San Lucas 11:54 - Li Santil hu

⁵⁴ Yo̱queb chi patzꞌoc re li Jesús yal re rilbal ma tixye junak a̱tin incꞌaꞌ us re nak ta̱ru̱k teꞌxjit.

Q'eqchi Bible

⁵⁴ Ke'raj xra'lenkil re te'xchap raj rik'in li raatin.

San Lucas 11:54 ပူးပေါင်းရင်းမြစ်များ

San Marcos 12:13

Mokon chic queꞌxtakla riqꞌuin li Jesús cuib oxibeb laj fariseo rochbeneb cuib oxibeb li nequeꞌoquen chirix laj Herodes re xsicꞌbal cꞌaꞌru ta̱paltok cuiꞌ riqꞌuin li ra̱tin re nak teꞌxchap.

San Mateo 22:35

Ut jun reheb, aj tzolol chakꞌrab, quipatzꞌoc re li Jesús yal re xyalbal rix.

San Mateo 22:15

Ut chirix aꞌan, co̱eb laj fariseo ut queꞌxcꞌu̱b rib re rilbal chan ta na ru nak ta̱ru̱k nak teꞌxyal rix li Jesús riqꞌuin junak a̱tin re teꞌxjit cuiꞌ.

San Lucas 20:20

Eb laj tzꞌi̱b ut eb li xbe̱nil aj tij yo̱queb chixqꞌuebal retal jokꞌe tzꞌakal ta̱ru̱k teꞌxchap li Jesús. Ut queꞌxtaklaheb aj qꞌuehol etal riqꞌuin. Laj qꞌuehol etal queꞌxba̱nu ribeb nak ti̱queb xchꞌo̱l yal re rilbal cui tixye junak a̱tin re nak ta̱ru̱k teꞌxchap ut teꞌxcꞌam riqꞌuin li acuabej.

San Marcos 3:2

Eb laj fariseo yo̱queb chixsicꞌbal chanru nak teꞌxjit li Jesús. Joꞌcan nak yo̱queb chirilbal ma tixqꞌuirtesi tana li cui̱nk aꞌin saꞌ li hiloba̱l cutan.

San Mateo 22:18

Ut li Jesús quixnau nak moco anchaleb ta xchꞌo̱l nak yo̱queb chi patzꞌoc. Quixtau ru lix ma̱usilaleb ut quixye reheb: —Ex aj caꞌ pacꞌal u, ¿cꞌaꞌut nak nequeraj xyalbal cuix?

2 Reyes 5:7

Nak lix reyeb laj Israel quiril xsaꞌ li hu, quisach xchꞌo̱l ut quixpej li rakꞌ xban xcꞌaꞌux ut quixye: —¿Ma la̱in ta biꞌ Dios nak tinqꞌuirtesi li cui̱nk aꞌin? ¿Cꞌaꞌut nak xtakla chak li cui̱nk aꞌin cuiqꞌuin re tinqꞌuirtesi? ¿Ma ta̱ru̱k ta biꞌ tincuisi xyuꞌam junak ut tinqꞌue cuiꞌchic? Qꞌuehomak retal. Li cui̱nk aꞌan yo̱ chixsicꞌbal xya̱lal chanru nak ta̱pletik cuiqꞌuin, chan.

San Lucas 11:53

Ut nak quirakeꞌ chixyebal eb li a̱tin aꞌin, cꞌajoꞌ nak queꞌjoskꞌoꞌ eb laj tzolol chakꞌrab ut eb laj fariseo. Queꞌoc chixchꞌiꞌchꞌiꞌinquil ut nabal li cꞌaꞌak re ru yo̱queb chixpatzꞌbal re.

San Lucas 20:26

Ut ma̱ jun a̱tin queꞌxtau re ta̱ru̱k teꞌxye nak cuan xma̱c. Ut queꞌsach xchꞌo̱leb xban li a̱tin li queꞌsume̱c cuiꞌ xban li Jesús. Joꞌcan nak ma̱cꞌaꞌ chic queꞌxye.

Hechos 23:21

Ma̱ba̱nu cꞌaꞌru teꞌxye xban nak numenak caꞌcꞌa̱l chi cui̱nk teꞌramok re saꞌ be re xcamsinquil. Eb aꞌan queꞌxcꞌu̱b rib. Queꞌxba̱nu li juramento ut queꞌxye nak incꞌaꞌ teꞌcuaꞌak chi moco teꞌucꞌak cui incꞌaꞌ teꞌxcamsi laj Pablo. Anakcuan yo̱queb chiroybeninquil cꞌaꞌru ta̱ye la̱at, chan li al.