San Lucas 12:11 - Li Santil hu

¹¹ Nak texcꞌamekꞌ chiruheb li nequeꞌtaklan saꞌ li cab li nequeꞌxchꞌutub cuiꞌ ribeb laj judío, malaj ut chiruheb laj rakol a̱tin ut chiruheb li cuanqueb saꞌ xcuanquil, incꞌaꞌ yo̱kex chixcꞌoxlanquil li cꞌaꞌru texsume̱nk cuiꞌ malaj ut li cꞌaꞌru te̱ye,

Q'eqchi Bible

¹¹ “Naq texk'ame'q sa'eb' li ch'utleb'aal kab'l, chiruheb' laj raqol aatin ut li wankeb' sa' xwankil, mixik eech'ool chi xk'oxlankil chanru malaj k'aru teekol wi' eerib', jo'wi' k'aru teeye,

San Lucas 12:11 ပူးပေါင်းရင်းမြစ်များ

San Lucas 12:22

Ut li Jesús quixye reheb lix tzolom: —Mixic e̱chꞌo̱l chixcꞌoxlanquil chanru nak te̱numsi li cutan junju̱nk, chi moco riqꞌuin li cꞌaꞌru te̱tzaca chi moco riqꞌuin lix tikibanquil e̱rib.

San Mateo 23:34

La̱in tintaklaheb e̱riqꞌuin li profeta ut li cuanqueb xnaꞌleb ut eb laj tzolonel. Abanan la̱ex incꞌaꞌ te̱rabi. Ut saꞌ xya̱nkeb aꞌan, cuan te̱camsiheb, cuan te̱qꞌueheb chiru cruz, ut cuan cuiꞌchic li te̱rahobtesiheb saꞌ li cab li nequechꞌutub cuiꞌ e̱rib chixtzolbal ra̱tin li Dios. Ut cuan cuiꞌchic te̱ta̱keheb saꞌ li junju̱nk chi tenamit re xchapbaleb.

Éxodo 4:12

Anakcuan tatxic ut la̱in tintenkꞌa̱nk a̱cue riqꞌuin la̱ cua̱tin. La̱in tincꞌut cha̱cuu li cꞌaꞌru ta̱ye, chan li Ka̱cuaꞌ Dios.

San Mateo 6:25

Joꞌcan ut nak ninye e̱re: Mixic e̱chꞌo̱l chirix le̱ cua e̱rucꞌa chi moco chirix chanru te̱tikib e̱rib. ¿Ma incꞌaꞌ ta biꞌ kꞌaxal lokꞌ li kayuꞌam chiru li cꞌaꞌru takatzaca? ¿Ma incꞌaꞌ ta biꞌ kꞌaxal lokꞌ li kayuꞌam chiru li kakꞌ?

San Mateo 6:27

¿Ani e̱re la̱ex ta̱ru̱k tixtik ru lix yuꞌam usta naxic xchꞌo̱l xcꞌoxlanquil?

San Mateo 6:28

¿Cꞌaꞌut nak naxic e̱chꞌo̱l chi cꞌoxlac chirix le̱ rakꞌ? Qꞌuehomak retaleb li utzꞌuꞌuj saꞌ pim chanru nak nequeꞌqꞌui chi incꞌaꞌ nequeꞌcꞌanjelac chi moco nequeꞌquemoc.

San Mateo 6:31

Joꞌcan ut nak moco yo̱kex ta chixyebal: ¿Cꞌaꞌru takatzaca anakcuan? chi moco, ¿cꞌaꞌru takatikib cuiꞌ kib?

San Mateo 6:34

Joꞌcan ut nak mexcꞌoxlac chirix li cutan re cuulaj xban nak aꞌan ta̱cꞌoxlama̱nk ajcuiꞌ cuulaj. Tzꞌakalak riqꞌuin li chꞌaꞌajquilal li naxcꞌam chak li junju̱nk chi cutan.