San Lucas 12:32 - Li Santil hu

³² Mexxucuac ex cualal incꞌajol. Usta incꞌaꞌ qꞌuihex, abanan le̱ yucuaꞌ cuan saꞌ choxa cꞌojcꞌo xchꞌo̱l chixqꞌuebal e̱re lix nimajcual cuanquilal.

Q'eqchi Bible

³² “Mexxiwak li jun ch'ina ch'uutex linkarneer, xb'aan naq xwulak chiru leeYuwa' xk'eeb'al eere li xnimajwal awab'ejihom.

San Lucas 12:32 ပူးပေါင်းရင်းမြစ်များ

Hebreos 12:28

Chikabantioxi chiru nak tocua̱nk riqꞌuin li Dios chi junelic saꞌ lix nimajcual cuanquilal. Aꞌan ma̱ jaruj ta̱osokꞌ. Cua̱nk ban chi junelic. Takalokꞌoni li Dios chi anchal kachꞌo̱l xban nak caꞌaj cuiꞌ aꞌan xcꞌulub lokꞌoni̱c. Kaqꞌuehak kachꞌo̱l chixba̱nunquil li cꞌaꞌru naraj aꞌan ut takaxucua ru.

Apocalipsis 1:6

Aꞌan naqꞌuehoc kacuanquil re tocꞌanjelak chokꞌ aj tij chiru li Acuabej Dios. Lokꞌoninbil taxak li Jesucristo. Nimanbilak taxak ru ut aꞌan taxak chicua̱nk xcuanquil saꞌ xbe̱n chixjunil chi junelic kꞌe cutan. Joꞌcan taxak.

Filipenses 2:13

Li Dios yo̱ chi cꞌanjelac e̱riqꞌuin ut yo̱ che̱tenkꞌanquil re nak saꞌ le̱ chꞌo̱l ta̱ala̱k chak xba̱nunquil li cꞌaꞌru naraj ut aꞌan ajcuiꞌ naqꞌuehoc e̱cuanquil chixba̱nunquil.

San Lucas 10:21

Saꞌ li ho̱nal aꞌan li Jesús quirecꞌa xsahil xchꞌo̱l xban li Santil Musikꞌej. Quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chiruheb li tzolbileb ut li cuanqueb xnaꞌleb. Ut xacꞌut lix ya̱lal chiruheb li cubenakeb xcuanquil. Chanchaneb cocꞌal. Xaba̱nu chi joꞌcan xban nak joꞌcan xcuulac cha̱cuu la̱at, chan li Jesús nak quitijoc.

San Mateo 25:34

Ut la̱in li Rey tinye reheb li cuanqueb saꞌ lin nim: “Osobtesinbilex xban lin Yucuaꞌ. E̱chanihomak li nimajcual cuanquilal cauresinbil chokꞌ e̱re chalen chak saꞌ xticlajic li ruchichꞌochꞌ.

Isaías 40:11

Li Ka̱cuaꞌ ta̱rileb li ralal xcꞌajol chi cha̱bil joꞌ nak li pastor narileb lix carner. Tixchꞌutubeb lix cocꞌ carner ut tixcꞌam saꞌ xbe̱n xtel. Ut saꞌ tu̱lanil tixberesiheb lix naꞌeb li cocꞌ carner.

2 Ts 1:11

Joꞌcan nak junelic nocotijoc che̱rix ut nakatzꞌa̱ma chiru li Dios nak cha̱bilakex taxak re nak e̱cꞌulubak cua̱nc chokꞌ ralal xcꞌajol li Dios. Nakatzꞌa̱ma chiru nak riqꞌuin taxak xnimal xcuanquil, textenkꞌa chixba̱nunquil li us re nak tzꞌakalak re ru le̱ yehom e̱ba̱nuhom saꞌ xcꞌabaꞌ le̱ pa̱ba̱l.

2 Pedro 1:11

Ut naru chic tex-oc chokꞌ ralal xcꞌajol li Dios. Ut tex-oc ajcuiꞌ saꞌ lix nimajcual xcuanquilal li Ka̱cuaꞌ Jesucristo laj Colol ke.

San Mateo 14:27

Aꞌut li Jesús ticto quira̱tinaheb ut quixye reheb: —Mexxucuac. La̱in li yo̱quex chicuilbal. Cacuubresihomak e̱chꞌo̱l, chan reheb.

Jeremías 3:19

La̱ex aj Israel, la̱in xcuaj nak xexincꞌul chokꞌ cualal incꞌajol. Xinqꞌue e̱re jun li cha̱bil naꞌajej. Aꞌan li kꞌaxal cha̱bil chiru chixjunil li naꞌajej li cuan saꞌ ruchichꞌochꞌ. La̱in xcuaj nak te̱ye “At inyucuaꞌ” cue. Incꞌaꞌ xcuaj nak tine̱tzꞌekta̱na.

