San Lucas 11:43 - Li Santil hu

⁴³ Ra cha̱lel saꞌ e̱be̱n la̱ex aj fariseo li nacuulac che̱ru cꞌojla̱c saꞌ li naꞌajej kꞌaxal lokꞌ nak nequexxic saꞌ li cab li nequechꞌutub cuiꞌ e̱rib. Ut nacuulac che̱ru nak ta̱qꞌuehekꞌ e̱lokꞌal saꞌ eb li be.

Q'eqchi Bible

⁴³ “Ra chaalel sa' eeb'een laa'ex aj pariseey, xb'aan naq nekeraj wank sa' li xb'een na'ajej sa'eb' li ch'utleb'aal kab'l; nekeraj ajwi' naq taak'ehe'q xsahil eech'ool sa'eb' li k'ayiil.

San Lucas 11:43 ပူးပေါင်းရင်းမြစ်များ

San Lucas 20:46

—Me̱tzol e̱rib riqꞌuineb laj tzꞌi̱b li nequeꞌcuulac chiruheb xqꞌuebal li rakꞌeb chirixeb chi najt rok nak nequeꞌbe̱c re xcꞌutbal nak cuanqueb xcuanquil. Eb aꞌan nequeꞌcuulac chiru nak teꞌqꞌuehekꞌ xlokꞌal saꞌ eb li be. Ut nak cuanqueb saꞌ li cab li nequeꞌxchꞌutub cuiꞌ ribeb, nequeꞌcuulac chiruheb cꞌojla̱c toj chi ubej. Ut nak nequeꞌbokeꞌ saꞌ junak ninkꞌe, nequeꞌcuulac chiruheb chunla̱c saꞌ li me̱x li nequeꞌchunla cuiꞌ li cuanqueb xcuanquil.

3 Juan 1:9

Cuan cꞌaꞌru xintzꞌi̱ba saꞌ li hu li xintakla riqꞌuineb laj pa̱banel aran. Abanan li herma̱n Diótrefes, aꞌan naxnimobresi rib ut incꞌaꞌ naxcꞌul xchꞌo̱l li cꞌaꞌru xintzꞌi̱ba. Naraj takla̱nc saꞌ e̱ya̱nk ut incꞌaꞌ naxqꞌue incuanquil.

Filipenses 2:3

Incꞌaꞌ te̱ba̱nu cꞌaꞌak re ru yal xban nak cuan li cꞌaꞌru te̱ra, chi moco te̱ba̱nu yal re xnimobresinquil e̱rib. Checubsihak ban e̱rib. Me̱cꞌoxla nak kꞌaxal nim e̱cuanquil chiruheb le̱ ras e̱ri̱tzꞌin.

Romanos 12:10

Cherahak e̱rib chi ribil e̱rib chi anchal e̱chꞌo̱l xban nak e̱comon e̱rib saꞌ le̱ pa̱ba̱l. Ut che-oxlokꞌi e̱rib chi ribil e̱rib.

Proverbios 16:18

Li ani naxkꞌetkꞌeti rib ta̱osokꞌ. Ut li ani naxnimobresi rib ta̱cubsi̱k xcuanquil.

San Mateo 11:16

¿Ani ta cuiꞌ aj iqꞌuin ta̱ru̱k tebinjuntakꞌe̱ta li cuanqueb saꞌ ruchichꞌochꞌ anakcuan? Ma̱cꞌaꞌ nacuulac chiruheb. Chanchaneb li cocꞌal li nequeꞌcꞌojla chi batzꞌu̱nc saꞌ eb li cꞌayil ut nequeꞌxjap re chixyebal reheb lix comon: