San Lucas 12:19 - Li Santil hu

¹⁹ Ut tinye: “Us xak cue. Cuan nabal cꞌaꞌru cue xocxo inban re tinnumsi nabal chihab. Anakcuan tinhila̱nk, tincuaꞌak, tin-ucꞌak, ut ta̱sahokꞌ saꞌ inchꞌo̱l”, chan.

Q'eqchi Bible

¹⁹ Toja' naq tinye re li linyu'am: Naab'al linb'ihomal k'uulanb'il cho'q re k'iila chihab'. Tinhilanq b'i', tinwa'aq, tin'uk'aq ut tinninq'ehiq».

San Lucas 12:19 ပူးပေါင်းရင်းမြစ်များ

Proverbios 27:1

Me̱nimobresi e̱rib chixyebal cꞌaꞌru te̱ba̱nu cuulaj xban nak incꞌaꞌ nequenau cꞌaꞌru ta̱cꞌulma̱nk cuulaj.

1 Corintios 15:32

Ut cui incꞌaꞌ teꞌcuacli̱k chi yoꞌyo li camenak, ¿cꞌaꞌ raj ru tinra nak tincꞌul li raylal arin Éfeso? Chanchan nak yo̱quin chi pletic riqꞌuineb li joskꞌ aj xul nak cuanquin arin saꞌ xya̱nkeb li tenamit. Ma̱cꞌaꞌ raj rajbal aꞌan cui incꞌaꞌ takacꞌul kakꞌajca̱munquil chirix li kacamic. Kꞌaxal us raj cui takaba̱nu joꞌ li incꞌaꞌ nequeꞌxpa̱b nak teꞌcuacli̱k chi yoꞌyo li camenak li nequeꞌxye cuaꞌako, ucꞌako xban nak cuulaj caꞌbej nococam.

Isaías 5:11

Raylal cha̱lel saꞌ e̱be̱n la̱ex li nequexcuacli toj ekꞌela ut nequexxic chi cala̱c toj retal nequex-oc kꞌojyi̱n chi cala̱c.

Eclesiastés 11:9

La̱ex, li toj sa̱jex, cheyalak xsahil le̱ sa̱jilal. Cheba̱nuhak li cꞌaꞌru te̱ra ru ut li cꞌaꞌru nacuulac che̱ru. Abanan, tento nak te̱qꞌue retal nak saꞌ jun cutan ta̱rakok a̱tin li Dios saꞌ e̱be̱n.

Santiago 5:5

Arin saꞌ ruchichꞌochꞌ cuan nabal le̱ biomal ut ma̱cꞌaꞌ napaltoꞌ e̱re. Junelic sa nequenumsi li cutan. Chanchanex li cuacax chꞌolaninbil chi us re ta̱camsi̱k xban nak le̱ yuꞌam la̱ex, ta̱osokꞌ. Ta̱cuulak xkꞌehil nak ta̱rakekꞌ a̱tin saꞌ e̱be̱n.

Filipenses 3:19

Eb aꞌan incꞌaꞌ us yo̱queb. Li cꞌaꞌru nequeꞌxrahi ru xba̱nunquil, aꞌan chic lix dioseb chiruheb xban nak junes aꞌan chic nequeꞌxcꞌoxla. Nequeꞌxnimobresi ribeb riqꞌuin xba̱nunquil li incꞌaꞌ us, usta xuta̱nal raj chokꞌ reheb. Junes li cꞌaꞌru cuan saꞌ ruchichꞌochꞌ nequeꞌxcꞌoxla. Eb aꞌan teꞌsachekꞌ saꞌ li tojba ma̱c.

Proverbios 18:11

Eb li biom nequeꞌxcꞌoxla nak lix biomaleb naru nacoloc reheb. Nequeꞌxcꞌoxla nak lix biomaleb, aꞌan chanchan jun li tzꞌac li najt xteram re teꞌxcol cuiꞌ ribeb.

Salmos 62:10

Me̱cꞌojob e̱chꞌo̱l saꞌ xbe̱n li pletic. Ut me̱cꞌoxla nak yal riqꞌuin elkꞌac te̱tau li tzꞌakal biomal. Usta cuan cꞌaꞌru e̱re, abanan me̱cꞌojob e̱chꞌo̱l saꞌ xbe̱n.

