San Lucas 12:15 - Li Santil hu

¹⁵ Ut quixye ajcuiꞌ reheb chixjunileb li cuanqueb aran: —Qꞌuehomak retal li cꞌaꞌru te̱ba̱nu. Incꞌaꞌ yo̱kex chixrahinquil ru li biomal, xban nak moco riqꞌuin ta kabiomal yoꞌyo̱co, chan.

Q'eqchi Bible

¹⁵ Ut kixye reheb': —Chek'e reetal ut chekolaq eerib' chiru chixjunil li atawank, xb'aan naq, us ta numtajenaq li xb'ihomal junaq winq, moko taak'ehe'q ta xyu'am xb'aan li xjunkab'lal.

San Lucas 12:15 ပူးပေါင်းရင်းမြစ်များ

Hebreos 13:5

Me̱ra ru li tumin. Checꞌojobak ban e̱chꞌo̱l riqꞌuin li joꞌ qꞌuial cuan e̱re xban nak li Dios quixye: Junelic tatintenkꞌa, ut ma̱ jokꞌe tatincanab a̱junes. (Deut. 31:6)

Proverbios 15:16

Kꞌaxal us xxucuanquil ru li Dios, usta nebaꞌo, chiru nak cua̱nk kabiomal ut cua̱nk karaylal.

Proverbios 16:16

Kꞌaxal us nak cua̱nk a̱naꞌleb chiru nak cua̱nk nabal la̱ biomal. Kꞌaxal us nak ta̱tau xya̱lal chiru nak cua̱nk nabal la̱ tumin.

2 Timoteo 3:2

Eb li cristian junes reheb teꞌraj. Teꞌxrahi ru li tumin. Teꞌxnimobresi xcuanquil xjuneseb rib. Teꞌxkꞌetkꞌeti ribeb. Teꞌhobok ut teꞌxkꞌet ra̱tin xnaꞌ xyucuaꞌ. Incꞌaꞌ teꞌtioxi̱nk ut incꞌaꞌ teꞌxqꞌue xcuanquil xpa̱banquil li Dios.

San Lucas 16:14

Nak eb laj fariseo queꞌrabi li quixye li Jesús, queꞌoc chixseꞌenquil xban nak nequeꞌxra lix biomaleb.

Colosenses 3:5

Xban nak acꞌ chic le̱ yuꞌam, canabomak chi junaj cua xrahinquil ru li incꞌaꞌ us joꞌ li coꞌbe̱tac yumbe̱tac, ut li ma̱us aj naꞌleb. Ut canabomak xrahinquil ru li ma̱usilal. Ut me̱rahi ru li biomal xban nak li xrahinquil ru li biomal, aꞌan chanchan ajcuiꞌ xlokꞌoninquil li jalanil dios.

San Lucas 8:14

Ut li iyaj li quinak saꞌ xya̱nk li qꞌuix, aꞌan retalileb li nequeꞌabin re li ra̱tin li Dios. Nequeꞌxpa̱b, abanan incꞌaꞌ nequeꞌqꞌui saꞌ xpa̱ba̱leb xban nak caꞌaj cuiꞌ li cꞌaꞌak re ru cuan saꞌ ruchichꞌochꞌ nequeꞌxcꞌoxla, li biomal ut xra̱bal ru li cꞌaꞌak chic re ru. Aꞌan li naramoc lix ya̱lal chiruheb.

Salmos 62:10

Me̱cꞌojob e̱chꞌo̱l saꞌ xbe̱n li pletic. Ut me̱cꞌoxla nak yal riqꞌuin elkꞌac te̱tau li tzꞌakal biomal. Usta cuan cꞌaꞌru e̱re, abanan me̱cꞌojob e̱chꞌo̱l saꞌ xbe̱n.

Salmos 37:16

Usta caꞌchꞌin ajcuiꞌ li cꞌaꞌru cuan reheb li ti̱queb xchꞌo̱l, aꞌan kꞌaxal cuiꞌchic us chiru lix biomaleb li incꞌaꞌ useb xchꞌo̱leb.

2 Pedro 2:3

Eb aꞌan aj ticꞌtiꞌeb. Caꞌaj cuiꞌ le̱ tumin nequeꞌraj. Xban xrahinquil ru li tumin nequeꞌbalakꞌic riqꞌuin ticꞌtiꞌ. Lix rahobtesinquileb aꞌan ac tenebanbil chak saꞌ xbe̱neb najter xban li Dios. Incꞌaꞌ chic ta̱ba̱yk. Cuulac ban re xcutanquil nak teꞌsachekꞌ ruheb.

San Marcos 7:22

Ut saꞌ xcꞌaꞌux ajcuiꞌ nachal li elkꞌac, lix rahinquil ru cꞌaꞌru re ras ri̱tzꞌin, li ma̱usilal, li balakꞌi̱nc, li xba̱nunquil li xuta̱nalil naꞌleb, li cakali̱nc, li majecua̱nc, li kꞌetkꞌetil, ut lix majelil naꞌleb.

