San Lucas 11:9 - Li Santil hu

⁹ Joꞌcan ut nak ninye e̱re: —Nak ta̱paltok cꞌaꞌru e̱re, chextzꞌa̱ma̱nk chiru li Dios ut aꞌan tixqꞌue e̱re. Chesicꞌak ut te̱tau, chebokak ut li puerta ta̱tehekꞌ che̱ru.

Q'eqchi Bible

⁹ “Jo'kan naq ninye eere: chextz'aamanq ut k'eek'ooq eere; chexsik'oq ut teetaw; chexb'oqoq chire kab'l ut tehe'q cheru.

San Lucas 11:9 ပူးပေါင်းရင်းမြစ်များ

San Marcos 11:24

Joꞌcan nak tinye e̱re nak chixjunil li cꞌaꞌru te̱tzꞌa̱ma chiru li Dios nak yo̱quex chi tijoc, chepa̱b chi tzꞌakal nak ta̱qꞌuehekꞌ e̱re ut te̱cꞌul li cꞌaꞌru te̱tzꞌa̱ma.

San Mateo 21:22

Ut chixjunil li cꞌaꞌru te̱tzꞌa̱ma nak textijok, cui te̱pa̱b nak te̱cꞌul, ta̱qꞌuehekꞌ e̱re.

San Juan 15:16

Ma̱cuaꞌ la̱ex xexsicꞌoc cuu la̱in. La̱in ban xinsicꞌoc e̱ru la̱ex ut xexinxakab chixba̱nunquil li ti̱quilal. Le̱ ti̱quilal incꞌaꞌ ta̱osokꞌ. Ta̱cua̱nk ban chi junelic. Ut lin Yucuaꞌ tixqꞌue e̱re chixjunil li te̱tzꞌa̱ma saꞌ incꞌabaꞌ la̱in.

San Juan 15:7

Cui la̱ex cua̱nkex cuiqꞌuin ut te̱ba̱nu li cꞌaꞌru xinye e̱re, ta̱qꞌuehekꞌ e̱re chixjunil li cꞌaꞌru te̱tzꞌa̱ma.

San Juan 14:13

Chixjunil li te̱tzꞌa̱ma saꞌ incꞌabaꞌ, la̱in tinqꞌue e̱re re nak ta̱nima̱k xlokꞌal li Yucuaꞌbej saꞌ incꞌabaꞌ la̱in.

1 Juan 3:22

Ut yalak cꞌaꞌru takatzꞌa̱ma chiru, tixqꞌue ke xban nak yo̱co chixpa̱banquil lix chakꞌrab ut nakaba̱nu li cꞌaꞌru nacuulac chiru li Dios.

Santiago 1:5

Cui cuan junak saꞌ e̱ya̱nk ta̱raj xnaꞌleb, chixtzꞌa̱mahak re li Dios, ut li Dios tixqꞌue chi anchal xchꞌo̱l ut chi nabal.

Salmos 118:5

Nak cuanquin saꞌ raylal xintzꞌa̱ma intenkꞌanquil chiru li Ka̱cuaꞌ. Ut aꞌan xinixsume ut xinixcol.

Jeremías 29:12

Saꞌ eb li cutan aꞌan la̱ex textijok ut textzꞌa̱ma̱nk chicuu, ut la̱in tincuabi le̱ tij.

Hebreos 11:6

Ma̱ jokꞌe ta̱sahokꞌ xchꞌo̱l li Dios riqꞌuin li ani incꞌaꞌ napa̱ban. Ma̱ ani naru nachal riqꞌuin li Dios cui incꞌaꞌ naxpa̱b nak cuan li Dios ut nak aꞌan naxqꞌue xkꞌajca̱munquil li ani nasicꞌoc re.

Santiago 5:15

Cui teꞌxpa̱b nak li Dios tixqꞌuirtesi li yaj nak teꞌtijok, li Ka̱cuaꞌ ta̱qꞌuirtesi̱nk re ut tixcuaclesi cuiꞌchic. Ut cui cuan xma̱c, ta̱cuyekꞌ ta̱sachekꞌ ajcuiꞌ lix ma̱c.

Jeremías 33:3

—Chatzꞌa̱ma a̱tenkꞌanquil cue ut la̱in tatinsume. Ut tincꞌutbesi cha̱cuu li xni̱nkal ru naꞌleb li incꞌaꞌ nacanau ut tinchꞌolob xya̱lal cha̱cuu li cꞌaꞌru chꞌaꞌaj xtaubal ru.

Salmos 34:10

Li nequeꞌxye nak cauheb rib xjuneseb chanchaneb li cakcoj. Eb aꞌan teꞌraj ru cuaꞌac xban nak teꞌtzꞌoca̱k. Abanan li nequeꞌxtzꞌa̱ma xtenkꞌanquil chiru li Dios, aꞌan incꞌaꞌ napaltoꞌ li cꞌaꞌru us chiruheb.

Hebreos 4:16

Chotijok chi anchal kachꞌo̱l chiru li nimajcual Dios. Aꞌan ta̱ril xtokꞌoba̱l ku ut riqꞌuin xnimal rusilal toxtenkꞌa nak cua̱nko saꞌ junak raylal.

