San Lucas 12:21 - Li Santil hu

²¹ La̱in ninye e̱re: joꞌcaꞌin naxcꞌul li naxcꞌu̱la xbiomal saꞌ ruchichꞌochꞌ ut riqꞌuin li Dios ma̱cꞌaꞌ xbiomal, chan li Jesús.

Q'eqchi Bible

²¹ “Jo'ka'in tixk'ul li ani naxk'uula xb'ihomal cho'q re xjunes rib' ut ink'a' nab'ihomo'k cho'q re li Yos”.

San Lucas 12:21 ပူးပေါင်းရင်းမြစ်များ

Santiago 2:5

Ex inherma̱n, raro̱quex inban. Abihomak li tinye e̱re. Li Dios quisicꞌoc ruheb li nebaꞌ saꞌ ruchichꞌochꞌ. Abanan li nebaꞌ biomeb chiru li Dios xban nak nequeꞌxpa̱b li Cristo ut teꞌxcꞌul lix nimal xcuanquil li quixyechiꞌi li Dios reheb li nequeꞌrahoc re.

San Lucas 12:33

Cꞌayihomak li cꞌaꞌru cuan e̱re ut sihomak reheb li ma̱cꞌaꞌ cuan reheb re nak cua̱nk e̱biomal saꞌ choxa. Aran incꞌaꞌ na-oc laj e̱lkꞌ chi elkꞌac chi moco namaxen. Qꞌuehomak e̱chꞌo̱l chirix li biomal li incꞌaꞌ na-osoꞌ.

Apocalipsis 2:9

La̱in ninnau chanru cuanquex. Ninnau chixjunil li raylal nequecꞌul. Ninnau nak nebaꞌex. Abanan cuan e̱biomal riqꞌuin li Dios. Ninnau nak nequexmajecua̱c xbaneb li nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Aj cꞌanjeleb ban chiru laj tza.

Habacuc 2:9

Ra xchal saꞌ e̱be̱n la̱ex li nequerahi ru ut nequemakꞌ li biomal jalan aj e. Ut chiru li tumin aꞌan nequeyi̱b le̱ rochoch chi us re nak ma̱cꞌaꞌ te̱cꞌul.

Oseas 10:1

Eb laj Israel cꞌajoꞌ xchakꞌal ruheb. Chanchan jun to̱n li uvas naxqꞌue nabal li ru ut chiruheb ajcuiꞌ aꞌan nacꞌanjelac. Chanru nak yo̱queb chi biomocꞌ, joꞌcan ajcuiꞌ lix qꞌuialeb li artal li queꞌxyi̱b. Xban nak cha̱bil lix chꞌochꞌeb, kꞌaxal nabal cuiꞌchic li acui̱mk naxqꞌue. Ut xban nak nabal li cꞌaꞌru reheb, nabal ajcuiꞌ lix dioseb nequeꞌxyi̱b.

Romanos 2:5

Aban la̱at cau a̱chꞌo̱l. Joꞌcan nak incꞌaꞌ nacayotꞌ a̱chꞌo̱l incꞌaꞌ nacajal a̱cꞌaꞌux. Ut riqꞌuin aꞌan yo̱cat chixbokbal xjoskꞌil li Dios saꞌ a̱be̱n. Toxa̱cuil xjoskꞌil nak ta̱cuulak xkꞌehil nak li Dios ta̱rakok a̱tin saꞌ ti̱quilal.

San Lucas 16:11

Cui la̱ex incꞌaꞌ nequenau xra̱bal li biomal saꞌ ruchichꞌochꞌ, ¿chan ta cuiꞌ ru nak tixcꞌojob xchꞌo̱l li Dios chixqꞌuebal e̱re li tzꞌakal biomal?

San Lucas 6:24

Abanan, la̱ex li biomex raylal cha̱lel saꞌ e̱be̱n xban nak ac xecꞌojob e̱chꞌo̱l arin saꞌ ruchichꞌochꞌ.

2 Corintios 6:10

Kꞌaxal ra cuanco, abanan junelic sa saꞌ kachꞌo̱l. Nebaꞌo, abanan nabal nequeꞌxcꞌul xbiomal nak nakachꞌolob chiruheb lix ya̱lal. Ma̱cꞌaꞌ cuan ke arin saꞌ ruchichꞌochꞌ, abanan nakanau nak biomo xban nak cuan li rusilal li Dios kiqꞌuin.

Proverbios 13:7

Cuanqueb li cristian nacꞌutun nak biomeb, usta ma̱cꞌaꞌ cuan reheb. Ut cuanqueb ajcuiꞌ li cristian nacꞌutun nak nebaꞌeb usta biomeb.

1 Timoteo 6:9

Abanan eb li nequeꞌrahoc ru li biomal, nequeꞌxqꞌue rib chi a̱le̱c ut nequeꞌxba̱nu li yibru aj naꞌleb. Aꞌan napoꞌoc ru lix cꞌaꞌuxeb ut riqꞌuin chixjunil li incꞌaꞌ us nequeꞌxba̱nu, nequeꞌxsach lix pa̱ba̱leb.