Habacuc 2:9

Ra xchal saꞌ e̱be̱n la̱ex li nequerahi ru ut nequemakꞌ li biomal jalan aj e. Ut chiru li tumin aꞌan nequeyi̱b le̱ rochoch chi us re nak ma̱cꞌaꞌ te̱cꞌul.

Salmos 10:3

Li incꞌaꞌ useb xnaꞌleb nequeꞌxnimobresi ribeb riqꞌuin li cꞌaꞌru nequeꞌxrahi ru lix chꞌo̱leb. Ut nequeꞌxqꞌue xlokꞌal li naxrahi ru cꞌaꞌak re ru, aban nequeꞌxtzꞌekta̱na li Dios.

Li xHu LAJ JOB 2:4

Abanan laj tza quixye re li Dios: —Cui ma̱cꞌaꞌ naxcꞌul lix tibel li cui̱nk, ma̱cꞌaꞌ naxye, usta naxqꞌue chi tzꞌekecꞌ li cꞌaꞌru cuan re xban xcolbal rix lix yuꞌam.

Josué 7:21

Nak xo-oc aran Jericó, xcuil saꞌ xya̱nkeb li cꞌaꞌak re ru jun cha̱bil tꞌicr xcomon li akꞌej li nequeꞌrocsi laj Babilonia. Xcuil ajcuiꞌ cuib ciento chi tumin plata ut numenak na jun libra li oro. La̱in quinra ru. Joꞌcan nak quinxoc chokꞌ cue. Xinbec jun li jul saꞌ li naꞌajej li cuanquin cuiꞌ chi hila̱nc ut aran xinmuk. Xinqꞌue li tumin rubel li tꞌicr, chan laj Acán.

1 Corintios 6:10

Eb laj e̱lkꞌ ut eb li nequeꞌxrahi ru li biomal incꞌaꞌ teꞌre̱chani lix nimajcual cuanquilal li Dios, chi moco laj calajenak, chi moco laj majecuanel, chi moco laj balakꞌ teꞌre̱chani lix nimajcual cuanquilal li Dios.

San Lucas 21:34

Chenauhak xcolbal e̱rib. Me̱qꞌue e̱rib chi a̱le̱c riqꞌuin li numcuaꞌac ut li cala̱c, chi moco riqꞌuin xcꞌoxlanquil chanru te̱numsi li cutan junju̱nk. Ma̱re anchal ta̱cuulak xkꞌehil li cutan aꞌan chi ma̱cꞌaꞌ saꞌ e̱chꞌo̱l.

Miqueas 2:2

Nequeꞌxrahi ru li chꞌochꞌ jalan aj e toj retal nequeꞌxmakꞌ chiruheb. Ut nequeꞌxmakꞌ li rochocheb ut nequeꞌxcꞌam chokꞌ reheb. Nequeꞌxrahobtesi laj e̱chal re joꞌqueb ajcuiꞌ li ralal xcꞌajol ut nequeꞌxcꞌam chixjunil li cꞌaꞌru cuan reheb.

Jeremías 6:13

Chixjunileb nequeꞌxrahi ru li biomal, joꞌ eb li toj sa̱jeb, joꞌ ajcuiꞌ li ac che̱queb. Eb li profeta ut eb laj tij aj balakꞌeb.

Proverbios 28:16

Junak li acuabej ma̱cꞌaꞌ xnaꞌleb naxrahobtesi li tenamit. Abanan li acuabej li incꞌaꞌ naxra ru biomal, aꞌan najtak rok lix yuꞌam.

2 Pedro 2:14

Aꞌaneb aj muxul caxa̱r. Caꞌaj cuiꞌ ixk nequeꞌxcꞌoxla ut incꞌaꞌ nequeꞌxcanab ma̱cobc. Nequeꞌoc chixkꞌunbesinquileb li toj kꞌuneb xchꞌo̱l. Eb li cui̱nk aꞌin cꞌaynakeb chixrahinquil ru li biomal. Eb aꞌan majecuanbileb chi junaj cua xban li Dios.

Ezequiel 33:31

Lin tenamit teꞌcuulak a̱cuiqꞌuin chirabinquil li cꞌaꞌru ta̱ye joꞌ cꞌaynakeb xba̱nunquil. Teꞌrabi li cꞌaꞌru ta̱ye, abanan incꞌaꞌ teꞌxba̱nu. Yal chi xtzꞌu̱mal reheb teꞌxye nak us la̱ cua̱tin, abanan saꞌ xchꞌo̱leb caꞌaj cuiꞌ li reheb aꞌan teꞌxcꞌoxla.

San Lucas 12:16

Ut quixye ajcuiꞌ jun li jaljo̱quil ru a̱tin reheb. Quixye: —Cuan jun li cui̱nk biom. Cuan jun xchꞌochꞌ cha̱bil ut nabal li acui̱mk na-el chi saꞌ.

1 Reyes 2:40

Joꞌcan nak laj Simei quixyi̱b rix lix bu̱r ut co̱ riqꞌuin laj Aquis aran Gat chixsicꞌbaleb lix mo̱s. Nak quixtauheb, quixcꞌameb cuiꞌchic Jerusalén.