Apocalipsis 18:7

Cheꞌrahobtesi̱k xban nak queꞌxnimobresi ribeb ut queꞌxba̱nu li ma̱usilal. Eb aꞌan nequeꞌxye, “La̱o chanchano li reina. Moco nebaꞌo ta joꞌ junak xma̱lcaꞌan. La̱o ma̱ jun cua takacꞌul rahil chꞌo̱lej,” chanqueb.

1 Pedro 4:3

Tzꞌakal taxak li ma̱c li xeba̱nu chak. Xeba̱nu joꞌ nequeꞌxba̱nu li incꞌaꞌ nequeꞌpa̱ban chiru li Dios. Junxil nasemsot le̱ chꞌo̱l riqꞌuin li joꞌ ma̱joꞌil naꞌleb. Xeba̱nu chak li cala̱c ut li ninkꞌei̱c. Xeba̱nu chak li numcuaꞌac num ucꞌac. Ut xeba̱nu ajcuiꞌ li tzꞌekbe̱talil aj naꞌleb. Xuta̱nal xeba̱nu chak junxil nak xenima chak ruheb li yi̱banbil dios.

2 Timoteo 3:4

Teꞌxkꞌaxtesi li ras ri̱tzꞌin saꞌ rukꞌeb li xicꞌ nequeꞌiloc reheb. Cauhakeb rib chixba̱nunquil li incꞌaꞌ us. Ta̱numta̱k lix kꞌetkꞌetileb. Incꞌaꞌ teꞌxra li Dios. Aꞌ ban chic lix saylal li ruchichꞌochꞌ, aꞌan chic li teꞌxra.

Oseas 12:8

Eb li ralal xcꞌajol laj Efraín nequeꞌxye: —Chi ya̱l nak xobiomoꞌ. Xkatau kabiomal chokꞌ ke. Ma̱ ani ta̱yehok ke nak incꞌaꞌ us xkaba̱nu. Ma̱ ani ta̱yehok ke nak ma̱c xkaba̱nu riqꞌuin li kacꞌanjel, chanqueb.

Isaías 22:13

Abanan la̱ex sa saꞌ e̱chꞌo̱l nak yo̱quex chi ninkꞌei̱c. Xecamsiheb li carner ut li cuacax re te̱tiu. Xexcuaꞌac ut xex-ucꞌac vino. Xeye: —Cuaꞌako, ucꞌako xban nak ma̱re cuulaj caꞌbej nococam, chanquex.

Isaías 5:8

Raylal cha̱lel saꞌ e̱be̱n la̱ex li junes xsicꞌbal xtzꞌakob le̱ rochoch nequeba̱nu. Raylal cha̱lel saꞌ e̱be̱n xban nak junes xsicꞌbal xtzꞌakob le̱ chꞌochꞌ nequeba̱nu toj retal nequechap chixjunil chokꞌ e̱re. ¿Ma caꞌaj cuiꞌ ta biꞌ la̱ex texcua̱nk saꞌ ruchichꞌochꞌ?

Proverbios 23:5

La̱ex te̱qꞌue retal nak li biomal ma̱cꞌaꞌ na-oc cuiꞌ. Saꞌ junpa̱t na-osoꞌ. Chanchan nak narupupic li cꞌuch.

Li xHu LAJ JOB 14:1

Eb li cristian li nequeꞌyoꞌla saꞌ ruchichꞌochꞌ incꞌaꞌ najt rok lix yuꞌameb ut nabal raylal nequeꞌxcꞌul.

1 Timoteo 6:17

Ta̱chꞌolob xya̱lal chiruheb li biom nak incꞌaꞌ teꞌxkꞌetkꞌeti ribeb chi moco teꞌxcꞌojob xchꞌo̱l saꞌ xbe̱n li biomal li na-osoꞌ. Cheꞌxqꞌue ban xchꞌo̱l chixyoꞌoninquil li yoꞌyo̱quil Dios. Aꞌan naqꞌuehoc ke chi nabal chixjunil li cꞌaꞌak re ru.

