San Lucas 11:8 - Li Santil hu

⁸ Moco xban ta nak rami̱g nak ta̱cuacli̱k chixqꞌuebal re li cꞌaꞌru ta̱raj ru. Tixqꞌue ban re xban nak yo̱k chixpatzꞌbal ut re nak tixcanab xchꞌiꞌchꞌiꞌinquil.

Q'eqchi Bible

⁸ ninye eere: ink'a' taawakliiq chi xk'eeb'al re rik'in naq ramiiw, taawakliiq b'an rik'in naq tixkanab' xch'i'ch'i'inkil, ut tixk'e re jo'nimal taaraj ru.

San Lucas 11:8 ပူးပေါင်းရင်းမြစ်များ

Génesis 32:26

Ut li cui̱nk quixye re laj Jacob: —China̱cuachꞌab xban nak yo̱ chi sake̱uc, chan re. Ut laj Jacob quixye re: —Cui incꞌaꞌ tina̱cuosobtesi, incꞌaꞌ tatcuachꞌab, chan.

Colosenses 4:12

Joꞌcan ajcuiꞌ laj Epafras naxtakla ajcuiꞌ xsahil e̱chꞌo̱l. Aꞌan e̱rech tenamitil ut aꞌan aj cꞌanjel chiru li Cristo. Junelic yo̱ chi tijoc che̱rix re nak texcua̱nk saꞌ xya̱lal ut cauhak e̱chꞌo̱l saꞌ le̱ pa̱ba̱l chixba̱nunquil chi tzꞌakal joꞌ naraj li Dios.

Romanos 15:30

Ex herma̱n, nintzꞌa̱ma che̱ru nak tine̱tenkꞌa saꞌ le̱ tij saꞌ xcꞌabaꞌ li Jesucristo ut saꞌ xcꞌabaꞌ ajcuiꞌ li rahoc ib li qꞌuebil ke xban li Santil Musikꞌej.

Colosenses 2:1

Nacuaj nak te̱nau nak junelic ninqꞌue inchꞌo̱l chi tijoc che̱rix la̱ex joꞌcan ajcuiꞌ chirixeb laj pa̱banel li cuanqueb aran Laodicea. Nintijoc chirixeb chixjunileb laj pa̱banel, li ac nequeꞌxnau cuu, joꞌ ajcuiꞌ li incꞌaꞌ nequeꞌxnau cuu.

2 Corintios 12:8

Oxib sut xintijoc ut xintzꞌa̱ma chiru li Ka̱cuaꞌ nak chirisihak li raylal aꞌin li yo̱ chi rahobtesi̱nc cue.

San Lucas 11:7

Ut li jun li cuan chak saꞌ cab ta̱chakꞌok chak ut tixye, “Mina̱chꞌiꞌchꞌiꞌi. Tzꞌaptzꞌo chic li cab. La̱in ut eb lin cocꞌal yo̱co chi hila̱nc. Incꞌaꞌ naru nincuacli chixqꞌuebal a̱cue li cꞌaꞌru ta̱cuaj.”

Jueces 14:17

Chiru cuukub cutan yo̱ chi ya̱bac li ixakilbej nak yo̱ li ninkꞌe toj retal nak saꞌ xcuuk li cutan laj Sansón quixye re cꞌaꞌru xya̱lal xban nak incꞌaꞌ naxcanab xpatzꞌbal. Nak ac xnau, li ixk coxye xya̱lal reheb li rech tenamitil.

1 Samuel 1:12

Najt quitijoc chiru li nimajcual Dios ut laj Elí yo̱ chixqꞌuebal retal lix tzꞌu̱mal re lix Ana nak yo̱ chi tijoc.