laj xo̱cꞌ nak cua̱nkat saꞌ xya̱nkeb. Abanan matxucuac xban li cꞌaꞌru teꞌxye a̱cue chi moco tatxucuak chiruheb xban nak li tenamit aꞌan kꞌaxal kꞌetkꞌeteb.

Hechos 4:13

Queꞌril nak cauheb xchꞌo̱l laj Pedro ut laj Juan chi a̱tinac. Queꞌxqꞌue retal nak moco tzolbileb ta ut ma̱cꞌaꞌeb xcuanquil. Ut queꞌxsach xchꞌo̱leb chirabinquil li cꞌaꞌru queꞌxye. Ut queꞌxqꞌue retal nak eb li cui̱nk aꞌin queꞌbe̱c chak rochben li Jesús.

Jeremías 1:17

Joꞌcan ut nak cauresi a̱cuib, at Jeremías, ut ayu chixyebal reheb li cꞌaꞌru xinye a̱cue. Matxucuac chiruheb. Cui tatxucuak anakcuan, naru ninqꞌue a̱xiu nak cua̱nkat chiruheb.

Isaías 41:8

Abanan la̱ex aj Israel, la̱ex li texcꞌanjelak chicuu. La̱ex li ralalex xcꞌajol laj Jacob li sicꞌbil ru inban. La̱ex ralalex cꞌajol laj Abraham li ninra.

Cantares 5:1

At xsum cua̱m, la̱in nacatinra. La̱in xin-oc saꞌ lix naꞌaj li cuacui̱mk. Yo̱quin chixsicꞌbal li mirra ut li sununquil ban. Yo̱quin chixloubal li xyaꞌal cab ut yo̱quin chirucꞌbal li vino ut li leche. Cuaꞌinkex, ex kas ki̱tzꞌin, ut ucꞌankex, la̱ex li nequexkara. Tzacahomak li joꞌ qꞌuial te̱raj.

Cantares 5:16

Kꞌaxal kꞌun naa̱tinac. Cꞌajoꞌ xcha̱bilal li cui̱nk aꞌan. Aꞌan lin be̱lom, li ninra, ex tukꞌ ixk aj Jerusalén.

Proverbios 29:25

Li xxucuanquil ru li cui̱nk, aꞌan chanchan jun li raꞌal. Abanan li ani cꞌojcꞌo xchꞌo̱l riqꞌuin li Dios, aꞌan ta̱colekꞌ.

Jeremías 41:18

Queꞌco̱eb chi najt xban nak queꞌraj e̱lelic chiruheb laj Babilonia. Queꞌxucuac chiruheb xban nak laj Ismael li ralal laj Netanías quixcamsi laj Gedalías li quixakaba̱c xban lix reyeb laj Babilonia chi takla̱nc saꞌ li naꞌajej Judá.

San Juan 15:13

Li rahoc chi tzꞌakal aꞌan nak junak tixkꞌaxtesi lix yuꞌam saꞌ xcꞌabaꞌ li ras ri̱tzꞌin.