1 Timoteo 5:6

Abanan li xma̱lcaꞌan li naxsicꞌ xsahil xchꞌo̱l junes riqꞌuin li naxrahi ru, li jun aꞌan chanchan ac camenak xban lix ma̱c usta toj yoꞌyo.

San Lucas 21:34

Chenauhak xcolbal e̱rib. Me̱qꞌue e̱rib chi a̱le̱c riqꞌuin li numcuaꞌac ut li cala̱c, chi moco riqꞌuin xcꞌoxlanquil chanru te̱numsi li cutan junju̱nk. Ma̱re anchal ta̱cuulak xkꞌehil li cutan aꞌan chi ma̱cꞌaꞌ saꞌ e̱chꞌo̱l.

San Lucas 16:19

Quicuan jun li cui̱nk biom. Naxtikib rib riqꞌuin cha̱bil tꞌicr kꞌaxal terto xtzꞌak ut rajlal cutan naninkꞌei̱c.

Habacuc 1:16

Eb laj chapol car nequeꞌxqꞌue xlokꞌal lix yoy ut lix anzuelo. Nequeꞌmayejac ut nequeꞌxcꞌat li pom chiru xban nak riqꞌuin aꞌan nequeꞌxsicꞌ li cꞌaꞌru nequeꞌxtzaca.

Salmos 49:18

Nak toj cuan saꞌ ruchichꞌochꞌ, quisahoꞌ saꞌ xchꞌo̱l xban nak cuan cꞌaꞌru re ut naqꞌueheꞌ xlokꞌal xban nak biom.

1 Samuel 30:16

Ut li cui̱nk aꞌan quixcꞌameb laj David bar cuanqueb cuiꞌ laj e̱lkꞌ. Eb laj Amalec cuanqueb yalak bar saꞌ li naꞌajej aꞌan. Yo̱queb chi ninkꞌei̱c. Yo̱queb chi cuaꞌac ut yo̱queb chi ucꞌac xban xsahil xchꞌo̱leb xban nak nabal li cꞌaꞌak re ru queꞌrelkꞌa.

Proverbios 10:2

Li ani naxtau xbiomal riqꞌuin balakꞌic, ma̱cꞌaꞌ na-oc cuiꞌ lix biomal. Abanan li ani nacuan saꞌ ti̱quilal naxcol rix lix yuꞌam.

Eclesiastés 2:24

Li cꞌaꞌru us tixba̱nu li cui̱nk, aꞌan cuaꞌac ut ucꞌac ut xyalbal xsahil li cꞌaꞌru tixcꞌanjela. Ut la̱in xinqꞌue retal nak chixjunil li cꞌaꞌru cuan ke li Dios naqꞌuehoc re.

Isaías 56:12

Nequeꞌxye: —Quimkex. Yoꞌkeb chi ucꞌac. Tocala̱k chi us. Ut joꞌcan ajcuiꞌ cuulaj. Malaj ut kꞌaxal cuiꞌchic ta̱sahokꞌ kachꞌo̱l chiru anakcuan, chanqueb.

Amós 6:13

La̱ex nasahoꞌ saꞌ e̱chꞌo̱l riqꞌuin li ma̱cꞌaꞌ na-oc cuiꞌ ut nequeye: ¿Ma incꞌaꞌ ta biꞌ cau kib kajunes? chanquex.

San Lucas 12:18

Ut quixye, “Ninnau cꞌaꞌru tinba̱nu. Tinpoꞌ li rochochil li ru li cuacui̱mk li cuanqueb. Ut tinyi̱b chic jalan ni̱nk chokꞌ re̱kaj. Ut chi saꞌ aꞌan tinxoc chixjunil li ru li cuacui̱mk joꞌ ajcuiꞌ chixjunil li cꞌaꞌru cuan cue.”

Proverbios 14:24

Lix lokꞌaleb li se̱beb xchꞌo̱l, aꞌan lix naꞌlebeb. Ut eb li ma̱cꞌaꞌeb xnaꞌleb, naꞌno̱queb ru xban lix to̱ntileb.