Salmos 50:15

Chine̱ya̱bak nak cua̱nkex saꞌ raylal ut la̱in texincol ut la̱ex te̱qꞌue inlokꞌal, chan li Dios.

Salmos 34:4

Quintzꞌa̱ma intenkꞌanquil re li Ka̱cuaꞌ ut aꞌan quixsume li cꞌaꞌru quintzꞌa̱ma re ut quilajrisiheb lin xiu.

San Juan 4:10

Li Jesús quixye re: —Cui ta nacanau cꞌaꞌru li ma̱tan li naxqꞌue li Dios, ut cui ta nacanau anihin la̱in li yo̱quin chixtzꞌa̱manquil cuucꞌa a̱cue, la̱at ta̱tzꞌa̱ma raj a̱cuucꞌa cuiqꞌuin ut tinqꞌue raj a̱cue li haꞌ li naqꞌuehoc junelic yuꞌam, chan li Jesús.

Salmos 27:8

La̱in xcuecꞌa saꞌ li cua̱m nak tento tatinsicꞌ. Joꞌcan nak xatinsicꞌ, at Ka̱cuaꞌ.

San Mateo 6:29

Aꞌut la̱in tinye e̱re, usta cꞌajoꞌ xchakꞌal ru lix tikibanquil laj Salomón, abanan incꞌaꞌ quixtau xchakꞌal ru li utzꞌuꞌuj aꞌin.

2 Corintios 6:2

Joꞌcaꞌin tzꞌi̱banbil saꞌ li Santil Hu: Nak xcuulac xkꞌehil, xaya̱ba incꞌabaꞌ ut xatcuabi. Saꞌ xkꞌehil xcꞌulbal li colba-ib, xatintenkꞌa, chan li Dios. (Isa. 49:8) Joꞌcan nak la̱in ninye e̱re nak anakcuan xkꞌehil xcꞌulbal li rusilal li Dios. Anakcuan ajcuiꞌ naru texcolekꞌ.

San Marcos 13:37

Ut li cꞌaꞌak re ru ninye e̱re la̱in, aꞌan ajcuiꞌ ninye reheb chixjunileb re nak yoꞌon cua̱nkeb, chan li Jesús.

Romanos 2:7

Li Dios tixqꞌue xyuꞌam chi junelic li ani naxqꞌue xchꞌo̱l chixba̱nunquil li cha̱bilal li naraj li Dios re nak tixtau lix lokꞌal, lix nimanquil ru, ut lix yuꞌam chi junelic.

Salmos 27:4

Jun ajcuiꞌ li nacuaj xtzꞌa̱manquil chiru li Ka̱cuaꞌ Dios. Li cꞌaꞌru nintzꞌa̱ma chiru, aꞌan nak tincua̱nk saꞌ li rochoch joꞌ najtil tincua̱nk saꞌ ruchichꞌochꞌ re nak tinlokꞌoni ru saꞌ li rochoch ut re nak tincꞌoxlak chirix li usilal li quixba̱nu cue.

Daniel 9:3

Ut chi anchal inchꞌo̱l quintijoc chiru li Ka̱cuaꞌ ut quintzꞌa̱man chiru. Quinba̱nu lin ayu̱n ut quicuocsi li kꞌes ru tꞌicr ut quinqꞌue li cha chicuix.

San Mateo 21:31

¿Ani reheb li cuib aꞌan xba̱nun re li quiraj lix yucuaꞌ? chan. Eb aꞌan queꞌchakꞌoc ut queꞌxye: —Li xbe̱n.— Ut li Jesús quixye reheb: —Relic chi ya̱l tinye e̱re nak eb laj titzꞌol toj ut eb laj yumbe̱t teꞌoc xbe̱n cua che̱ru saꞌ lix nimajcual cuanquilal li Dios.

Isaías 45:19

La̱in incꞌaꞌ nina̱tinac chi mukmu chi moco quinmuk chiruheb li cristian li cꞌaꞌru nacuaj. Chi moco quinye reheb li ralal xcꞌajol laj Jacob nak tineꞌxsicꞌ bar incꞌaꞌ ta̱ru̱k tineꞌxtau. La̱in li Ka̱cuaꞌ. Saꞌ ti̱quilal nina̱tinac ut junelic ninye li ya̱l, chan.

Apocalipsis 2:24

Ma̱cꞌaꞌ tinye e̱re re e̱kꞌusbal la̱ex aj Tiatira li joꞌ qꞌuialex incꞌaꞌ xetzol e̱rib riqꞌuin li tijleb li nequeꞌxchꞌolob eb aꞌan, xban nak aꞌan xma̱us aj naꞌleb laj tza.

Cantares 5:6

Xinte li puerta re nak tincuocsi li cui̱nk li ninra. Abanan ma̱ ani chic. Ac xco̱. Xyotꞌeꞌ raj chic inchꞌo̱l chirix nak xinra̱tina. La̱in quin-oc chixsicꞌbal. Quinbok, abanan incꞌaꞌ quichakꞌoc.

San Lucas 11:10

Cheba̱nu aꞌan xban nak li ani natzꞌa̱man chiru li Dios naqꞌueheꞌ re. Ut li ani naxsicꞌ, naxtau. Ut li ani nabokoc, li puerta nateheꞌ chiru.