San Lucas 12:1 - Li Santil hu

¹ Nak yo̱queb chi chꞌutla̱c li qꞌuila mil chi tenamit, yo̱queb chixtiquisinquil ribeb. Li Jesús qui-oc chi a̱tinac riqꞌuineb lix tzolom xbe̱n cua ut quixye: —Me̱ba̱nu joꞌ nequeꞌxba̱nu laj fariseo. Aꞌaneb aj caꞌ pacꞌal u.

Q'eqchi Bible

¹ Sa' ajwi' li honal a'an ke'ch'utlaak k'iila mil chi poyanam, yookeb' chi xpitz'inkil rib'eb'. Ut li Jesus ki'ok chi xyeeb'al xb'een xb'een reheb' li xtzolom: “Chekolaq eerib' chiru li xch'amaleb' laj Pariseey, a' li ka'pak'al uhil.

San Lucas 12:1 ပူးပေါင်းရင်းမြစ်များ

1 Pedro 2:1

Xban nak acꞌ chic le̱ yuꞌam, cherisihak saꞌ le̱ chꞌo̱l chixjunil li ma̱usilal. Mexbalakꞌic chic. Te̱canab li caꞌ pacꞌal u. Mexcakalin chic ut te̱canab ajcuiꞌ li yoꞌoba̱nc a̱tin.

Santiago 3:17

Li ani qꞌuebileb xnaꞌleb xban li Dios, tzꞌakal re ru lix yuꞌameb. Cuanqueb saꞌ usilal, cha̱bileb ut tu̱laneb. Nequeꞌuxta̱nan u, nequeꞌxba̱nu li us, ut incꞌaꞌ nequeꞌbalakꞌin. Junelic ya̱l nequeꞌa̱tinac.

San Lucas 12:56

La̱ex aj caꞌ pacꞌal u. Nequenau xqꞌuebal retal ru li choxa ut li ruchichꞌochꞌ. Abanan caꞌaj cuiꞌ aꞌan nequenau rilbal. Incꞌaꞌ nequeqꞌue retal li yo̱ chi cꞌulma̱nc saꞌ eb li cutan aꞌin.

Li xHu LAJ JOB 36:13

Eb li incꞌaꞌ nequeꞌxcꞌoxla li Dios, cꞌajoꞌ nak nequeꞌjoskꞌoꞌ. Usta yo̱queb chi cꞌuluc raylal, abanan incꞌaꞌ nequeꞌxtzꞌa̱ma xtenkꞌanquil chiru li Dios.

Li xHu LAJ JOB 27:8

¿Ma cuan ta biꞌ cꞌaꞌru teꞌxyoꞌoni li incꞌaꞌ nequeꞌxcꞌoxla li Dios? ¿Cꞌaꞌ ta cuiꞌ ru teꞌxcol cuiꞌ ribeb nak li Dios ta̱risi lix yuꞌameb?

Li xHu LAJ JOB 20:5

lix sahil xchꞌo̱leb li incꞌaꞌ useb xnaꞌleb moco najt ta nacuan? Junpa̱t ajcuiꞌ.

2 Reyes 7:17

Lix reyeb laj Israel quixqꞌue li soldado li natenkꞌan re chi cꞌacꞌale̱nc saꞌ li oqueba̱l re li tenamit. Eb li tenamit queꞌnumeꞌ saꞌ xbe̱n ut queꞌxpitzꞌ xsaꞌ ut quicam. Quicꞌulman joꞌ quixye lix profeta li Ka̱cuaꞌ nak quicuulac li rey riqꞌuin.

1 Corintios 15:3

Li cꞌaꞌru quixcꞌut li Ka̱cuaꞌ chicuu, aꞌan ajcuiꞌ li xinchꞌolob che̱ru. Lix ya̱lal aꞌan kꞌaxal nim xcuanquil ut aꞌan aꞌin: nak li Ka̱cuaꞌ Jesucristo quicam re xtojbal rix li kama̱c joꞌ tzꞌi̱banbil najter saꞌ li Santil Hu xbaneb li profeta.

Hechos 21:20

Nak queꞌrabi aꞌin queꞌxbantioxi chiru li Dios. Ut queꞌxye re laj Pablo: —La̱at nacacuil, at herma̱n, jarub mil eb laj judío ac xeꞌpa̱ban. Ut chixjunileb aꞌan nequeꞌxqꞌue xchꞌo̱l chixba̱nunquil li naxye li chakꞌrab.

San Lucas 11:44

Ra cha̱lel saꞌ e̱be̱n la̱ex aj tzolol chakꞌrab ut la̱ex aj fariseo xban nak incꞌaꞌ us le̱ naꞌleb. La̱ex aj caꞌ pacꞌal u. Chanchanex li mukleba̱l li incꞌaꞌ nacꞌutun. Yalak ani nanumeꞌ saꞌ xbe̱n xban nak incꞌaꞌ nequeꞌxnau cꞌaꞌru cuan aran, chan.

San Lucas 6:17

Li Jesús quicube saꞌ li tzu̱l rochbeneb lix tzolom ut quicana saꞌ jun naꞌajej takꞌa ru rochbeneb lix qꞌuialeb chic lix tzolom ut li qꞌuila tenamit li queꞌchal chak saꞌ eb li tenamit Judea ut Jerusalén. Ut cuan ajcuiꞌ li queꞌchal saꞌ eb li tenamit li cuanqueb chire li palau joꞌ Tiro ut Sidón. Quilajeꞌchal re nak teꞌrabi li cꞌaꞌru tixye li Jesús ut re ajcuiꞌ nak li Jesús tixqꞌuirtesiheb li yaj.

San Lucas 5:15

Abanan yalak bar yo̱ chi abi̱c resil chixjunil li cꞌaꞌru yo̱ chixba̱nunquil li Jesús. Nabaleb li tenamit nequeꞌxchꞌutub ribeb chirabinquil li cꞌaꞌru naxye ut re ajcuiꞌ nak teꞌqꞌuirtesi̱k.

San Lucas 5:1

Saꞌ jun li cutan li Jesús cuan chire li palau Genesaret ut kꞌaxal cuiꞌchic nabal li tenamit queꞌchꞌutla chirabinquil li ra̱tin li Dios.

Isaías 33:14

Eb li nequeꞌxba̱nu li ma̱usilal li cuanqueb Sión cꞌajoꞌ nak nequeꞌxucuac. Nequeꞌsicsot xbaneb xxiu ut nequeꞌxye: —¿Ani ta biꞌ ta̱ru̱k ta̱colekꞌ chiru li xam li lochlo chi junelic? ¿Ani ta biꞌ ta̱ru̱k ta̱colekꞌ chiru li Ka̱cuaꞌ nak ta̱rakok a̱tin saꞌ kabe̱n? chanqueb.

Hebreos 12:22

Abanan la̱ex incꞌaꞌ xeba̱nu joꞌ queꞌxba̱nu eb laj Israel. Nak la̱ex nequepa̱b li Cristo, chanchan nak ac xexjiloc riqꞌuin li tzu̱l Sión. Sión naraj naxye li santil choxa cuan cuiꞌ li yoꞌyo̱quil Dios. Acꞌ Jerusalén nayeman ajcuiꞌ re li naꞌajej aꞌan. Aran cuanqueb li qꞌuila okꞌob chi ángel. Yo̱queb chixlokꞌoninquil li Dios.