Apocalipsis 22:5

Aran ma̱cꞌaꞌak chic kꞌojyi̱n. Joꞌcan nak incꞌaꞌ chic ta̱cꞌanjelak reheb li sakꞌe chi moco li candil. Li Ka̱cuaꞌ Dios, aꞌan chic li ta̱cutanobresi̱nk reheb. Ut teꞌcua̱nk aran chi kꞌaxal sa saꞌ xchꞌo̱leb. Chanchanakeb chic rey.

2 Ts 1:5

Xban nak nequecuy xnumsinquil li raylal nacꞌutun nak li Dios yo̱ che̱tenkꞌanquil. Li Dios ta̱rakok a̱tin saꞌ ti̱quilal. Tento nak te̱cuy li raylal re nak li Dios tixye nak e̱cꞌulub oc saꞌ lix nimajcual cuanquilal ut saꞌ xcꞌabaꞌ ajcuiꞌ aꞌan nak yo̱quex chixcꞌulbal li raylal.

Romanos 6:23

Lix tojbal rix li ma̱c, aꞌan li ca̱mc. Aban li ma̱tan naxqꞌue ke li Dios, aꞌan li junelic yuꞌam saꞌ xcꞌabaꞌ li Ka̱cuaꞌ Jesucristo laj Colol ke.

Santiago 2:5

Ex inherma̱n, raro̱quex inban. Abihomak li tinye e̱re. Li Dios quisicꞌoc ruheb li nebaꞌ saꞌ ruchichꞌochꞌ. Abanan li nebaꞌ biomeb chiru li Dios xban nak nequeꞌxpa̱b li Cristo ut teꞌxcꞌul lix nimal xcuanquil li quixyechiꞌi li Dios reheb li nequeꞌrahoc re.

San Juan 18:36

Li Jesús quixye re: —Lin cuanquil la̱in ma̱cuaꞌ re saꞌ ruchichꞌochꞌ. Cui ta la̱in tintakla̱nk arin saꞌ ruchichꞌochꞌ, eb li nequeꞌta̱ken cue teꞌpletik raj re incolbal chiruheb li nequeꞌcꞌamoc be chiruheb laj judío. Abanan lin cuanquil la̱in ma̱cuaꞌ re saꞌ ruchichꞌochꞌ, chan.

Isaías 41:14

Mexxucuac, la̱ex li ralal xcꞌajolex laj Jacob. Mexxucuac la̱ex aj Israel usta ma̱cꞌaꞌ e̱cuanquil ut usta incꞌaꞌ qꞌuihex. La̱in tintenkꞌa̱nk e̱re, chan li Ka̱cuaꞌ. La̱in aj Colol e̱re. La̱in le̱ santil Dios la̱ex aj Israel.

San Mateo 20:16

Joꞌcan nak nabaleb li cuanqueb xcuanquil anakcuan teꞌcana̱k chi ma̱cꞌaꞌak xcuanquil mokon. Ut li ma̱cꞌaꞌeb xcuanquileb anakcuan, teꞌqꞌuehekꞌ xcuanquileb mokon. Nabaleb li bokbileb, abanan incꞌaꞌ qꞌuiheb li teꞌxtau ru lix ya̱lal.

San Mateo 7:15

Chenauhak xcolbal e̱rib chiruheb li profeta aj balakꞌ. Chanchan nak cha̱bileb joꞌ li carner nak nequeꞌcꞌutun. Abanan moco ya̱l ta. Chanchaneb li joskꞌ aj xoj nak nequeꞌchal chi balakꞌi̱nc.

Isaías 53:6

La̱o xkasach kib kajunes saꞌ li ma̱c. Chanchano li carner li nequeꞌxchaꞌchaꞌi ribeb. Ac kabe kabe xkachap chikaju̱nkal. Abanan li xtojbal rix li kama̱usilal li Ka̱cuaꞌ Dios quixqꞌue saꞌ xbe̱n aꞌan.

Hechos 20:28

Joꞌcan nak ilomak e̱rib chi us la̱ex ut ilomakeb laj pa̱banel li xeꞌqꞌueheꞌ cheril xban li Santil Musikꞌej, li quixlokꞌeb riqꞌuin lix lokꞌlaj quiqꞌuel. Cherilak laj pa̱banel joꞌ nak naril chi us lix carner li pastor.

Hechos 20:29

La̱in ninnau nak tine̱lk saꞌ e̱ya̱nk, chanchanakeb laj xoj nak teꞌcha̱lk li jalaneb xnaꞌleb chixpoꞌbal ru le̱ pa̱ba̱l. Eb aꞌan incꞌaꞌ teꞌril xtokꞌoba̱l e̱ru.

1 Corintios 1:21

Li Dios naxnau chixjunil. Ac cuan saꞌ xchꞌo̱l li Dios nak li cuanqueb saꞌ ruchichꞌochꞌ ma̱ jaruj teꞌxtau ru xnaꞌleb li Dios yal xjuneseb rib. Joꞌcan nak quiraj xcolbaleb li teꞌpa̱ba̱nk re li resil li colba-ib usta cuan li nequeꞌyehoc re nak to̱ntil naꞌleb li yo̱co chixjulticanquil che̱ru chirix li Cristo.